2 CORINTIOS 1

1 Naa nac Pabl, grop no bets ne Timoté, laa no rquia stib guits rii rxeeḻ no guiedz Corint i. Naá¹le to gaá¹le Dios bzo naa, pxeeḻ me naa none naa Xtiidz Ndzon Jesús lo miech. Laaw ziaad lo to i, grëse to ne nac to zha ne ngab xnëz Dios; zigtaa tow, zigtaa grëragaa zha ne no dib nëz Gres iw. 2 Dios meá¹ ne nac Pxoz ne, ni Jesús meá¹ ne rnabey ne, me guá¹lay to, me glu gaá¹le pa lotaa noxco me to zeeá¹a peet zhgab ctsebde to. 3 Bets, bzian, goḻgotsaa gwi ne gaá¹le, ¡zha ndzontaa Dios, Pxoz Jesús meá¹ ne rnabey ne! Sac goá¹, pa lotaa rquia zdoo me ne, pa lotaa rchoobladz me zdoo ne 4 lo grëtaa guieḻnë ne rdieed ne. Ni laa me rchoobladz zdoo ne goá¹, zeeá¹a scagaa grëraa zha ne rdziaá¹ ne no guieḻnë, mban rac zho, guio ne guiochoobladz ne zdoo zho zigne rchoobladzaque me zdoo ne. 5 Zig nac niina, nroob guieḻnë ne nodieed no loxaque ne rliladz no Jesús, per scaquegaa ib rsaand me no tibaque nochoobladz me zdoo no. 6 Laa no nodziaá¹ grë guieḻnë rii, sacne noxco no nonee no lo miech zha laa zho lo doḻ, parne scagaa grieelo cchoobladz no zdoo to. Lo grë guieḻnë rii, me nac meá¹ ne nochoobladz zdoo no, gane ndioá¹ no scaque squia zdoo me to, schoobladz me zdoo to zeeá¹e gdziá¹ dze ne laa to gaá¹ grë guieḻnë ne nodziaá¹ no nu niina. Ni me goá¹ nac meá¹ ne gacnieá¹ to glëb to gaá¹ tow. 8 Bets, bzian, teḻ niaca miá¹e niaá¹ to gaá¹le zha nactaa grë guieḻnë nroob ne bdieed no zeeá¹e no no nëz Asia. Ne nligaa nroob psacsi zho no, ncuaaá¹e lëbdraa no lo grë guieḻnë co, tibaque rdzieets no bod gataa niet no. 9 Masaque bzhiaac no leá¹ dze co zig rzac tib zha ne nole guet, laa zho quiambëzse gaḻ hor ne guet zho. Garaa bdzioá¹ no peet grieelod dziuuá¹ no ne nose, sinque Dios none gnalo no, mese zac csilaa no lo grëtaa guieḻnë; sac teḻ me, haxta meá¹gut rbeeban me. 10 Ni nligaa blee me no lo guieḻnë co, bla me no lo guieḻgut co; ni ndioá¹ no scaque zla me no lo grëraa guieḻxtseeb ne dziaá¹ no, 11 totsaque gacnie to no tibaque gnab to lo me gacnieá¹ me no. Zeeá¹a, tibaque gac ne grëse ne gdeed ne xquizh lo me. 12 Rley no sacne rieá¹ no choot noquidied miech, ndzinli mban no, zigtaa zeeá¹e zo no lo tow, zigtaa zeeá¹e zogaa no lo grëraa miecha. Per guiabd ne togo por niini now, sinque ne nquialadz Dios no gane quiayacnieá¹ me no znu mban no. 13 Grë miá¹e rnee no lo guits ne zixeeḻ no lo to, niapse diidzliw, ni miá¹e rgobey no grieelo guieá¹ to miá¹ co rquiaa no; gane racladz naa gdziá¹ dze ne guieá¹ tow. 14 Nli ruá¹beydpaa to zha nac naa, per racladz naa gley to zeeá¹e raá¹ to naa, zigne gleyaque naa gaá¹ naa to gaḻ dze ne laa Jesús, meá¹ ne rnabey ne guiaad stib. 15 Sca nagoá¹ rzaac naa, gacxe na ni naa glo niaḻgaá¹ naa to, dzigo ile nrie naa nia naa nëz Macedon. Ni zeeá¹e mbire naa nëz co, niaḻteedaque naa lo to i stib; zeeá¹a niac chop vuelt ne nionley zdoo to. Lozh ga, iá¹e niowse nzonëz to naa nia naa nëz Judé. 17 Ni pasëë naa niaḻ. Per guiabde to togo bod notiblid guic naa zeeá¹e sca bne naa, o nacgaa naa zig nac grë zha ne laglaase rnee tib diidz, laa leá¹ zdoo zho naá¹paa zho guá¹d zhow. 18 Dios zobwi gaá¹le rdziuuá¹scad no. Miá¹e rnee no, rdziuuá¹ now. 19 Goḻgaá¹ gaá¹le, zigtaa naaw, zigtaa Silvana, zigtagaa Timotéw, no biadseed to cho nac Jesús, meá¹ ne nac Xpëëd Dios; ni zig nac Jesús, rquidied me. Grëse miá¹e rnee me ruá¹ mew, 20 ni grëse miá¹e psaá¹ Dios diidz guá¹ me, grësew noyuá¹ mew; gane niicle nogaaw rnee no lo miech gaá¹le ible ruá¹ me miá¹e rnee me, ga rlu gaá¹le pa lotaa meá¹ nroob nac me. 21 Ni lëë Dios co goá¹ nozhixcuaa lo xquieḻmban ne, laa ne ngab xnëz Jesús niina; me bzooblo no nonee no Xtiidz me. 22 Haxta pxeeḻ me Espíritu Sant zdoo ne, rrieequia bloobey me ne ga, par glu gaá¹le lo me ngab ne, ni ible zgaa ne grëtaa guieḻnzaac ne bneele me gneedz me lo ne. 23 Me zobwi, me naá¹ gaá¹le pe nacne gard guiaḻ naa. Gard goá¹ guiaḻ naa, per por tow; sac rquia zdoo naa to, racladzd naa loxaque guiaḻquiago naa to i, lozh ga mban gac to. 24 Guiabde to sca togo bod racladzd no guiaad no. Nli rquiindraa to guiadnee no lo to zha gliladz to Dios, sac dib zdoole to rliladz to me; per laa no racladz iá¹e guiaadlonley no zdoo to i. Goḻguieá¹ sca, miá¹ co racladz no, racladzd no guiaadloguieḻnë no to.