1 TIMOTEO 2

1 Laa naa rso diidz lo to: Goḻguieá¹ none gnab to lo Dios por grëse miech ne ndxie lo guidzliu, goḻnab lo me guá¹lay me zho, gacnieá¹ me zho; ni goḻdeed xquizh lo me por grëtaa ncuaaá¹e ruá¹ me. 2 None gnab to lo me gacnieá¹ me grëse zha ne nac wxtis, grëse zha ne rnabey, gdeed me guieḻbiini lo zho zaacse guá¹ zho guieḻwxtis, zaacse gnabey zho; zeeá¹a tibliladz cue miech, iá¹e gban ne zigne racladz me, sin choot peet glisquid lo ne. 3 Sca nagoá¹ nonguieḻ dziuuá¹ ne, ni scagaa rdziladz Dios, meá¹ ne pxeeḻ Jesús biaadsilaa grëse miech lo doḻ; 4 meá¹ ne racladz grëse miech sëëb xnëz Jesús, gacnaá¹ zho miá¹e nac diidzli. 5 Guieá¹ zho gaá¹le ne tibaque Dios no, ni tibaque meá¹ ne zac gdziá¹nie grëse miech lo me: lëë meá¹ co nac Jesús, meá¹ ne goc miech biaad lo guidzliu; 6 sac goá¹ Jesús nac meá¹ ne bdeed xquieḻmban, beet zho me, bdiizh me xtoḻ miech. Miá¹ rii nagoá¹ racladz Dios gacnaá¹ miech leá¹ dze rii. 7 Ni laa me pxeeḻ naa none naaw lo grëse zha ne nacd zha Israel, noseed naa zho grëse miá¹e nac diidzli, zeeá¹a guieá¹ zho dib zdoo zho gliladz zho Dios. (Miá¹e rne naa nu diidzliw, rquidieed naa.) 8 Laa naa racladz sca, zaatne notaa zha ne dib zdoo rliladz Dios, grëse zha bgui none gzodiidznie zho Dios. Ni zeeá¹e gzodiidznie zho me, none iá¹e mbe zdoo zho, choot lo zha rlëëd zho, choot zha nodiḻnied zho. 9 Laa grë meá¹ wnaa, racladz naa tsoxco zho zaacse gacwxab zho, niowse, tibliladzse gac zho. Sac grë meá¹ wnaa ne rliladz Dios, par gluniow zho rquiind ne gooá¹ dieá¹ paraa xixcuaa guitsguic zho, dieá¹ pe quie rbebni, pe or gac xnil zho, gac zhibguiaa zho, pe lar niazh ne gacwgaa zho. 10 Par gluniow zho, rquiin zaacse gbannie zho samiech zho, zig none gban zha ne nole xnëz Dios. 11 Zig nac leá¹ yadoo, none tibliladzse gac zho, dzese sob zho yquiaadiag zho teḻ pe nac wseed ne noyac; 12 gnedzd naa diidz ne zha so cseed miech, o zhagaa gnabey lo mgui. None dzese sob zho, 13 sac goá¹ zeeá¹e psaá¹ Dios miech lo guidzliu, glose bzaa me Adán, dzigoraa bzaa me Ev. 14 Ni stiba, pquidied meá¹dox Adán, sinque laa ma güeyquidie Ev; ni porne bliladz Ev xtiidz ma, ga bdiits Ev xtiidz Dios. 15 Per silaa Dios wnaa lo xtoḻ zho, teḻne dib zdoo zho gliladz zho me, tsoxco zho gban zho zigne racladz me, guieá¹ zho guá¹ zho miá¹e rieguiaḻ wnaa, gap zho xpëëd zho ni cchoob zho win.