1 JUAN 4

1 Bets, bzian, zha ne gnë zhiEspíritu Dios nacnie zho, gooá¹ ye zho quianee Xtiidz me lo miech; ib guá¹de to ne lëëlëd gliladz to xtiidz zho, sinque goḻwigazh dieá¹ pe nli zhiEspíritu Dios nacnie zho. Sac ndal grë zha ne quianzë lo guidzliu, rquidie zho rnee zho Xtiidz Dios noteed zho. 2 Parne guieá¹ to dieá¹ pe nli zhiEspíritu Dios nacnie zho, goḻwi dieá¹ zha rzac zho Jesús: Teḻ zha ne rliladz ne nli zig tib miech goc me biaad me lo guidzliu, ga rlu ne nli zhiEspíritu Dios nacnie zho. 3 Laa teḻ rliladzd zho ne nli sca biaad me, nlid dzigo zhiEspíritu Dios nacnie zho; sinque lëële espíritu ne rtsidiḻ Jesús ga nacnie zho. Laa to binle gaá¹le ib laa espíritu co guiaad; ni lëële espíritu ntseeb co nacnie grë zha ne squi quianzë lo guidzliu niina. 4 Xin yeeá¹a, saá¹gue to xnëzle Dios ngab to, yquidiedraa zha co to, sac goá¹ mazdraa nroob poder rap meá¹ ne nacnie to, lëdle espíritu ne nacnie grë zha ne sca zienaḻ grë wseed yozh ne no lo guidzliu. 5 Grë zha co, ncuaaá¹e rac lo guidzliu rii nonie guic zho; gacxe waa, niapse lëëw rnee zho, ni gagaa grëque zha ne rleynie grë ncuaaá¹ co, zha co rliladz zhiwseed zho. 6 Saá¹gue ne xnëz Dios no ne. Ni scagaa zha ne ruá¹bey Dios, zha co rquiaadiag miá¹e rnee ne; laa grë zha ne ruá¹beyd me, rquiaadiagd zhow. Gase na gaá¹le rlu cho zha nacnie zhiEspíritu Dios, ni cho zhagaa nacnie espíritu ne ziaadquidie miech. 7 Bets, bzian, goḻgotsaa gleynie ne samiech ne, sac goá¹, teḻ Dios grëse ne rleynie me ne. Gacxe waa, zha ne rlu nli rleynie zho samiech zho, gase rlu ne nli xpëëd Dios nac zho, nli ruá¹bey zho me. 8 Laa grë zha ne rleynied samiech, ruá¹beyd zho Dios ga gane sca ruá¹ zho; sac goá¹ ib Dios rneedz guieḻbiini lo ne gleynie ne samiech ne. 9 Gotsaa gwi ne gaá¹le, pa lotaa rleynie me ne: Tibpaa Xpëëd me, ni pxeeḻ me me biaadtizh me xtoḻ ne, zeeá¹a ygaa ne tib guieḻmban ndzon ne gdziá¹d dze lozh. 10 Led guiabd ne togo glo miech bleynie Dios gane rleynie me zho niina; led scada, sinque ible zdoo me gola rleynie me ne. Ne nligaa gotsaa gwi ne gaá¹le zha pxeeḻ me Xpëëd me, goc me zig tib gon ne gozh grëse xtoḻ ne. Ga nagoá¹ rlu pa lotaa rleynie Dios ne. 11 Bets, bzian, zigne scataa rleynie Dios ne, scaquegaa ne nagoá¹ none gleynie ne samiech ne. 12 Gard tso tib zha ne gaá¹ Dios, per zha ne rleynie samiech, me ga nacnie zho; ni zigse zie dze dib zdooraa zho rleynie zho samiech zho. 13 Me nac meá¹ ne pxeeḻ zhiEspíritu me nacnie no, parne glu nacnie me no, ni scagaa no nacnie no me. 14 Ni stiba, grop lo no bdzioá¹ no biaad Xpëëd me biaadsilaa me miech lo doḻ; ni miá¹ co nonee no lo miech niina. 15 Grëse zha ne rliladz Xpëëd Dios nac Jesús, ni rnee zhow lo miech, ga rlu ne nacnie Dios zho, ni scagaa zha nacnie zho me. 16 Ndioá¹ ne gaá¹le nli rleyniedox Dios ne, sac rieá¹paa ne rleynie me ne, ni rliladz ne zeeá¹e rnee me pa lotaa rleynie me ne. Ible niaa me par gleynie me, me rdeed guieḻbiini lo miech gleynie zho samiech zho, zigne rleynie me zho; gacxe waa, zha ne rleynie samiech, ga rlu nacnie zho Dios, ni scagaa me nacnie me zho. 17 Zig nac ne, niina ne laa ne nacniele Jesús, zig zie dze laa ne lozh cseed gleynie ne me, ni gleynie ne samiech ne zigne racladz me; ni scagaa tsod pe nacne ctoladz ne, pe nacne gdzieb ne gdziá¹ dze ne laa me guá¹ xquieḻwxtis me; sinque haxta gley ne dziaá¹ ne me gaḻ dze co. 18 Nod pe nacne gdzieb ne me, sac goá¹ ndioá¹ ne pa lotaa rleynie me ne. Led yedraa niina pe dzeb ne dzio ne, sac grëse dzeb rbiche zeeá¹e rieá¹ ne rleynie me ne. Zha ne rdzieb, zienie guic zho pe nac grë guieḻnë ne gaá¹ zho, ga rlu zho gard guieá¹ zho ne rleynie me zho, ni gardgaa guieá¹ zho gleynie zho me. 19 Gotsaa guieá¹ sca gaá¹le, nli laa ne rleynie Dios, laa ne rleynie samiech ne, per glo me blu gaá¹le pa lotaa rleynie me ne. 20 Teḻ zha ne rnee, rleynie zho Dios, ni rlozh ga rlëënie zho samiech zho, rquidie zho ga. Sac goá¹, teḻ naá¹d zho gleynie zho samiech zho, zha ne raá¹lopaa zho, ¿pe leḻ Dios dzigo gliladz ne nli rleynie zho, ni nac me meá¹ ne raá¹d zho? 21 Sac goá¹, znu nac xtiidz Jesús: Zha ne rleynie Dios, zigne rleynie zho me, scaque none gleynie zho samiech zho. Ni miá¹ rii rnabey me dziuuá¹ ne.