1 CORINTIOS 7

1 Lo guits ne pxeeḻ to lo naa, nzian ncuaaá¹e rnabdiidz to, nu gaá¹le laa naa ctsire lo wnabdiidz co: nli wena, teḻne niaca miá¹e grieelow ctsieelniad ne. 2 Per parne tsod pe yquiaaqui cho guá¹ guieḻyozh, tsonie zho zha ne led tsieeld zho, mazd wena zigtaa mguiw, zigtaa wnaaw ctsieelnia zho, tib tib zho gbanniese zho tsieel zho zigne rieguiaḻa. 3 Zha ne ptsieelniale, zig nac mgui none gnee zho lo tsieel zho zeeá¹e racladz me, scaquegaa wnaa zeeá¹e racladz tsieel zho gnee lo zho none siguieḻ zho. 4 Sac goá¹ wnaa ne rtsieelnia, led zhadraa rnabey xcuerp zho, sinque tsieel-le zho rnabeya; scaquegaa mgui zeeá¹e laa zho rtsieelnia, tsieel-le zho rnabey xcuerp zho. 5 Goḻguieá¹ sca, niicle mguiw niicle wnaaw nodne yca zho xcuerp zho lo tsieel zho. Laa teḻne rzacgaa zho none yquiind zho tsieel zho tib blalaa dze, sac rquiabladz zho gzodiidznie zho Dios, wena totsaque guiaaá¹ zhow diidz grop zho. Per zigne ted ga, gbiireque gnee zho lo tsieel zho, sac goá¹ zha ne grieelod cxecw, nend ccheep meá¹dox zho guá¹ zho guieḻyozh. 6 Ne znu rne naa lo to, guiabde to nagoá¹ togo rne naa nopaa ctsieelnia to. 7 Teḻ naa, rzac naa wena tebaa grëse to znu ctsieelniad, zigne nac naa; per na ncuaaá¹e gacd ga, sacne zhaase zhaase nac ne tib tib ne. No zho pso Dios ctsieelnia, nogaa zho pso me ctsieelniad, per rley zho mban zho zigne nac zho. 8 Zig nac grë zha ne bii tib, grëgaa zha ne gutle tsieel, wena tebaa grieelo scase guiaaá¹ zho, 9 per teḻne rieá¹ zho lëbd xcuerp zho, dzigo mazd ctsieelnia zho. Mazd wena ctsieelnia zho, lëdle so zho tib zho ni teḻ rec rdzu zho. 10 Saá¹gue zha ne ptsieelniale, laa naa rso diidz lo zho csaand zho tsieel zho, ni nacda xtidz naa, sinque ible sca rnabey Dios. 11 Laa teḻ zha ne guiaabgaa csaan zho tsieel zho, zaca, per lëëraasi grieelodraa gbiire ctsieelnia zho, mazd miá¹e naca teḻne zrieelow ycatsieel zho stib, o guiaaá¹gaa zho tipse zho. 12 Nu na gaá¹le laa naa gnegaa chop lan xtidz naa lo zha ne led yed tsieel rliladz Xtiidz Dios; tib diidzse naca gni naaw, nacda miá¹e rnabeypaa Dios. Zha bgui ne mbannie tib wnaa ne rliladzd Xtiidz Dios, per teḻne rio guic wnaa gbannie wnaa zho, nodne csaan zho wnaa. 13 Scaquegaa wnaa ne mbannie tib mgui ne rliladzd Xtiidz Dios, nod csaan zho mgui co teḻne riopaa guic mgui gbannie mgui zho. 14 Zigtaa mguiw, zigtagaa wnaaw, zha ne sca mbannie tib zha ne rliladzle xtiidz Dios, ye zho ruá¹lay Dios ga, nenda haxta zio dze ne ye zho gliladz xtiidz me. Sac teḻne ctso zho, laa ne gbigraa xpëëd zho lo Dios, leḻ znu sozit mëëd. 15 Nana, teḻne zhalgaa zha ne rliladzd Xtiidz Dios ga, rnab csaanlsa zho, peet nacda maase ctso zho, nod pe nacne gzoobguicpaa tsieel zho lo zho cuëz zho. Sac goá¹ zha ne rliladzle Xtiidz Dios, laa me bredz zho parne zaacse gban zho, bredzd me zho par tsodiḻ zho; 16 stiba, naá¹d zho dieá¹ pe zdziá¹ dze ne gliladz tsieel zho Xtiidz Dios. 17 Miá¹e naca tib tib to goḻtsoxco guá¹ to miá¹e rdziladz Dios. Zigtaa zha ne pso me ctsieelnia, zigtagaa zha ne pso me scase guiaaá¹, sca none gac to; scagaa zha ne ncaatsieel-le zeeá¹e rliladz zho xtiidz me, none sca guiaaá¹ zho niicle teḻne rliladzd tsieel zho xtiidz me. Grëse zha ne ngab lo me, diidz rii rso naa lo zho. 18 Zig nac grë zha ne nole bey xcuerp zeeá¹e laa zho rzëëb xnëz me, sca no zho bey co guá¹d zho ne yqueets zhow. Zha ne na nodgaa bey co zeeá¹e rzëëb zho xnëz me, scaque nod pe nacne tsopaa zho bey co. 19 Miá¹e mazdraa non lo me, gban zho zigne rdziladz me, guieá¹draa ne dieá¹ cho no bey, chogaa noda. 20 Zigne rneque naa ga, grëse zha ne rzëëb xnëz Dios, teḻ zha nac zho zeeá¹e laa me bredz zho, scase none guiaaá¹ zho. 21 Zig nac zha ne nac nguá¹dziin lo beá¹, peet tsienied guic zho guiab zho dieá¹ zha griee zho ladznia zha ne rnabey zho; per teḻne gdeeda diidz, zac tsoxco zho dieá¹ zha griee zho lo zha co. 22 Zha ne sca nac nguá¹dziin lo beá¹ zeeá¹e bzëëb zho xnëz Dios, guieá¹ zho gaá¹le rrieequia zonlaale zho, sac goá¹ laa Jesús psilaale zho lo grëtaa doḻ ne bio zho. Zha ne nacdgaa nguá¹dziin lo beá¹ zeeá¹e bzëëb zho xnëz Dios, guieá¹ zho gaá¹le tib nguá¹dziinle nac zho lo Jesús niina, me rnabey zho. 23 Goḻguieá¹ gaá¹le, grëse to laa Dios bzhiile to ni nroob gocnon to, gacxe waa mele rnabey to; ni togaa, lo me none guá¹ to dziin, gdeete to diidz lega gnabey miech to. 24 Sca nasca goá¹ bets gaca, tib tib to zigne nacse to zeeá¹e bzëëb to xnëz Dios scase no gban to, iá¹e gleynie to me. 25 Stib wnabdiidz ne ruá¹ to ga dieá¹ zha gac zha ne gard ctsieelnia, gneli naa lo to gaá¹le, guieá¹d tib xley Dios miá¹e gnabeypaa dieá¹ zha gac zho. Per goḻquiaadiag miá¹e gne naa nu gaá¹le zha rzaac naa, naá¹le to gaá¹le, zha ne znu rquia zdoo Dios rbedz me, miá¹e rquiin miá¹ co rnee zho. 26 Grë ne ne nac ne zha ne rliladz Xtiidz Dios leá¹ dze rii, nligaa ngaá¹ nac lo xquieḻmban ne, gane zoot naa wena zha ne sca gard ctsieelnia, maase guiaaá¹tib zho. 27 Zha bgui ne na ptsieelnialegaa, grieelod gni naa guiaaá¹tib zho; sca mbannie zho tsieel zho; per teḻ zha ne gard ctsieelniaw, mazd sobd guic zho ctsieelnia zho. 28 Zha ne racladzpagaa ctsieelnia, zigtaa mguiw zigtaa wnaaw, led doḻd ga guá¹ zho teḻne laa zho ctsieelnia; per gacnaá¹ zho gaá¹le, zeeá¹e laa zho pcatsieel-le, ib tedsod nroob guieḻnë ne gaá¹ zho por grë miá¹e noyac leá¹ dze rii. 29 Miá¹e none guieá¹ to: zhisle nac dze ne so ne lo guidzliu rii, led nroob nac ngbidz ne grieelo dziuuá¹ ne xtsiiá¹ Dios; gacxe waa, zha ne nole tsieel, mazd sac zho zho zig tib zha ne guieá¹d tsieel. 30 Zha ne quianie dimiw, zha ne no guieḻbleya, zha ne nogaa guieḻnëw, gdeete zho diidz yca grë ncuaaá¹ co lo zho par guá¹ zho xtsiiá¹ me. 31 Zha ne bienle ruá¹falte grëtaa ncuaaá¹e rquiin zho, gdeete zho diidz ctse grë ncuaaá¹ co lo zho, sac zigtaa guidzliuw, zigtaa grë ncuaaá¹e no low, zdziá¹ dze ne nitlow. 32 Miá¹e racladz naa peet zhgab ctsed lo to. Goḻwi gaá¹le, zha bgui ne tib, tiblique zienie guic zho ruá¹ zho miá¹e rdziladz Dios, miá¹e nac xtsiiá¹ me. 33 Laa zha ne no tsieel, grieelodraa sca gac zho, sac laa guic zho zienie zha gbannie zho tsieel zho, zha grieelo guá¹ zho miá¹e rdziladz me, miá¹ co rionieraa guic zho. 34 Scaque grë meá¹ wnaa, zha ne tib, rioxcoraa zho ruá¹ zho miá¹e rdziladz Dios, dib nacse zho rbeeladz zho zho lo xtsiiá¹ me. Laa zha ne ptsieelniale, xco ne dieá¹ zha gbannie zho tsieel zho, dieá¹ zha grieelo guá¹ zho miá¹e rdziladz tsieel zho, xco co rioraa zho. 35 Laa naa rne miá¹ rii lo to, per guiabde to togo rca naa ctsieelnia to, sinque laaw rne naa parne guieá¹ to zha guá¹ to, zeeá¹a grieelo zaacse gac to guá¹ to miá¹e rnabey Dios. 36 Zha ne quianie wnaa nguieg, teḻne rzac zho nonguieḻda ga scase ted lo xquieḻnguieg xpëëd zho, sinque none ctsieelnia zho, peet nacda, led doḻd ga ctsieelnia zho. 37 Laa teḻne rzacgaa zho, wenraaw ctsieelniad xpëdwnaa zho, ible scale pquiabladz zho guiaaá¹ mëëd, wenaque ga teḻne sca rzac zho. 38 Wen ga guá¹ zha ne sca gdeed diidz ctsieelnia xpëdwnaa, per mazdraa wen ga guá¹ zha ne rzac mazd ctsieelniad xpëëd. 39 Nana, wnaa ne retgaa tsieel, nli zeeá¹e mban tsieel zho rnabey ley ne tsieelse zho gbannie zho; per zeeá¹e laa tsieel zho ret, zac ctsieelnia zho teḻ cho stib mgui ne racladz zho, totsaque zha ne noque xnëz Diosa. 40 Per teḻ naa, rzac naa mazdraa wen gban zho teḻne tsodraa guic zho ctsieelnia zho stib; sca nagoá¹ rzaac naa wena, ni led xtiidzdse naaw sac rieá¹ naa led tibd naa, Espíritu Sant nacnie naa.