1 CORINTIOS 5

1 Zëëb diidz goá¹, lad to i no tib zha bgui ne quiayuá¹ tib doḻ nroob; per ni grëraa miech ne gard gliladz Xtiidz Dios ruá¹d miá¹ co. Bin naa lëëque xniaa pchoob zho quiangob zho. 2 ¡Yo na ne rzac to grële zhiwseed Dios naá¹ to, gaxle zo to lo me! ¡Laa ne ctoladz to, laa ne tso to guieḻnë, cuee to zha qui lad to, leḻ no to rlozhd gacniats to! 3 Niicle ne zozhaald naa lo to i, per zeeá¹e bin naaw tibaque nonie guic naa zha gaca. Nu laa naa gni lo to gaá¹le zha rieguiaḻ gac zha co: 4 Grë to ne nac to zha ne ngab lo Jesús, rnab naa lo to ycaalsa to zigne rnabey me. Ndioá¹le ne gaá¹le zeeá¹e laa to ycaalsa, ga zo Jesús lo to, scagaa naa, goḻguá¹ cuent lo to i zo naa. 5 Squi ndxie to grë to, goḻzonëz zha co, goḻcueegazh zho lo to i, tsie zho tsietsobe zho ladznia meá¹dox, ga tednë xcuerp zho guieá¹ zho gaá¹le pe noyuá¹ zho; naá¹d new togo zzhixcuaa zho stib, zeeá¹a ycaania Jesús zho gaḻ dze ne laa me gbiire guiaad. 6 ¡Xlëse goá¹ squitaa racniats to rzac to zha mbe nac to, ni raá¹dze to zha ne quiayuá¹ doḻdox qui! ¡Pe rieá¹de to teḻne glisquide to miá¹e quiayuá¹ zho, ib tedsod zrieequiaraa zha ne squi guá¹ctal xtoḻ! 7 Zha ne squi nac, masaque nac zho zig nac grë guieḻguidzdox ne znuse rded; goḻcueegazh zho sca, zeeá¹a iá¹e mbe gac to nëz lo Dios, tete to guieḻguidz qui. Goḻguieá¹ gaá¹le laa Jesús psaá¹mbele ne, miá¹copaa gut me, goc me gon nëz lo Dios zig carner yeeá¹ ne rgogon zho lo me lni Pascw. 8 Goḻgotsaa gban ne zigne racladz Dios, grëse teḻ zha wban ne glo, grëse guieḻyozh, grëse guieḻntseeb ne bdziuuá¹ ne, none csaan new grësew. Ndzinli sca goḻgac, goḻtsienaḻ miá¹e nac diidzli; none mbe gac to nëz lo Dios, zig guietxtil ne notsd ncobi. 9 Lo stib guits ne pxeḻ naa lo to ga, laa naa psole diidz lo to gaá¹le ctsieelsade to grë miech yozh ne ndzinlid mban. 10 Zeeá¹e sca pso naa diidz lo to, guiabde to togo naca parne ctsieelsadraa to grë zha ne gard gliladz Xtiidz Dios, zha ne rquiangob zha ne led tsieeld, grë zha ne zienaḻ loxaque guá¹lo dimi, grë zha ne ruá¹ guieḻgbaan, grëgaa zha ne rnalo grë mdio. Led zha coda, sac laga mban ne lo guidzliu rii, ible zaá¹lsa ne grë ne zho. 11 Sinque zha ne bzet naa ga ctsieelsade to, nac zha ne nacle diidz xnëz Dios no zho, ni noque zho quiayuá¹ctal zho xtoḻ zho, no zho rquiangob zha ne led tsieeld zho, no zho zienaḻ loxaque guá¹lo dimi, zhiga zhiga laa ne gleynie zho Dios leḻ zhaa ncuaaá¹e rleynieraa zho, no zho rquiadiidzguizh samiech, no zho rzudz, nogaa zho ruá¹ guieḻgbaan. Ne nligaa zha ne sca nac, per ni tib guieḻwagw gowniede to zho. 12 Teḻ grëraa zha ne gard gliladz Xtiidz Diosa, led ned rioguiaḻ glisqui miá¹e quiayuá¹ zho, Dios nac meá¹ ne guá¹quizh zhow. 13 Saá¹gue zha ne nacgrë ne, zeeá¹e noyuá¹ zho tib ncuaaá¹e ndzinlid, ib rieguiaḻ glisqui new lo zho. Gacxe nana sca, zha ne squi quiayuá¹ctal xtoḻ i, goḻcueegazh zho lad to, ni spalal gaá¹dzedraa to zho.