1 CORINTIOS 3

1 Bets, bzian, ne nligaa gard grieelo gne naa lo to zigne rne naa lo grë zha ne rioguicle zha nac miá¹e racladz zhiEspíritu Dios, sinque tibaque laa naa rne lo to zigne rne naa lo grëraa miech guidzliu, sac rrieequia bii mëdyeeá¹ nac to lo zhiwseed Jesús. 2 Niapse ncuaaá¹e ligase ziseed naa to, laa ne cseed naa to ncuaaá¹e ndzielguic. Rrieequia nidzse nonedz naa quiaye to, laa ne gow to grë ncuaaá¹e row zha gol. Haxta niinagaa gard tsoguic to zha nac grë miá¹e ndzielguic, 3 sacne laa to bii zienaḻ miá¹e ruá¹ miech guidzliu, laa ne guá¹ to miá¹e racladz Dios. Goḻguieá¹ gaá¹le zha rac to, no to rlozhd glëëlsa to, rlozhd tiḻlsa to. ¡Led squid goá¹ no gac zha ne nole xnëz Dios! 4 Pe i na rriee bla to rnee: “Teḻ no xnëz Pabl no no”, rrieequegaa zla zha ne rnee: “Teḻ no xnëz Apol no no.” Gase rlu gaá¹le zienaḻde to miá¹e racladz Dios, sinque laa to zienaḻ miá¹e no guic to. 5 Nana, ¿cho nac Pabl, chogaa nac Apol parne no yquiaaqui tsodiḻ to? Nli no biadseed to Xtiidz Dios, per tib nguá¹dziin winse nac no lo me, bdziuuá¹ no miá¹e rnabey me no. 6 Nac cuent rii zig nac tib guieḻgon, naa blo bni liu, laa Apol bgaala; per Dios nac meá¹ ne bnabey blana ni me pchooba. 7 Goḻwi sca gaá¹le Diosse nac meá¹ non, sac me pchoob bni co, teḻ no peet ncuaaá¹e nroob bdziuuá¹d no, lëë gdib tib bloo bni liu, stib bgaala. 8 Zigtaa zha ne bloo bni liuw, zigtagaa zha ne bgaala, lal nac zho grop zho; ni Diosse nac meá¹ ne gdeed miá¹e rieguiaḻ zho tib tib zho por dziin ne beeá¹ zho. 9 Tib nguá¹dziin winse nac no lo Dios grop no Apol; laa to nac zig tib lë liu ne quiayan Dios, zig tib yu ne quiazaagaa me. 10 Pa lotaa wen Dios, sac bzooblo me naa naa psilo yu co, ni blu me lo naa zhapaa none tsaaw. Nli naa bgaa blee xcimienta, per niina zhaale zha ne nosoquiaw. Tib tib zha ne nosoquia yu co, none guieá¹ zho zaacse gzhixcuaa zhow, tsienaḻ zho zigne nacse xcimienta ga, 11 sac goá¹ nod pe nacne csëëb zho stib cimient, tibaque cimient no, lëë cimient co nac Jesús. 12 ¡Laa cimient co nole! Nana no zho gzaa yu co niapse guiib or, niapse guiib plat, no zho gzaaw grë quie niazh, no zho gzaaw yag, nogaa zho gzaaw grë pe guizh, pe yag xiidgaa. 13 Zeeá¹e gdziá¹ dze ne laa Jesús guá¹ guieḻwxtis, ga glu dieá¹ zha nac xtsiiá¹ zho; sac gaḻ dze co grësew laaw none ted lo gui, ga glu dieá¹ pa miá¹ lëbraa. 14 Zha ne pquiin ncuaaá¹e rlëb lo gui, ib tedsod zgaa zho miá¹e rieguiaḻ zho gdeed Dios lo zho; 15 laa zha ne pquiingaa grë ncuaaá¹e znuse rec, mbe scase nitlo xtsiiá¹ zho. Peet ycaaniad zho, haxta zha pense teḻ zha laa zho lo gui co, zigne rzac zha ne rec lidz. 16 Goḻgacnaá¹ gaá¹le xyadoo Dios goá¹ nac to, sacne zdoo to rbëz zhiEspíritu me. 17 Teḻ xyadoo Dios, tib yadoo mbe, tib yadoo nda naca; gacxe waa, zha ne gnitlow ib tedsod znitlo Dios zho. 18 Goḻguieá¹ sca zaacse goḻgac, teḻ no zha ne rzac nroob rac zho wseed lo guidzliu rii, gnalod zho miá¹ co; nend leḻ lo co no zho, ygaad zho miá¹e nacpaa guieḻrac, guieḻrac ne rneedz Dios. 19 Sac goá¹ grë guieḻrac ne no lo guidzliu rii, ncuaaá¹e beeḻze naca nëz lo Dios. Zigne raquietaque lo Xtiidz me zaatne rnee: “Grë zha rac ne no lo guidzliu rii, lëëque lo grë guieḻrac ne zienaḻ zho, ga rlu Dios gaá¹le paat rquiinda." 20 No stib zaatne rnee: “Naá¹le Dios grë zhgab ne nonie guic grë zha rac, ncuaaá¹e paat rquiinda." 21 Tsode to sca lozhd gacniats to dieá¹ cho xnëz miech guidzliu rii no to, goḻguieá¹ gaá¹le grëtaa ncuaaá¹e no, laa Dios psaá¹a par yquiina lo to. 22 Zig nac guidzliu, guieḻmban, guieḻgut, ladznia to now, niicle ncuaaá¹e no niinaw, ncuaaá¹e naragaa ziaada, cheá¹ tow; haxta Pabl, Apol, Pedr, ib laa no zo nu par dziuuá¹ no xyudar to. 23 Grëse to tibaque xnëz meá¹ ne no to, lëë meá¹ co nac Jesús, meá¹ ne pxeeḻ Dios.