1 CORINTIOS 14

1 Laa to naá¹le pa miá¹ nac miá¹e mazdraa non, ¡goḻleynie samiech to sca! Per scagaa goḻnab ygaa to guieḻbiini ne rneedz Espíritu Sant. Zig nac guieḻbiini ne rgaa zha ne rteed xtiidz Dios lo miech, goḻnab ygaa to miá¹ co zeeá¹a sca grieelo cseed to miech xtiidz me. 2 Sac teḻ zha ne rgaa guieḻbiini rnee zho stib diidz, zeeá¹e rnee zho diidz co choot rieá¹d dieá¹ pew, sac lo Dios ga rnee zho. Teḻ pe nac miá¹e rnee zho ga, Espíritu Sant rsiaaba guic zho, per choot racnaá¹d dieá¹ zha naca. 3 Saá¹gue zha ne rgaa guieḻbiini rteed zho xtiidz Dios lo miech, miá¹e rnee zho ga rquiina par tsoguicraa miech zha racladz me, par guieá¹ zho pe nonguieḻ guá¹ zho, ni rchoobladza zdoo zho. 4 Tib zha ne sca rnee stib diidz, lose zho rquiin guieḻbiini co, sac zhase rioguicraa zha racladz Dios; saá¹gue zha ne rteed xtiidz me, diidz ne rnee zho rquiina lo grëraa zha ne no xnëz me, grëse zho rioguicraa zha racladz me. 5 Wena tebaa grëse to ygaa guieḻbiini co gnee to stib diidz, per mazdraa goá¹ wena cteed to xtiidz Dios lo miech, cseed to miech xtiidz me; sac miá¹ co mazdraa rquiin, lëdle gnee to stib diidz. Zacaquegaa gnee to stib diidz co, totsaque lozhse gnee tow, gneegazhaque to dieá¹ zha naca; zeeá¹a sca yquiina lo grëraa zha ne no xnëz Dios. 6 Bets, bzian, to gase nadieá¹, teḻ niaca miá¹e glanso naa lo to i csilo naa gne naa stib diidz, ¿pa dieá¹ yquiina lo to? Per teḻ glanso naa, iá¹e csilo naa clar gne naa lo to pe nac miá¹e zinee Dios lo naa, pe nac grë miá¹e rieá¹ naa, pe nac miá¹e ziaadyob gac, zha nac grë miá¹e zhobnee lo Xtiidz Dios, led grëse miá¹ co zieá¹ to zha naca, ni squiina lo to grëse to. 7 Haxta grë ncuaaá¹e rooḻ miech, zig nac bzie zig nacgaa vihuel, teḻ csilo zha ne noyooḻa teḻ zhataa gooḻ zhow, ¿zha dieá¹ guieá¹ miech pa di noyooḻ zho? 8 Zig nacgaa zha ne rcuedz cornet lo meá¹guiib, teḻne teḻ zhataa ycuedz zhow, ¿zha dieá¹ gacnaá¹ meá¹guiib pe nac vis ne quiayuá¹ zho? 9 Scadaa nagoá¹ ruá¹ to zeeá¹e rnee to stib diidz lo miech, ¿zha nadieá¹ guieá¹ zho pe nonee to? Rrieequia lo mese ga rnee to. 10 Zig nac lo guidzliu ndal lo diidz rnee miech, per tib tiba nose mod ne rnee zhow, nose zha ne rieá¹a. 11 Teḻne guiaad tib zho lo naa csilo zho gnee zho, ni rieá¹d naa pe quianee zho, grieelod guieá¹ naa pe racladz zho, guieá¹gaa zho zha rzaac naa. 12 Nana sca, zha ne rquiabladz ygaa guieḻbiini ne rneedz Espíritu Sant, gnab zho ygaa zho miá¹e grieelo yquiin lo grëraa zha ne nacgrë zho, zeeá¹a grë zho tsoguic zha racladz Dios gban zho. 13 Gacxe nagoá¹ waa, zha ne rneele stib diidz, none gnab zho gdeed Espíritu Sant guieḻbiini lo zho guieá¹ zho pe nac grë diidz co, parne gnee zhow lo miech; 14 sac zha ne sca rnee stib diidz, teḻ so zho gnab zho lo Dios, rieá¹d zho pe nonab zho, loxaque zhiespírituse zho quianee ga. 15 Gacxe waa zeeá¹e gnab ne lo Dios, zeeá¹e gooḻniegaa ne me, zac gnee ne stib diidz, per scagaa none gnee ne diidz ne rieá¹ ne, miá¹e rieá¹gaa grëraa miech. 16 Sac goá¹ teḻ stib diidz nonee ne noyooḻnie ne Dios, nodeed ne xquizh lo me, ¿zha dieá¹ yquiab grëraa zha ne ndxie ni rieá¹d zho pe rnee ne? 17 Niicle ne ndzon sca nodeed ne xquizh lo Dios, per zha ne noquiaadiaga ga, paat yquiinda lo zho. 18 Xquizh Dios, teḻ naa ye naa rne stib diidz, ni mazdraa goá¹ rne naaw que zha ne rneew lo to i, 19 per zeeá¹e zo naa zaatne ndxie grë zha ne noquiaadiag Xtiidz Dios ruá¹d naa ne gnee naa stib diidz, sinque rne naa miá¹e guieá¹ zho. Rieá¹ naa wenraaw gne naa maase gaayaque lan diidz, per miá¹e guieá¹ zho, lëdle so naa gne naa tsii mil diidz, ncuaaá¹e ni tib choot guieá¹d. 20 Bets, bzian, goḻguieá¹ sca goḻsaan guieḻmëëdlas qui. Zacgaa gac to mëëdlas per nëz lo guieḻntseeba, saá¹gue xpensar to goḻgac zig zha ne biaa biinile. 21 Gotsaa gwi ne gaá¹le zha nac stib diidz. Zhobnee lo Xtiidz Dios rëb me, laa me cxeeḻ miech stib dan miech ne rnee stib diidz, par gnee zho lo zha Israel; per niicle tsienee zha co, ib guieá¹d zhow. 22 Gase nagaá¹le rlu rquiind stib diidz co par grë zha ne rnalole Dios, sinque laaw rquiin parne grë zha ne nod xnëz me gaá¹ zho gaá¹le nli no me. Zha ne nole xnëz me, zha co rquiin gon zho pe nac miá¹e racladz me gacnaá¹ zho, pe nac miá¹e zhobnee lo Xtiidz me. 23 Per niicle scaw, teḻne zob bla zha ne sca gard gliladz Xtiidz me, zobgaa bla zha ne pense rsilo rquiaadiaga, ni csilo to gnee to stib diidz, zeeá¹e gaá¹ zhow lëëtaa miá¹e guiab zho rzhiá¹le guic to sca rac to. 24 Laa teḻne grëse to no noteed to xtiidz me, nonee to miá¹e racladz me gacnaá¹ miech, zha ne sca gard gliladz Xtiidz me, zha ne sca pense rsilo rquiaadiaga, zeeá¹e gon zho grëtaa miá¹e nonee to, haxta ziaa zho biini zieá¹ zho ne nli tib miech ngoopdoḻ nac zho. 25 Zigse quianee to laa zdoo zho lozh yguudz, laa zho ted yquiitsgzhib zho gnab zho perdon lo Dios; ga guieá¹ zho gaá¹le ne nli nacnie me to. 26 Bets, bzian, goḻguieá¹ sca zeeá¹e ycaalsa to cseed to Xtiidz Dios, zigtaa zha ne gooḻa, zha ne cteed xtiidz Diosa, zha ne gnee stib diidza, zha ne gneegaa zha nac diidz co, none tsienie guic zho miá¹e guá¹ zho ga laaw yquiin parne tsoguicraa los demas zho zha racladz Dios gban zho. 27 Zeeá¹e gnee zho stib diidz, none choptaa zho, tsoá¹tagaa zho gneew. None tibga zho gnee, ni rquiin zole zha ne gnee pe nac diidz co. 28 Laa teḻne guieá¹d zha ne grieelo gnee dieá¹ pe naca, nodne gnee zhow; mazd leá¹ zdoose zho gnee zhow, Diosse gon pe nonee zho. 29 Scaque zha ne cteed xtiidz Dios, choptaa zho, tsoá¹tagaa zho gneew, laa grëraa zha ne ndxie none yquiaadiag zho miá¹e nonee zho. Teḻne lëëtaque nonee tib zho, ni csiaab Dios guic stib zho gnee, dzigo none cuëz zha ne quianeele ga zeeá¹a grieelo gnee zha co. 31 Sca none gaca, none tibga tibga zho gnee, zeeá¹a grëse zha ne ndxie grieelo gon zho dieá¹ pew, parne cseed zho, ni gacnguieeḻraa zho lo Xtiidz Dios. 32 Zha ne sca rteed xtiidz Dios, none cseed zho gnabey zho zho, cuëz zho nieeda gdziá¹ hor ne gnee zho. 33 Sac teḻ Dios, rdziladzd me guiots gnaaz pe cos, rdziladzd me ncuaaá¹e nzhiitni. Miá¹e rdziladz me zaacse gac tib cos, ni scagaa ruá¹ grëraa zha ne no xnëz me. 34 Ni stiba, zeeá¹e sca rcaalsa to, racladz naa guieá¹ grë meá¹ wnaa dzese sob zho. Nodne so zho ye zho gnee, sac goá¹ mgui rnabey zigne zhobneeque lo Xtiidz Dios. 35 Ncuaaá¹e racladz zho gacnaá¹ zho, ro yu ga gnabdiidz zhow lo zha bgui, sac goá¹, rdzieelda lëëpaaze wnaa gnee zaatne rcaalsa to rquiaadiag to Xtiidz Dios. 36 Zaacse sca goḻgac, goḻguieá¹ gaá¹le grieelod guá¹ to miá¹e notaa guic to, sac goá¹ led loxaque todse nac zha ne ruá¹bey Xtiidz Dios, par guiab to zigne racladz to gac tib cos, sca none gaca. 37 Miá¹e rne naa lo to nu xtiidz Dios naca, zha ne rteed xtiidz me lo to i, zha ne rapgaa pe stib guieḻbiini ne rneedz Espíritu Sant, zha co guá¹bey gaá¹le nli miá¹e rnabey mew. 38 Zha ne gliladzdgaaw, maase gliladzd zhow. 39 Sca nagoá¹ naca. Goḻtsoxco sca ygaa to guieḻbiini cteed to xtiidz Dios lo miech, zeeá¹a gacnaá¹ zho zha racladz Dios gban zho; per scagaa, ib ycade to teḻ cho zha ne rnee stib diidz. 40 Per zigne rne naa ga, grëse miá¹e guá¹ to none zaacse guá¹ tow, tib tiba gacsew hor ne rieguiaḻa.