1 CORINTIOS 1

1 Naa nac Pabl, ible Dios bzooblo naa znu quiayuá¹ naa xtsiiá¹ Jesús. Grop no bets ne Sóstenes rquiaa guits rii rxeeḻ no lo to. 2 Laaw ziaad lo to i, grëse to ne nac to zha ne ngable xnëz Dios no to guiedz Corint i, nac to zha ne bredz Dios ngab lo me, psaá¹mbe me to zeeá¹e laa to bliladz Jesús; zigne psaá¹mbeque me grëse miech ne no dib lo guidzliu, zha ne bliladz Jesús, meá¹ ne rnabey ne grëse ne. 3 Dios meá¹ ne nac Pxoz ne, ni Jesús meá¹ ne rnabey ne, me gacnieá¹ to, me glu lo to gaá¹le pa lotaa noxco me to; zeeá¹a peet tsienied guic to. 4 Gzataa zeeá¹e rzodiidznie naa Dios, rded naa xquizh lo me por grëtaa ncuaaá¹e zineedz me lo to, niina ne laa to rliladz Jesús. 5 Sac goá¹ porne rliladz to Jesús, blactaa ziyuá¹lay me lo xquieḻmban to, noyacnieá¹ me to quiayoguicraa to zha nac zhiwseed me, rieá¹ to zha gnee tow lo miech. 6 Rlu zienaḻ to miá¹e nac Xtiidz Jesús, zigne binse tow, 7 gacxe waa bneedz Dios grëtaa guieḻbiini lo to, zeeá¹a guieá¹ to zha gban to, laga quiambëz to gdziá¹ dze ne guiaad Jesús meá¹ ne rnabey ne. 8 Ni Dios nac meá¹ ne gacnieá¹ to tiblique gac to lo Xtiidz Jesús, zeeá¹a ni tib falt rapde to gaḻ dze co. 9 Sca nac xtiidz me, ni mesi goá¹ ctsëëd me miá¹e rnee me, ible laa me bredz to gacnie to Xpëëd me Jesús, meá¹ ndzon ne rnabey ne. 10 Gacxe waa bets, bzian, laa naa rso diidz lo to niowse goḻgac, tsodiḻdraa to. Iá¹e tipse goḻgac grë to, teḻ pe nac dziin ne guá¹ to, teḻ pe rzac to, tipse goḻnee. Ne nligaa goḻgona, zig nac zeeá¹e Jesúszhal noso diidz rii lo to. 11 Sac goá¹ në tib zhalidz Cloé lo naa nodiḻlsa to i; 12 no to dieá¹ cho xnëz ngab to. No to rnee: “Xnëz Pabl no naa”; riasaque zha ne rnee xnëz Apol no zho, rrieequiagaa zha ne rnee xnëz Pedr no zho; haxta no zho rzac zhase nac zha ne nlipaa no xnëz Jesús. 13 Ne squi rac to, ¿pe rzac to dzigo squi nzian lë nac Jesús? Zha ne rnee xnëz Pabl no zho, ¿pe niacxe naa pquia lo cruz gozh xtoḻ zho?, ¿te brobnis zho ye par ygab zho lo naa? 14 ¡Xquizh Dios led naad pchoobnis to grë to, lëëse chop zha ne pchoobnis naa nac Crisp ni Gay! 15 Zeeá¹a tsod pe nacne guiab to xnëz naa ngab to, sac naa pchoobnis to. 16 Ah, ni naaque goá¹ pchoobnis grë meá¹lidz Stef. Bod lëëse zha ne pchoobnis naa ga, 17 sac goá¹ pxeeḻdaxe Jesús naa waa cchoobnis naa miech, sinque laa me pxeeḻ naa cseed naa zho gacnaá¹ zho zha grieelo laa zho lo doḻ. Haxta bod ligase bzhaac to miá¹e biaḻne naa lo to, sac ib zanaḻd naa pe guieḻrac, pe diidz ngaá¹ ne gne naa; sac nacda gleynie miech zha rnee naa, sinque gliladz zho cho nac Jesús, pe nacne gut me lo cruz. 18 Miá¹ co nagoá¹ noxco naa, maase niicle no grë zha ne rzac ncuaaá¹e paat rquiind ga beeá¹ Jesús gut me lo cruz, per lëë zha co nole nëz ne nitlo zho; saá¹gue ne ne nac ne zha ne psilaale me lo doḻ, ndioá¹ ne gaá¹le ga blu pa lotaa nac poder ne rap Dios. 19 Noyaca zigne zhobneeque lo Xtiidz Dios, zeeá¹e rëb me: Znitlo naa grë guieḻrac ne rzac zho csilaa zho, niicle rzac zho mazdraa zhooba guic zho, ni lalnu yquiinda. 20 Ni nligaaw, grë zha rac, grë zha rieá¹, grë zha ne rzob dieá¹ cho nroobraa rac, ib blud grë zhiwseed zho ga lo zho zha csilaa Dios zho, chogaa nac Dios. Ga blu Dios gaá¹le lega nacse grë guieḻrac ne no lo guidzliu rii. 21 ¡Diosse nac meá¹ ne rieá¹! Bieá¹ me grieelod guá¹bey miech me por xquieḻrac zho, nacne bnabey me zha ne dib zdoo gliladz xtiidz me, zha co csilaa me; niicle ne rzhidznie miecha, rzac zho ncuaaá¹e paat rquiinda. 22 Zig nac grë zha Israel, grë zha Gres ncuaaá¹e paat rquiinda rzac zho. Grë zha Israel, racladz zho gaá¹lo zho grë milagr nroob par glu ne diidzliw; laa zha Gres na zienaḻgaa gaca zigne nac zhiwseed zho, sac laa zho zienaḻ guieḻrac ne no lo guidzliu rii. 23 Gacxe waa zeeá¹e rnee no lo zho Jesús meá¹ ne pquia lo cruz, meá¹ cose csilaa miech, rlëë zha Israel ron zhow; laa zha Gres, rzhidznie. 24 Saá¹gue ne, ne nac ne zha ne bredzle Dios bzëëb xnëz me, zigtaa zha Israela, zigtagaa grëraa miecha, ndioá¹ ne gaá¹le Jesús nac meá¹ ne biaadlu pa lotaa nac poder ne rap Dios, me biaadlu pa lotaa nac xquieḻrac Dios. 25 Miá¹e rzac miech paat rquiind ga beeá¹ Dios, ni naá¹d zho ndziibguicraa nac miá¹ co lo grë xquieḻrac zho; zha ne rzacgaa choḻze cho meá¹ nsis ga sca gut lo cruz, ni naá¹d zho lëë meá¹ co mazdraa ndip lo grëse miech guidzliu. 26 Bets, bzian, goḻgaá¹ gaá¹le lo grë to ne nac to zha ne ngab xnëz Dios, led grëde to nac zha rieá¹ nëz lo miech, led grëde to nac zha non, zha ne ziaadgaa lo grë dii ne nziuu lo zho. 27 Per ib laa Dios nobedz grë zha ne rzac miech peet rieá¹d, grë zha ne rzac zho nac zha nsis, parne guá¹ctoladz me grë zha ne rzac zho nac zha rac, zha non. 28 Laa me nobedz grë zha ne sca rzac miech paat rquiin, zha ne rzac zho peet nond, parne guioog ro grë zha ne rzac zho nac zha non, zha nziuu. 29 Ga rlu me gaá¹le ni tib choot grieelod gacniats lo me. 30 Goḻwi gaá¹le, niapse por me laa ne nacnie Jesús, grë guieḻrac, grë guieḻrieá¹ ne rdziaap ne, Jesús bneedza, ni Jesús nac meá¹ ne psilaa ne lo grëtaa xtoḻ ne, meá¹ ne psaá¹mbe ne laa ne bziaab xnëz Dios. Dios bnabey sca goca. 31 Gacxe waa choot grieelod gacniats, zigne ziaadaque lo Xtiidz me zaatne rnee: “Zha ne racladz gacniats, mazd guá¹non zho Dios por grëtaa ncuaaá¹e ruá¹ me."