Romanos 13

1 Yebee bene rquiêña nú zucuê nú rnibee usticia cuna ubierno. Xne Diose uduê bee usticia cuna ubierno, nu liêinu rdeteênu elurnibiyaê nú rluêcubeella. 2 Enzeêe bee bene enu la zucuê nú rni bee usticia leêca la zucuêbeei nú rni Stichiaê Diose nu bee bene enu rriêi scua leêca liêibeei rlaêna beei nú zeca beei castiya. 3 Xne bee usticia la nucuaêa beella para nú deteê beella castiya lubee bene enu lecaxi riêi, xne nucuaêa beella para nú deteê beella castiya lubee bene enu necha rriêi, nu tunu la niarquiêlu nú riêchia usticia liêilu rquiêña nú riêi nzeêcalu, nu scua la riêchia usticia liêilu. 4 Xne scua sibiê beella lu Diose para nú acanuêbeella liêilu. Pero tunu rriêilu nú necha neca, che xiquilu bee usticia xne la neca nú lia rluêcu beella elurnibiyaê sino que scua sibiê beella lu Diose para nú deteê beella castiya bee bene enu necha rriêi. 5 Enzeêe rquiêña nú zucuê bee bene nú rni bee usticia nu la acatsiae equie nú xiquibeella nú zeca beella castiya, sino que nediyaê beella nú scua riala riêibeella. 6 Nu leêca udixiuhua impuesto para nú nzenibiyaêla bee usticia, xne Diose uduê liêibeella para nú nibiyaê beella nu scua sibiê beella lu Diose. 7 Enzeêe udeêteêhua nú riala deteêhua, tunu riala nú deteêhua melu, udeêteêhua melu, nu tunu riala ixiuhua impuesto, udixiuhua impuesto. Nu uzuêcuêhua nú rni bee bene enu riala zucuêhua nú rni, nu uluêcuhua ulaêna lubee enu riala nú luêcuhua ulaêna lu. 8 La aca neziêquihua lubee bene, nu lunú la yala tsanaê arquiêhua neca nú zecahua bee saêhua. Xne bee bene enu secasaê, scua sucuê bee nzeêe ye nú rnibiyaê leyê Diose. 9 Xne bene enu sucuê mandamientoê Diose nú rni: “Uzeca saêlu tucu nú secalu liêilu.” Enu sucuê mandamiento quieê, sucuêla beelá bee mandamiento nú rni: “La riêilu eluhuexe, la utilu bene, la riêilu eluhuanaê, la leêlu steneê saêlu." 10 Xne bene enu seca saê la riêilla nú necha neca lubeelá bee bene, enzeêe bene enu seca saê sucuêlalla ye nú rnibiyaê leyê Diose. 11 Nu leêca uriêihua beyaê xi tiempo nelluaêahua, nu uriêihua beyaê nú necala hora nú deteêahua ellieêe. Xne nzeêta riñala bichia nú riña zeca Jesucristo stucu bese nu la leaê nú riña zecanu xi neca bichia chenu uchili arquiaêahua liêinu. 12 Nze laxu tiempo, nu nzeêta riñala bee bichia nú riña zecanu, enzeêe rquiêña nú tsanaê arquiaêahua inziu nú necha neca nzenalaêahua nu riaêahua puro nú neca nzeêca para nú chenalaêahua inziu nzeêca. 13 Rquiêña nú huañi nzeêcaêahua, nu la riaêahua beenú netú neca. Nu la yala nú acaêahua uniqui nu la riaêahua eliñi para nú chuêu modo nú riaêahua lunú la yala riaêahua. Nu la yala nú riaêahua eluhuexe urre xitse stucu bee vicio, nu la yala nú liuêahua, nu la yala nú yea arquiaêahua lu saêahua. 14 Sino que mejora uhuañihua tucu nú niarquiê Jesucristo nú huañihua, nu la yala nú huañihua lunú necha neca riuê arquiêhua.