Apocalipsis 9

1 Chenu ubixia ángele ayuê trompetaênu che ulañia nú uyecata tucu belaa enu enta enza liñibe luyuu iliulabe, nu belaa zeêe ungutiê liabe nú xaêla ruêu tucu iêchiu llene nú leca resuna cá neca rquiê. 2 Nu chenu uxaêla ángele zeêe ruêu iêchiu ebila uchiuêu huaxi llene ruêe xi xiuêu llene liñi tucu horno llene, hasta nú utsacuê bee llenecuaê lu bichia nu lubee bii. 3 Leta llene zeêe uchiuêu bee culucha enu uriêchialetse diqui lu iliulabe nu ungutiê beeí poder para nú unga nelachi beeí, xi nelachi bee nañi lliqui. 4 Pero lá aluêcubeeí permiso nú ariêi beei equiya lubee ixixata nu lubee aca nu niê lubee huañi niyeê, sino que riêitsia beeí equiya lubee bene enu la nequie selloê Diose tequiee. 5 Pero lá atiêbeeí permiso nú úti beei bee bene, sino que riêitsia beeí nú nehuana zeca bee bene diqui ayuê guu. Nu xi rana elu rutu bee nañilliqui chana elu utubeeí bee bene. 6 Bee bichia zeêe laêna bee bene xneca modo atibeella, pero la llelaê beella xneca modo atibeella, niarquiêbeella nú atibeella, pero leca modo nú atibeella. 7 Bee culucha zeêe rna beei xi rnaa bee huayu enu nucuaêa tsiñiala para nú cha lu xuu, nu equie beei nzucu tucu nú rnaa xi rnaa corona de oro, nu lubeeí rnaa xi rnaa lu bene. 8 Nu ichia equie beeí rnaa xi rnaa ichia equie bee unaêa, nu laya beeí rnaa xi rnaa laya bichie. 9 Diqui latsa beeí nuê tucu nú rnaa xi rnaa icuê, nu cuaca beeí xichi xi xichi chenu riecaxuêu huaxi bee huayu cuna aca retaêbeeí lu xuu. 10 Nu lluanaê beeí rnaa xi rnaa lluanaê bee nañi lliqui, nu lu pundoê lluanaê beeí nzucu xcuchuí nú rutu bee bene nu rriêi nú nehuana seca bee bene diqui lu ayuê guu. 11 Nu bee culucha zeêe nuê tucu enu rnibiyaê lubeeí, nu nzeêe neca tucu ángeleê bezeêlu, ángele zeêe lee Abadón dialu hebreo, nu dialu griego lee ángele zeêe Apolión nu bedichiaê cuaê rni enu rlaêxulí. 12 Scua ulaxu primero nú nehuana zeca bee bene, pero neelá enta xiucu nú nehuana zeca bee bene. 13 Chenu ubixia ángele xuêcu trompetaênu, chequie ubenea tucu chi nú uchiuêu labe dacu squiñia ecuêcu nú necacheê oro nú nchiucuê lu Diose. 14 Nu chii zeêe nú ubenea uni lu ángele xuêcu enu nzene trompeta: âUlaêa dacu bee ángele enu nacaêcuu ruêu reêcu llene nú nuê inza nú lee Eufrates. 15 Che scua ulaêa dacu bee ángele zeêe para nú uti bee nzeêe casi arliêtiê bee bene iliulabe xne para enzeêe nucuaêa bee ángele zeêe para bee bichia nu guu nu lana nú aca bee nucuaê. 16 Nu liêá ubenea nú calu neca bee sundado, nu neca chiucu ayuêu millón bee sondado enu nchiucuê equie bee huayu zeêe. 17 Scua ulañia bee huayu zeêe cuna bee sundado enu nchiucuê equie beeí. Nu bee sundado enu nchiucuê equie beeí diqui latsabeei nuê tucu icuê nú neluu, nu azul, nu naachi, nu lluca equie bee huayu zeêe rnaa xi rnaa lluca equie bee bechiee nu ruêu beeí xiuêu quii, nu llene, nu azufre. 18 Nu casi arliêtiê bee bene iliulabe unguti cuna quii nu llene nu azufre nú xiuêu ruêu bee huayu zeêe. 19 Nu cuna poder nú rluêcu bee huayu zeêe nu cuna ruêu beeí nu lu pundoê lluanaê beeí ruuti beeí bee bene nu rriêi beeí nú nehuana seca bee bene, xne lu pundoê lluanaê beeí rnaa xi rnaa lluca equie beêla. 20 Pero beelá bee bene enu lá ati, equie cuendaê nú nehuana ulleêca beella, lá tsanaê arquiêbeella nú uriêibeella nú necha neca, nu uluêcu beella ulaêna lubee benechiquiê nu lubee diose enu necacheê oro, plata, bronce, quiee nu aca, nú la yeêe lu, nú la yeneê nu la tsee. 21 Nu leêca lá tsanaê arquiêbeei nú ruuti beei bee bene. Nu la tsanaê arquiêbeei nú rduêixiu beei bee bene, nu la tsanaê arquiêbeei nú rriêi beei eluhuexe, cuna nú rriêibeei eluhuanaê Leêca né tsanaê arquiêbeei nú rriêi beei eluti, cuna nú rriêi beei elu uliñi, cuna nu rriêi beei eluhueexe cuna nu rriêi beei eluhuanaê.