Apocalipsis 6

1 Che ulañia nú unguxi bene enu neca xi neca Cordero tucu lu achi sello zeêe, nu ubenea chi tucu bee nañi zeêe, fuerte xi neca chenu rachu beziyuê nu uninu: â¡Utee caêa! 2 Nu che riêya nu ulañia nú ulubeêlu tucu huayu niquichi zeêe, nu enu nchiucuê equieí nuyaê tucu huaêtse. Nu ungutiêlla tucu corona lunú uriêilla ana, nu uchiuêulla para nú nze riêilla ana. 3 Chenu unguxi Cordero zeêe sello rrucu, che ubenea nú uni enu rrucu nehuañi zeêe: â¡Utee caêa! 4 Nu che ulubeêlu tucu huayu nelu, nu enu nchiucuê equieí ungutiê tucu espada llene cuna poder para nú liu bee bene nu útisaê bee bene. 5 Chenu unguxi Cordero zeêe sello rriuna, che ubenea nú uni enu rriuna nehuañi zeêe: â¡Utee caêa! Che ulañia nú ulubeêlu tucu huayu natsa, nu enu nchiucuê equieí nzene tucu llica beyaê. 6 Nu labe dacu bee enu nehuañi zeêe ubenea tucu chii enu uni: âTucu kilo trigo zeca tucu bichia riñaê bene, nu chuna kilo cebada zeca tucu bichia riñaê bee bene, pero la nitilulu aceite cuna viño. 7 Chenu unguxi Cordero zeêe sello tacu, che ubenea nú uni enu tacu nehuañi zeêe: â¡Utee caêa! 8 Che ulañia nú ulubeêlu tucu huayu nachi lua, nu enu nchiucuê equieí lee eluti, nu enu nzeêtanala liêí lee ebila. Ungutiê bee nucuaê poder para nú úti bee nucuaê tucu lu tacu parte bee bene iliulabe. Texcuaêa beella ati equie nú liunu saêbeella, nu texcuaêa beella ati ichia biñia, nu elichia, nu úti bee nañi dañi liêibeella. 9 Chenu unguxi Cordero zeêe sello ayuê, ulañia eêya altar zeêe bee espírituê bee bene enu unguti bee benequieê bee enu udixiuleêe Stichiaê Diose nu utsutaê arquiêbeella lu stichiaênu. 10 Nu fuerte ubixiali beella nú unibeella: âDiose enu rluêcu ye poder, liêilu enu la luêcu dula nu rriêilu tucu nú necane, ¿se xala tiembu rleêe para nú riêilu elu usticiaêlu lubee bene enu udiñi liêiru lu iliulabe para nú ixiu beella lunú uriêinu beella liêiru? 11 Che cada tucu beella ungutiê beella laquie niquichi ungutu beella nu uni Cordero zeêe lubeella nú cuaêaquiescaê beella lleêna tiembu, hasta nú zaê beela saê beella enu nzeli arquiê Jesucristo, xne rriêiscaêla nú ati beela bee saê beella tucu nú unguti beella, liêibeella enu leêca sibiê lu Diose. 12 Chenu ulañia nú unguxi Cordero zeêe sello xuêcu, che fuerte uxuu, nu bichia unga natsa xi natsa tucu laquie nú natsahua, nu guu unga neluu xi neluu rene, 13 nu bee belaa enu nuê liñibe uzanaê lu yuu iliulabe xi sanaê bee higos nú niyeê nuê lu acaêe chenu reca tucu bi fuerte. 14 Nu liñibe unitilu xi richi tucu rollo ichiê, nu yebee dañi nu bee yuu nú nchiucuê lu inzatuê ucheêe bee luhuareêe. 15 Che ye bee arre lu iliulabe cuna beelá bee usticia, nu bee enu rnibiyaê lubee sundado, nu bee bene xene, nu bee enu rluêcu elurnibiyaê lu yeene, nu bee esclavo, nu bee enu laca esclavo ye beella ucachiêlu beella liñi bee yubeê nu liñi bee quielaa nú nuê dañi. 16 Nu unibeella lu dañi nu lubee quiee: âUtsaêcuêhua equieru, nu ucaêchiê liêiru lu bene enu rnibiyaê nzucu lu xleta nú neca equie, nu lu castiya nú deteê Cordero liêiru. 17 Xne uriñala bichia nú chiquiê deteê Diose castiya bee bene, ¿nu lecati riquiê castiya cuaê?