Apocalipsis 22

1 Leêca ulubeê ángele zeêe lua tucu reêcu nú rliquiê inza nú nehuañi bee bene nú rulu siquiê xi rulu tucu huana. Inza zeêe xiuêu elu nzucu Diose lu xletaênu nu Corderoênu. 2 Nu rdete reêcucua labe calle nú rdete labe eyeche zeêe. Nu rucuchu reêcu zeêe nzucu aca nú rliquiê elu nehuañiê bee bene, nú rliquiê chiêchiucu clasiaê ndixi, nu cada guu rliquiêi yelu clasiaê dixi. Nu lecaê aca cuaê sibiê para nú rriêi yeca bee bene iliulabe. 3 Zeêe lecaê beenú necha neca, Diose nu Corderoênu cuaêa beella lu xletaê beella eyeche zeêe, nu bee beneênu luêcu ulaêna lunu. 4 Nu zeêe lañiê beella Diose, nu nequie nombreênu tequiee beella. 5 Zeêe la chuaê rulaê nu la quiêñiaê bee bene quii nu niê ellieê bichia xne Paêahua Diose duêllieêe zeêe, nu zeêe nibiyaê beella cuna liêinu diqui tiembu. 6 Che uni ángele zeêe lua: âBee bedichiaê quieê neca bee bedichiaê nú neli neca nu riala nú chili arquiê bee benene. Nu Diose Paêahua enu rdeteê bedichiaê lubee profeta para nú nibeella lubee bene, Liêinu uxeêlanu ángeleênu para nú lubeê ángele cuaê lubee beneênu lunú yamero nzeêta nú aca. 7 Nu Jesucristo uni: âYamero nzela ¡Ãia neca lu cuendaê bee bene enu rriêi caso Stichiaê Diose nú nequie lu libro quieê nu rixiuleêe nú xi nzu aca! 8 Liêá Juan, ulañia nu ubenea bee nucuaê, nu chenu ulaxu nú ubenea nu ulañia bee nucuaê, che utsulliquia para nú luêcua ulaêna lu ángele enu ulubeê bee nucuaê lua. 9 Pero uni ángele cuaê lua: âLa riêilu scua. Xne liêá cuna liêilu iguale sibiêa lu Diose, cuna bee profeta nu cuna bee bene enu rriêi caso nú nequie lu libro quieê. Enzeêe uluêcu ulaêna lu Diose. 10 Leêca uni ángele zeêe lua. âLa tsacuê arquiêhua bee bedichiaê nú nzeêta lu libro quieê, bee bedichiaê nú rixiuleêe nú xi enta aca, xne yamerotsia nzeêta beenú aca. 11 Uzela nú riêila bee bene enu necha rriêi lunú necha rriêi beei, nu bee bene enu necha nehuañi huañilaêbeei lunú necha nehuañibeei lunú la zibiê rriêi beei. Pero bee bene enu rriêi tucu nú rialane rquiêña nú cheriêilálla tucu nú riala riêilla, nu bee bene enu nehuañi tucu nú niarquiê Diose rquiêña nú chenalalálla nú huañilla tucu nú niarquiênu. 12 Jesucristo uni: âLa leaê nú nzela zecaa nu nzelayua nú liquia lu cada tucuhua lunú uriêi cada tucuhua. 13 Liêá neca xi neca letra A nu letra Z. Letra nú rquixie alfabeto, nu rlaxue, xne tucutsia liêá rnibiyaêa desde chenu uquixie iliulabe nu ye tiembu. 14 Ãia neca lu cuendaê bee bene enu neca xi neca nú uquieela xucu equie nú rriêi caso beella Stichiaê Diose, para nú nuê modo chuêu beella enza ruêu puerta eyeche zeêe nu para nú nuê modo nú acu beella indixi nú rayu lu aca nú rliquiê elunehuañiê bee bene. 15 Nu eleêyaê eyeche zeêe riaêna bee bene enu riuê arquiê riêi puro beenú necha neca, bee uliñi, bee bene enu rriêi eluhuexe, bee bene enu ruutisaê, bee bene enu rluêcu ulaêna lubeenú seca bee bene nú neca diose, nu ye bee bene enu riuê arquiê nii eluquichiaê nu sequienu arquiê bee bene. 16 âLiêá, Jesuse, uxeêla ángelea luhua para nú ixiuleêenu ye bee nucuaê luhua para nú leêca ixiuleêehuane lu ye bee bene enu nzeli arquiê liêá. Liêá neca mero lliêñi aca tuxie David, leta bee familiaêlla nzela. Nu liêá neca xi neca lucero enu rliñi silaê 17 Espíritu Santo cuna enu neca noviaê Corderoê Diose rni: âUtee. Nu bene enu rieneê nú rni bee nucuaê scua rnilla: âUtee. Titse bee enu rrebichiê, yeêta nzeêe, nu enu niarquiê nuê modo nú hueê nzeêe inza nú rliquiê elunehuañi sin nu ixiu nzeêe. 18 Ye bee bene enu rieneê bedichiaê nú nequie lu libro quieê lunú nzeêta aca, liêá nia luhua nú tunu nuê tucu bene enu sucuê equie saêla bedichiaê lunú nequie lu ichiê quieê, leêca scua zucuê equie saêla Diose castiya nú zeca bene zeêe lunú nequie lu libro quieê. 19 Leêca esquie tunu nuê bene enu axi bee bedichiaê nú nequie lu libro quieê lunú nzeêta aca, leêca axi Diose nú rialalla lu aca nú rliquiê elu nehuañi nú rni lu libro quieê, nu leêca la chuêu bene zeêe eyecheê Diose elu rni lu libro quieê. 20 Enu nediyaê nú neli ye bee nucuaê, rni: âNeli nú la leaê nzela. Scua acane niarquia. ¡Detá Jesucristo, utee! 21 Jesucristo riêi nú cha nzeêcae lu cuendaê yehua. Amén.