Apocalipsis 16

1 Che ubenea tucu chi fuerte nú uni desde liñi indu lu achi bee ángele zeêe: âUquia tiêchiahua castiyaê Diose nú nuê liñi achi bee copa cuaê lu iliulabe. 2 Che uya tiêchia ángele rluti nú nuê liñi copaênu luyuu iliulabe. Nu ye bee bene enu nequie señaê monstruo zeêe nu uluêcu ulaêna lu imagenêí, uchiuêu bee bechuê nú ruchu cuerpoê bee bene zeêe, nu necha rnae nu chiquiê rcue. 3 Nu ángele rrucu utiêchianu nú nuê liñi copaênu lu inzatuê. Nu che inza zeêe ungae rene nú rna xi rna reneê benenguti, nu ye bee nañi enu nehuañi nuê lu inzatuê unguti. 4 Chequie utiêchia ángele rriuna nú nuê liñi copaênu lubee inza reêcu cuna elu rliñi bee inza, nu unga bee inza zeêe rene. 5 Chequie ubenea nú uni ángele enu rnibiyaê lubee inza: âDiose chiquiê neli rriêilu elu ustichiaêlu tucu nú necane, liêilu enu la luêcu niêtucu dula, nu liêilu necalu Diose hasta huaêtu nu hasta nee. 6 Xne bee bene iliulabecuaê unguuti beei bee beneêlu, nu bee profetaêlu nu uriêchia reneê beella, enzeêe uriêilu scua para nú hueêbeei rene, ¡nu scua riala nú aca beei! 7 Nu leêca enza ruêu ecuêcu ubenea tucu chi nú uni: âNeli nú rriêilu Diose, xne liêilu rluêculu ye poder. Nu neli rriêilu elu usticiaêlu tucu nú rialane. 8 Nu ángele tacu utiêchia nú nuê liñi copaê lubichia, nu che uluêcu bichia poder para nú utsiquiê bichia bee bene xi siquiê quii. 9 Nu ye beei ubiquibeei lunú chiquiê nelee bichia pero niê scua lá tsanaê arquiêbeei stulabeei, nu lá nibeei bedichiaê nzeêca lu Diose, aêla unibeei bedichiaê chiêquiê lunu, lunú nehuana seca beei, nu liêinu rnibiyaênu. 10 Chequie ángele ayuê zeêe utiêchia nú nuê liñi copaênu elu nzu monstruo enu rnibiyaê, nu che ucabelí luyuu iliulabe nu hasta udacuquieê bee bene zeêe luêchibeei equie nú chiquiê nehuana seca beei. 11 Pero niê scua lá tsanaê arquiêbeei lunú necha rriêi beei, sino que equie nú chiquiê nehuana ulleêca beei nú uricu bechuê cuerpoê beei, aêla unibeei bedichiaê chiêquiê lu Diose enu nzucu liñibe. 12 Ãngele xuêcu utiêchianu nú nuê liñi copaênu lu inza reêcu llene nú lee Eufrates nu che ubichi inza reêcu zeêe para nú aca dete bee arre enu nzeêta enza rliñi bichia. 13 Che ulañia nú uchiuêu ruêu dragón cuna ruêu monstruo nu ruêu profeta enu sequienu arquiê bee bene, nu uchiuêu chuna espíritu nú necha rnaa xi rnaa huaa. 14 Yuna espíritucuaê neca espírituê bezeêlu, nu rriêi bee espíritucuaê milagro nu nza bee espíritu cuaê lu ye bee arre iliulabe para nú quieteêsaêbeei bee arre nu che liunu beei Diose enu rluêcu ye poder, bichia nú riêi Diose ana lu ye bee nucuaê. 15 Chequie uni Jesucristo: “Liêá nia luhua nú tuênatsia riña, tucu nú tuênatsia rriña huanaê. Nu chiquiê ñia neca lu cuendaê bene enu nzu tsiñala nzuquie liêá chenu riña para nú la tuêlla xi rtuê tucu bene chenu rlañiê bene liêilla nú eêcuetulla." 16 Chequie uquieteêsaê espíritu nú necha rriêi zeêe ye bee arre enu nucuaêa luyuu iliulabe tucu luhuare nú lee Armagedón dialu hebreo. 17 Nu chequie chu utiêchia ángele achi zeêe nú nuê liñi copaênu enza lu bi, nu desde liñi indu nú nzucu liñibe elu nzucu enu rnibiyaê ubene tucu chi fuerte enu uni: âUyalula tucu nú nzu nú aca. 18 Chequie uyaêla lee, nu chiquiê ullichi nú unguchu beziuê, nu unga tucu xuu nú chiquiê fuerte, tucu xuu nú lascaêli aca desde chenu uquixie nucuaêa bee bene lu iliulabe, xne xuu cuaê neca nú chiquiê máse fuerte unga. 19 Nu che uleêe eyeche llene zeêe chuna pedazo nu uluquie ye bee eyeche lu iliulabe. Nu lá zañiê Diose eyeche llene Babilonia para nú chiquiê fuerte deteênu castiya lubee bene zeêe. 20 Nu che unitilu ye bee dañi cuna yuu nú netse labe inzatuê. 21 Leêca ulaca quiu quiee equie bee bene iliulabe nu cada tucu quiu quiee zeêe nziêi tucu cuarenta kilo, nu che uni bee bene bedichiaê chiêquiê lu Diose, equie cuendaê nú nehuana ulleêcabeei nú chiquiê ulaca quiuquiee cuaê.