Apocalipsis 12

1 Luzeêela uyuêu tucu seña llene enza liñibe. Chequie ulubeêlu tucu unaêa nu vestidoênchu neca bichia nu nzucunchu equie guu, nu equienchu nzucu tucu corona nú necacheê chiêchiucu belaa. 2 Nu nuê enduê xlaêcu unaêa cuaê nu chiquiê fuerte rixialinchu equie nú rlachi xlaêcunchu nú ala enduênchu. 3 Pero unga achee stucu seña liñibe. Nu ulubeêlu tucu nañi enu neluu nu nelliqui rnaa lee dragón nu achi lluca quieí, nu chiêi arta equieí nu nzucu tucu corona cada tucua lluca equieí. 4 Cuna lluanaêí utsiêquií casi arliêtiê bee belaa lu yuu iliulabe. Nu nzuí lu unaêa zeêe para nú acuí enduênchu chenu alanu. 5 Nu unaêa zeêe unganu tucu enduê niyu, nu liêinu rquiêña nú nibiyaênu luye bee bene iliulabe, cuna tucu vara nú neca icuê. Nu chenu ungula enduê meê zeêe uyetsu xuêunu ya naênu, nu uriñanu ante Diose elu nzucu Diose rnibiyaê. 6 Nu unaêa zeêe uyecaxuêu nza enza lu yuu achi elu utsucheê Diose tucu luhuare elu zucunchu nu deteê bee bene nú acunchu diqui mil dociento sesenta bichia. 7 Che unga xuu liñibe, nu arcángel Miguel cuna bee ángeleêlla uliunu beella dragón cuna bee ángeleê dragón. 8 Pero lá riêi bee ángele cuaê ana lubee arcángel Miguel, nu lecaê modo ahuañi beeí liñibe cuna beesaêí. 9 Nu che scua utsiêqui bee ángelê Miguel dragón cuna bee ángeleêí lu iliulabe. Dragón cuaê neca beêla enu lee serpiente enu nehuañi hasta huaêtu enu lee bezeêlu nu benechiquiê, enu sequienu ye bee bene iliulabe. 10 Che ubenea tucu chi fuerte enza liñibe nú rni: âUriñala bichia nú utsilaêa Diose liaêahua, nu uriñala elurnibiyaênu, nu nibiyaênu cuna Jesucristo luaêahua xne uchiuêuchula enu xanabitsi lu cuendaê bee saêahua, liêi enu la tsuxe nza xanabitsi lu cuendaê bee saêahua ante lu Pa Diose bichia si rulaê. 11 Nu bee saêahua enu nzeli arquiê Jesucristo uriêi beella ana equie cuendaê reneê Corderoê Diose nú utiêchianu chenu ungutinu, nu cuna nú xneca udixiuleêe beella Stichiaê Diose, nu la lliqui beella mase nú atibeella. 12 Enzeêe ñiatsu arquiê yehua, enu nucuaêa liñibe, pero ¡cueê bee bene enu nucuaêa lu iliulabe nu lu inzatuê! Xne ulacala bezeêlu elu nucuaêahua nu chiquiê rlei, xne nediyaêlaêi nú lleênatsia tiembu nebiyaêlai. 13 Chenu ulañiê dragón zeêe nú uzanaêí luyuu iliulabe, chequie uyanalaí naê endumeê zeêe. 14 Nu chequie uzucu chiucu cuaca unaêa zeêe nu rnaa cuacanchu xi rnaa cuaca bitsiya enu llene, para nú aca cuecuênchu para nú cachiêlunchu lu dragón zeêe hasta luyuu achi, elu rquiêña nú huañinchu durante chuna lana arulaê nu zeêe atiênchu nú acunchu. 15 Nu ruêu dragón zeêe uchiuêu huaxi inza xi neca tucu reêcu para nú uyaê unaêa zeêe. 16 Pero uyaêla luyuu nu uguatseê ye inza nu uchiuê ruêu dragón zeêe luyuu. Scua uriêi yuu elietsa lu unaêa zeêe. 17 Che chiquiê ulee dragón lu unaêa zeêe, nu uyaliunuí beelá bee familiaê unaêa zeêe, bee enu sucuê Stichiaê Diose nu rixiuleêe stichiaê Jesucristo.