Filipenses 1

1 Liêá, Pablo cuna Timoteo, liêiru enu sibiê lu Jesucristo xeêlaru cartaquieê lu yehua bee enu nzeli arquiê Jesucristo enu nucuaêa eyeche llene Filipo. Liêihua bee enu rnibiyaê nu seteê Stichiaê Diose lubee bene, cuna bee enu rriêi elietsa lubee bene enu nzeli arquiê stichiaênu. 2 Diose Paêahua cuna Jesucristo enu rnibiyaê luaêahua riêinu nú cha nzeêca lu cuendaêhua cuna nú nzuxe arquiêhua. 3 Cada chenu relluêcuê arquia liêihua rdetea cheêtsa lu Diose, 4 nu chiquiê ñia nzu arquia rnacua lunu equie cuendaê yehua, 5 xne desde bichiaê nú uquixie uchili arquiêhua Jesucristo nu hasta nee rriêihua elietsa nú rixiuleêahua stichiaê Jesucristo lubee bene. 6 Liêá nediyaa nú hasta chenu uquixie uchili arquiêhua Stichiaê Diose rriêinu elietsa luhua para nú nze acahua tucu nú riala acahua hasta bichia chenu riña zeca Jesucristo. 7 Scua riala nú riêa elliebacuê equie cuendaêhua, xne siempre nchiucuê arquia liêihua, sia chenu nchiñia niêcuê urre chenu rixiuleêa lubee bene ta nú neli neca equie cuendaê Diose xne iguale rriêi nzeêca Diose luaêahua. 8 Nediyaê Diose nú chiquiê nchiucuê arquia liêihua xne chiquiê seêca liêihua tucu nú seca Jesucristo liêihua. 9 Nu rnacua lunu equie cuendaêhua, nú másela zecahua bee saêhua ye bichia nu liquiêlánu elliebacuêhua nú riêiláhua beyaê xa riêihua, 10 para nú scua acahua cañihua ta nú neca nzeêca nu scua huañi nzeêcahua nu la luêcuhua dula lu Diose para nú lecaxi equiya luêcuhua chenu riña zeca Jesucristo. 11 Nu equie cuendaê liêinu huañihua tucu nú niarquiê Diose para nú luêculá bee bene ulaêna lu Diose nu zucuê aya bee bene liêinu. 12 Bee saêa enu nzeli arquiaêahua Jesucristo niarquia nú riêihua beyaê nú mase ulleêca lunú ulleêca pero uriêi nucuaê elietsa nú uriêchia letselá bedichiaê nzeêcaê Jesucristo. 13 Xne nee yebee bene enu nucuaêa liñi palacio cuna beelá bee bene nediyaêbeei nú nchiñia niêcuê equie nú necaa beneê Jesucristo. 14 Nu chenu ungabiyaê bee saêahua enu nzeli arquiê Jesucristo nú nchiñia niêcuê másela utsutaê arquiêbeella nu casi yebeella uyuêu ana arquiêbeella udixiuleêe beella stichiaê Jesucristo, sin nú lliqui beella. 15 Pero neli nú nuêbee bene enu rixiuleêe stichiaê Jesucristo ria arquiêbeei, nu niarquiêbeei nú másela aca equiebeei lua, pero nuê beelá bee bene enu rixiuleêe stichiaênu diquinuê arquiêbeella. 16 Nuê bee bene rixiuleêe stichiaê Jesucristo equie nú secabeella liêinu, nu nediyaêbeella nú nchiñia niêcuê equie nú nzutaê arquia lu stichiaê Jesucristo. 17 Pero nuê bee bene enu la ixiuleêe stichiaê Jesucristo diquinuê arquiê, rriêitsia beella scua para nú zucuê aya bee bene liêibeela para nú nehuana zecaa diqui nú netsea niêcuê. 18 Pero para liêá lecaxi riêi tunu diquinuê arquiêbeella rixiuleêe beella stichiaê Jesucristo nu tunu la riêi beellae diqui nuê arquiêbeella lecaxi riêi nucuaê, pero lunú rixiuleêe beella stichiaê Jesucristo nucuaê mase neca nzeêca, nu nucuaê chiquiê ñia nzu arquia, nu ñiascaêla nzetsu arquia. 19 Xne nediyaa nú laêacaa lu yebeenú seêcaa, xne rnacuêhua lu Diose equie cuendaa nu rriêi Espírituê Jesucristo elietsa lua. 20 Nediya nzeêcaa nú leca bichia nú tua, nu la lliquia lubea lubee bene xneca rluêcua ulaêna lu Jesucristo, mase nú nehuañia urre ungutiaa. 21 Xne para liêá diqui nú nehuañia sibiêa lu Jesucristo, nu tunu atia máse neca nzeêcae xne nzula cuna liêinu. 22 Pero tunu nehuañiscaêa lu iliulabequieê, rquiêña nú zibiaêa lunu tucu nú rialane. Pero la riêá beyaê ta nú máse neca nzeêca. 23 Xne chiquiê neriñaê nú riêá beyaê ta lu rucu bee nucuaê cañia. Tucue nú niarquia atia para nú nziaêa lu Jesucristo liñibe, nu nucuaê máse neca nzeêca para liêá, 24 pero para nú nuê modo riêá elietsa luhua, máse neca nzeêcae tunu nehuañiscaêlá. 25 Nu nediya nzeêcaa nú nehuañiscaêlá lu iliulabequieê para nú riêa elietsa luhua nú chenalahua inziuê Diose nu chuêu ana arquiêhua lunú nzeli arquiêhua Jesucristo. 26 Nu chenu nzelabiêya zecaa liêihua stucu bese ñia tsu arquiêhua cuna Jesucristo equie cuendaa. 27 Pero lunú niarquia neca nú huañi nzeêcahua tucu nú rni bedichiaê nzeêcaê Jesucristo. Xne tunu nzelabiêyahua, urre la yelabiêyahua, pero niarquia yenea nú junto nzutaê arquiêhua lu Jesucristo nu neca tucunecatsehua rixiuleêehua stichiaênu, 28 nu la lliquihua bee bene enu rle luhua. Nu scua aca achee nú nenitilula beei lu Diose, pero para liêihua scua acachee nú utsilaêala Diose liêihua lu stulahua. 29 Ãia neca lu cuendaêhua nu la nzelitsia arquiêhua Jesucristo sino que leêca nehuana secahua equie cuendaê liêinu. 30 Liêihua cuna liêá iguale seêcaêahua equie nú rixiuleêahua stichiaê Jesucristo, ulañiêlaêhua xneca uriêá equie cuendaê stichiaênu, nu nee rieneêhua xneca rriêá.