San Marcos 9

1 Leêca uni Jesuse lubee bene zeêe nú uninu: âIxiuleêa luhua nú nuêhua enu nucuaêa caêa lá atiscaê hasta nú lañiêhua poderê Diose cuna lu ye nú recanu. 2 Chenu udete xuêcu bichia, che unguyaê Jesuse Pedro, cuna Jacobo cuna Juan. Equie tucu dañi llene, zeêe ucheêe nú rnaa Jesuse lubeella. 3 Nu chiquiê uyuêullieêe xucunu nu unga niquichiuaêquieêe nu lecati aca quié laquie nú niquichiu scua lu iliulabequieê. 4 Hora zeêe ulañiê beella nú rdichiaênu Jesuse, Elías cuna Moisés enu uhuañi huaêtu. 5 Nu uni Pedro lu Jesuse: âMaestro, ¡neca nzeêca nú nelluaêhua caêa! Para nú recheêeru chuna ranchu: tucue para liêilu, nu stucue para Moisés, nu stucue para Elías. 6 Uni Pedro scua xne chiquiê xiqui beella, nu la riêilla beyaê xi unilla. 7 Hora zeêe, ulaca tucu xcabe nú uduê xcaêlaê equie beella. Nu liñi xcabe zeêe, ubeneê beella tucu chi nu uni chi zeêe: âNeca nucuaê lliêñia enu chiquiê seêcaa, uzuêcuêhua lunú rninu. 8 Che ubiêya beella diqui abenchilaê zeêe, nu lecaê tinuê zeêe stucu liêtsia Jesuse nzu zeêe. 9 Chenu enta laca beella dañi zeêe, uni Jesuse lubeella nú la ixiuleêe beella lu niêtucu bee bene lunú ulañiê beella zeêe, hasta bichia nú huañi zeca Liêá Bene enu uxeêla Diose. 10 Chequie liêitsia beella nediyaê beella nucuaê, añinzuca nú rnidichiaê beella lu saêa beella xa neca equie nú huañi zecanu. 11 Nu unidichiaê beella lu Jesuse nú unibeella: â¿Xi nú rni bee ulaxcuela enu reca leyê Moisés nú enta rluti Elías? 12 Che ucuaquinu lubeella: âNeli nú nzeêta rluti Elías, para nú tsúcheêella yeene. ¿Nu xinu rni lu ichiê Stichiaê Diose nú chiquiê nehuana zeca liêinu enu uxeêla Diose cuna nú nibee bene nú lecati necanu? 13 Pero nia luhua nú ubeêtala Elías, nu uriêi bee bene ye nú niarquiêbeei lulla, tucu nú niquie lu ichiê Stichiaê Diose nú zecalla. 14 Chequie chenu ubenchilaê beella elu nucuaêa beelá bee beneê Jesuse, ulañiê beella nú nucuaêa huaxi bee bene zeêe, cuna bee beneênu nu rni xuu chiucu chuna bee ulaxcuela enu reca leyê Moisés lubee beneênu zeêe. 15 Chenu ulañiê bee bene zeêe nú nzeêta Jesuse, chiquiê uyanu arquiêbeei nu xexuêu beei uya niêbeei malune lunu. 16 Che unidichiaê Jesuse lubee beneênu nú uninu: â¿Xi rdichiaênuhua bee benecuaê? 17 Nu ucuaqui tucu bene leta bee bene enu nucuaêa zeêe nú unilla: âMaestro, caêa nzelayua endua lulu, xne secai ichiaê benechiquiê nu rriêi benechiquiê nu la nii. 18 Catse elu nzu endua, siêqui benechiquiê liêi lu yuu nu xiuêu lliña ruêi, cuna nú tuêna racu xaêlayai cuna nú xungai. Unia lubee beneêlu nú huabeella benechiquiê arquiê endua pero né aca beella. 19 Chequie ucuaqui Jesuse nú uninu: â¡Chiquiê nziti arquiêhua nu la chili arquiêhua liêá! ¿Se xala tiembu rquiêña nú tsunua liêihua? ¿Nu xa riquilá cuna liêihua? Uteyuhua enduê cuaê caêa. 20 Che uriñayu bee bene enduê zeêe lu Jesuse. Pero chenu ulañiê benechiquiê Jesuse, uriêi benechiquiê tucu ichia ziña lu enduê zeêe, nu uzanaêi lu yuu nu nzendulai nu xiuêu lliña ruêi. 21 Chequie unidichiaê Jesuse lu paê enduê zeêe: â¿Hasta xunga seca enduêlu scua? Nu ucuaqui paê enduê zeêe: âHasta chenu lleênai secai scua. 22 Huaxi bese utsiêqui benechiquiê endua luquii cuna lu inza, para nú atii. Enzeêe tunu nuê modo nú acalu uriêi elietsa luru, nu uhuaêa arquiê liêiru. 23 Che uni Jesuse: â¿Xinú rnilu tunu acaa? ¡Yeene acane para bee bene enu chili arquiê liêá! 24 Chequie urixiali paê enduê zeêe nú unilla: âChili arquia liêilu. ¡Uriêi elietsa lua para nú chililá arquia liêilu! 25 Chenu ulañiê Jesuse nú rieteêsaêlá huaxi bee bene zeêe, che uquiêyaê benechiquiê zeêe uriêinu, nu uninu lui: âBenechiquiê enu rriêi nú la nii bene cuna nú rriêi nú nenguataê bene, nibiyaêa nú chiuêulu arquiê enduê quieê nu la benchilaêlu stucu bese arquiêi. 26 Chequie ubixialí benechiquiê zeêe, nu uriêi ichia ziñia lu enduê zeêe. Nu chu uchiuêi arquiê enduê zeêe, utsaênai endu zeêe xi neca tucu bene enu unguti, che uni bee bene nú ungutila enduê cuaê nee. 27 Pero chu unaêtse Jesuse ya enduê zeêe, nu uletsanui nu chu utsulii. 28 Che uyuêu Jesuse cuna bee beneênu liñi niêi, nu unidichiaê beella lunu: â¿Xinu né acaru ahuaru benechiquiê arquiê enduê cuaê? 29 Nu ucuaqui Jesuse lubeella: âPara nú chiuêu clasiaê benechiquiê cuaê rquiêña nú deteêhua bichia nú la acuhua nu nacuêhua lu Diose. 30 Chenu uchiuêu beella zeêe, udete beella lu iliu Galilea. Pero la niarquiê Jesuse nú acabiyaê bee bene nú udete beella enza zeêe, 31 xne rixiuleêetsianu lubee beneênu nú uninu lubeella: âLiêá Bene enu uxeêla Diose deteê cuenda bee bene liêá lubee bene, para nú úti beei liêá, pero acatsia bichia rriuna huañi zecaa. 32 Lá riêi bee beneênu beyaê lunú uninu scua, nu ulliqui beella a nacuê dichiaê beella lunu. 33 Chenu uriña beella Capernaum. Uriña beella tucu niêi, che unedichiaê Jesuse lubee beneênu: âXi rdichiaêhua chenu nzelaêahua lu inziu. 34 Pero ne cuaqui beella, xne chenu enta beella lu inziu unibeella lu saêa beella nú taa beella enu máse neca equie. 35 Chequie uzucu Jesuse, nu ubixianu chiêchiucu bee beneênu nu uninu lubeella: âTunu nuêta tucuhua enu niarquiê nú aca neca equie letahua, rquiêña nú aca nzeêe tucu bene enu lecati neca cuna nú zibiê nzeêe lu yehua. 36 Nu chu unaêtsenu tucu enduê utsunu labe beella, nu uchiêchinu enduê zeêe nu uninu lubeella: 37 âTatse bee bene enu riêi elietsa lu tucu enduê equie cuendaê liêá, neca xi neca nú rriêi nzeêe elietsa lua, nu la riêilla elietsa lu liêitsia, leêca rriêilla elietsa lu liêinu enu uxeêla liêá. 38 Che uni Juan lu Jesuse: âMaestro, ulañiêru tucu bene rlua benechiquiê arquiê tucu bene equie nú recalu, pero ucaru nú riêilla scua xne la acalla bene letaêahua. 39 Chequie ucuaquinu nú uninu: âLa cáhua nucuaê, xne bene enu rriêi milagro equie nú recaa la zeêta nzeêe liêá. 40 Bene enu lani condra liaêahua, nzu nzeêe chuaêahua. 41 Tatse bee bene enu liquiê masia tucu basu inza luhua lunú necahua beneê Cristo, neli nia luhua nú yucu bene zeêe lunú deteê Diose lulla. 42 ‘Tatse bene enu riêi nú riêi tucu bene dula enu apenatsia nzeli arquiê liêá, máse neca nzeêca lu cuendaê bene zeêe nú quieêe bene tucu quiee molino añilla nu tsiêqui bee bene liêilla lu inzatuê. 43 Tunu rriêi yalu nú rriêilu dula, mejora uchieêcuêe, máse neca nzeêca nú chuêulu liñibe cuna tucutsia yalu, tunu chuêulu ebila cuna rucu yalu, elu leca modo nú yala quii. 44 Zeêe la ati bee berecuê, cuna nú leca xunga yala quii zeêe. 45 Tunu rriêi cuchiuêlu nú rriêilu dula, mejora uchieêcuêe xne máse neca nzeêca nú chuêulu liñibe cuna tucutsia cuchiuêlu, tunu chuêulu ebila cuna rucu cuchiuêlu elu leca modo nú yala quii. 46 Elu la ati bee berecuê nu leca xunga yala quii zeêe. 47 Leêca tunu rriêi iêcululu nú rriêilu dula, mejora uhuane, xne máse neca nzeêca nú chuêlu liñibe cuna tucutsia iêcuêlulu, nú chuêulu ebila cuna rucu iêcuêlulu, 48 elu la ati bee berecuê nu leca xunga yala quii zeêe. 49 ‘Tucu nú sibiê zete nú riuêe equie elubacu leêca esquie sibiê nú nehuana zeca bee bene enu nzeli arquiê liêá. 50 Zete neca nzeêcae; pero tunu niti nú neriêi, ¿xa riêihua para nú aca zecae tucu nú necane para nú zibiêi? Uriêihua tucu nú neli neca para nú la zecahua xi neca zete nú la zibiê, nu uhuañi nzeêcahua cuna bee saêhua.