San Marcos 12
TBL1 Chequie uquixie Jesuse nú uninu puro bee ejemplu lubee bene zeêe. Nu uninu: âTucu niyu uquienii bee aca uva lu yuêlla nu uduêlla eluê diqui abenchilaêe, nu urecheêella tucu elu tsiêilla bee uva, nu urecheêella tucu elu ayaa zucu bene enu riêi ucu yeene. ‘Che udeteêlla yuu zeêe lleêla lubee bene, enu riêi riñaê lue, nu chu nzalla enza istu zuculla. 2 Chequie chenu uriña tiembu nú aca ulaêcu bee uva, uxeêla niyu zeêe tucu mosoêlla nze tucu lunú rialalla. 3 Pero unaêtse bee bene zeêe mosoê zeêe, nu udiñi beei liêilla nu uxeêla beei liêilla scuatsia. 4 Che uxeêla bene enu neca steneê yuu zeêe stucu mosoêlla lubee bene zeêe, pero mosoê zeêe utiêqui beei cuna nú udiquichiêquiê beei liêilla. 5 Uxeêlalla stucu mosoêlla lubee bene zeêe, pero mosoê quieê unguuti beei. Huaxi bee mosoê uxeêlalálla, texcuaêa bee mosoê quieê uzeteêcheê beei nu texcuaêa beella unguuti beei. 6 ‘Chequie bene enu neca stene yuu zeêe, rriêitsia nú xeêlalla llianaêlla, enu chiquiê secaalla. Xne uriêilla elliebacuê nú unilla: “Neli nzu arquia nú luêcu bee benecuaê ulaêna lu llianaêa." 7 Pero uni bee bene zeêe lu saêbeei: “Bene quieê neca enu yaênanu yuu quieê, té utiaêahua liêi, para nú yaêna nuaêahua yuu quieê." 8 Che unaêtse beei llianaê bene enu neca stene yuu zeêe, nu unguuti beei llianaêlla nu utsiêqui beei llianaêlla stucu luhuare. 9 Nu unidichiaê Jesuse nú uninu: â¿Xa rriêihua elliebacuê nú riêi bene enu neca stene yuu zeêe? Puese nia luhua nú nzeêtalla nu útilla bee benecuaê nu deteêlla yuêlla lu texcuaêa bee bene. 10 ‘¿Xieê lascaê ulahua lu ichiê Stichiaê Diose elu rni? Quiee nú uhua uêna bee bene enu rrecheêe niêi, quiee quieê neca nú mase uzibiê ungacheê niêi zeêe. 11 Nucuaê neca nú uriêi Diose, nu chiquiê nzenu arquiêru nucuaê. 12 Chequie chenu ubeneê bee bene enu rnibiyaê lunú uni Jesuse scua, niarquiêbeei nú naêtse beei liêinu para nú chánu niêcuê, pero lunú xiqui beei bee bene utsanaê beei liêinu nu chu nzuebeei. 13 Che uxeêla bee bene, enu rnibiyaê zeêe chiucu chuna bee fariseo cuna chiucu chuna bee beneê Herodes lu Jesuse, para nú laêna beei xa modo ninu tucu bedichiaê para nú nuê modo riêi condra beei liêinu. 14 Chenu uriña bee benequieê lu Jesuse unibeei lunu: âMaestro, nediyaêru nú rnilu nú neli neca, nu la riêilu caso nú xa neca bee bene, xne lulu neca tucu necatse bee bene. Nu neli seteêlu bee bene lunú rnibiyaê Diose nú xa huañi bee bene. Enzeêe rnidichiaêru lulu. ¿Neca nzeêca nú dixiuru impuesto lu arre César la?, urre ¿la neca nzeêcae la? ¿Dixiuru la urre la dixiuru la? 15 Pero uriêi Jesuse beyaê, lunú lia unitsia beei scua, nu uninu lubeei: â¿Xi nú rriêihua preo liêá scua? Uliêquihua tucu melu para nú lañine. 16 Che uriñayuu bee bene zeêe tucu melu lu Jesuse, nu uninu lubeei: â¿Tiluu nzucu lu melu quieê nu ti lee enu nzucu lue? Nu ucuaqui beei nú unibeei lunu: âLu arre César. 17 Chequie ucuaqui Jesuse nú uninu: âUdeêteêhua lunú neca cuendaê César lu César, nu udeêteêhua lunú neca cuendaê Diose lu Diose. Nu chiquiê uyanu arquiêbeei chenu ucuaquinu scua. 18 Che uya texcuaêa bee saduceo lu Jesuse. Xne rnibeei nú la huañi zeca bee bene enu unguti nu unidichiaê beei lunu: 19 âMaestro, rni leyê Moisés nú tunu ati tucu niyu nu utsaênalla unaêalla nu né luêcu beella enduê, che yucu bichi tuxie zeêe unaêa zaqui zeêe, para nú luêcu beei enduê enu neca xi neca enduê tuxie zeêe. 20 Ucuaêa achi bichi bene, bichi rlu beei uyucu unaêa, pero ungutilla, nu né luêcu unaêlla enduê. 21 Chequie uyucu bichi rrucu beei unaêa zaqui zeêe, pero leêca esquie ungutilla, nu né luêcu unaêa zeêe enduêlla, leêca esquie ulleêca bichi rriuna beei. 22 Scua unga lu achi beei, uyucu beei unaêa zeêe, pero niê tucu beei né luêcu beei enduê cuna unaêa zeêe, che unguti unaêa zeêe. 23 Puese chenu huañi zeca bee bene enu unguti, lu achi bichi beei, ¿ta beei neca niyuê unaêa cuaê xne lu achi bichi beei uyucu beei unaêa cuaê? 24 Nu ucuaqui Jesuse lubeei nú uninu: âLixiu nchiñi elliebacuêhua, xne la acahua Stichiaê Diose nu la chuluhua xa neca lunú rnibiyaê Diose. 25 Xne chenu huañi zeca bee bene enu unguti, la yucuaê bee bene saê bee bene nu lecaê eluxia zeêe. Acatsia bee bene xi neca bee ángele liñibe. 26 Equie nú huañi zeca bee bene enu unguti, ¿xieê lascaê ulahua lu libroê Moisés elu rni nú ulañiêlla tucu aca nú riqui la? Zeêe ubeneêlla chii Diose nú uninu: “Liêá neca Diose, lu Abraham, cuna lu Isaac, cuna lu Jacob." 27 ¡Enzeêe nia luhua núla necanu Diose lubee bene enu unguti! Necanu Dioseê bee bene enu nehuañi. Xne para liêinu ye bee bene nehuañi. Chiquiê lixiu nchiñi elliebacuêhua. 28 Chenu ubeneê tucu bee ulaxcuela enu reca leyê Moisés nú ucuaqui nzeêca Jesuse, lubee benecuaê uyabicai lu Jesuse nu unidichiaêi lunu: â¿Ta mandamiento nú máse neca equie? 29 Che ucuaqui Jesuse nú uninu: âMandamiento nú máse neca equie rni: “Ubeneêhua bee bene Israel, liêinu enu neca Dioseêahua tucutsia necanu. 30 Uzeca liêinu enu neca Dioseêlu diquinuê arquiêlu, cuna diquinuê lunú necalu, cuna diquinuê elliebacuêlu cuna diqui nuê juerzaêlu.” Ninguieê neca mandamiento nú máse neca equie. 31 Nu mandamiento rrucu neca: “Zecalu saêlu tucu nú secalu liêilu.” Lu rucu bee mandamiento quieê, leca stucu mandamiento nú máse neca equie. 32 Chequie ucuaqui ulaxcuela enu reca leyê Moisés zeêe nú uni: âMaestro, uni nzeêcalu. Nú unilu scua. Neli nú unilu nú nuê tucutsia Diose, lecaê stucu Diose. 33 Nu zeca bee bene liêinu diquinuê arquiêlla, cuna diquinuê elliebacuêlla cuna diquinuê juerzaêlla, cuna diqui nuê lunú necalla, nu zeca bee bene saê bene tucu nú secalla liêilla, ninguieê neca nú máse seca lu ye bee uêna nú rdeteê bee bene lu Diose. 34 Chenu ulañiê Jesuse nú ucuaqui nzeêca ulaxcuela enu reca leyê Moisés uninu lui: âLa nzulu istu para nú chuêulu lunú rnibiyaê Diose. Che lecaê ti alaca arquiê a nacuêdichiaêlá lunu. 35 Chenu seteê Jesuse bee bene liñi indu llene Jerusalén, unidichiaênu lubeei nú uninu: â¿Xinu rnibee ulaxcuela enu reca leyê Moisés nú neca Cristo lliêñi David? 36 Nu leêca liêi David unilla bedichiaê quieê, tucu nú udeteê EspÃritu Santo lulla nú unilla: Diose uni lu liêinu enu rnibiyaê lua: “Uzucu cueêtsea chúbee, hasta nú riêá nú nibiyaêlu lubee bene enu rlee lulu." 37 ¿Enzeêe tunu neca Cristo, lliêñi David, xinu rni David liêinu lunu? Ye bee bene enu nucuaêa zeêe ñia uyuê arquiêbeei lunú uninu. 38 Chenu uzeteê Jesuse bee bene uninu lubeei: âUbiêyahua liêihua lubee ulaxcuela enu reca leyê Moisés, xne riuê arquiêbeei nú rutu beei xucu nzeêca beei, cuna nú riuê arquiêbeei nú luêcu bee bene ulaêna lubeei lu inziu, 39 nu rlaêna beei nú sucu beei lu xleta nú máse neca equie liñibe indu, leêca scua rriêi beei sucu beei elu máse neca equie chenu nze tacu beei. 40 Leêca raxi beei niêi bee unaêa zaqui, rriêibeei nú xee rnacuê beei lu Diose, para nú riêi bee bene elliebacuê nú neca beei bene nzeêca pero máse deteê Diose castiya lubeei. 41 Tucu bese chenu nzucu Jesuse liñi indu llene Jerusalén axu elu nchiucuê bee alcancia elu rduê bee bene uêna, ulañiênu nú rduê bee bene uêna liñibe alcancia zeêe. Leêca huaxi bee bene xene rduê beei huaxi dimi liñibe alcancia zeêe. 42 Che uriña tucu unaêa zaqui elitsà zeêe, nu uduênchu chiucu melu nú lleênatsia seca liñi tucu bee alcancia zeêe. 43 Nu chu ubixia Jesuse bee beneênu, nu uninu lubeella: âNeli nia luhua nú uêna nú uduê unaêa zaqui elitsà quieê maselá seca nucuaê lunú uduê beelá bee bene. 44 Xne yebee bene rduêtsia beei lunú sucu sobra equie dimiêbeei, pero unaêa zaqui quieê, añinzuca nú secanchu elitsi uduênchu ye nú neca diminchu liñi alcancia zeêe, nu añinzuca nú nucuaêtsia neca nú rluêcunchu.