San Mateo 28

1 Chenu udete bichia nú sulachi bee bene, nu chenu uyeêe lu yuu zilaê domingo. Che uyabiêya María Magdalena cuna stucu María ruêu eluhuaê Jesuse. 2 Che tuênatsia unga tucu xú nú juerte, xne ulaca tucu ángeleê Diose enza liñibe nu uyabica ángele zeêe ruêu eluhua nu uyucunu quiee nú nacuê ruêu eluhua zeêe, nu uzucunu equiee, 3 nu rulu siquiê ángele zeêe xi rulusiquiê lee chenu riaêlane, nu xucunu niquichiu aêquieêe xi nequichi iqui. 4 Chenu ulañiê bee sundado enu rriucu ruêu eluhua zeêe ángele cuaê, chiquiê unga tseêtseê beei nú ulliqui beei, nu uzanaê beei lu yuu xi uzanaê benenguti. 5 Che uni ángele cuaê lubee unaêa cuaê: âLa lliquihua. Liêá nediyaa nú rlaênahua Jesuse, enu uquie lu cruse. 6 Pero lecaênu caêa, xne uhuañi zecanu lu eluti tucu nú uninu. Utebiêyacuruhua elu uricu cuerpoênu ne lañiêhua, 7 nu nee chu uquia tixiuleêexuhua lubee beneênu: “Nú uhuañi zecanu lu eluti, nu rlutilánu nzanu lu iliu Galilea, luquela liêihua nu zeêe lañiêhuanu.” Nucuaêtsia neca nú rixiuleêa luhua. 8 Chequie uchiuêu beella ruêu eluhua zeêe, nu xexuêu beella nzuella nzetixiuleêe beella lubee beneênu. Diquitse xiqui beella nu leêca ñia nzu arquiêbeella. 9 Chenu nzuebeella ulubeêlu Jesuse lubeella inziu nu uninu lubeella. Che uyabica beella lunu nu uluêcu beella ulaêna lunu, nu uchiêchi beella cuchiuênu, 10 nu uninu lubeella: âLa lliquihua. Uquia tixiuleêehua lubee benea nú cha beella lu iliu Galilea, nu zeêe lañiê beella liêá. 11 Diquila nú nzubee bee unaêa zeêe, leêca nzubee chiucu chuna bee sundado eyeche zeêe nzetixiuleêe beei lubee uleêya enu rnibiyaê lubeelá bee uleêya luye nú unga. 12 Che bee uleêya enu rnibiyaê cuaê uyabedichiaênu beei bee usticiaê bee bene Israel para nú tucu ricucheêtse stichiaê beella, nú xi riêi beella nu che udeteê beella huaxi dimi ya bee sundado, 13 nu uni beella lubee sundado zeêe: âUniêtsiahua nú rulaê chenu raêtsehua ubeêta bee beneê Jesuse ucachiê cuerpoênu. 14 Che tunu acabiyaê gobernador nucuaê, liêicaru niru lulla para nú lecaxi riêinulla liêihua. 15 Che unaêtse bee sundado dimi, nu uriêi beei tucu nú unibeella lubeei nú riêi beei. Nu eluquichiaê cuaê nzeli arquiê bee bene Israel hasta bichia quieê. 16 Che nzubee ye chetuêcu bee beneê Jesuse lu iliu Galilea, equie dañi elu unilanu lubeella nú chue beella. 17 Nu chenu ulañiê beella Jesuse uluêcu beella ulaêna lunu, añinzuca nú nuê beella la chili arquiê nú necanu Jesuse. 18 Che uyabica Jesuse lubeella nu uninu lubeella: âUliquiê Diose ye poder lua para nú nibiyaêa liñibe cuna luyuu iliulabe. 19 Enzeêe uquiahua diqui lu iliulabe uzeêteêhua bee bene stichiaêa para nú aca beei bee benea. Nu urinzahua beei equie nú lee Pa liñibe, cuna equie cuendaê lliêñinu nu cuna equie cuendaê Espíritu Santo, 20 nu uzeêteêhua bee bene nú zucuê beei ye nú unilaa luhua. Nu nia luhua nú ye bee bichia nzua cuna liêihua, hasta chenu laxu iliulabe. Amén.