San Mateo 12
TBL1 Tucu bichia nú sulachi bee bene Israel, udetenu Jesuse bee beneênu lu yuu elu nuê trigo, nu chequie uquixie nú uliaênaê beella nu unguxi beella tuu lu trigo nu uzuêcu beellae nu udacu beellae. 2 Chenu ulañiê bee fariseo nú uchaêñi bee beneênu trigo, uni beella lu Jesuse: âBiêyacuru, bee beneêlu rriêi lunú la yala riêi beei bichia nú sulachi bee bene. 3 Nu ucuaqui Jesuse lubeella: â¿Xieê lascaê ulahua lu ichiê Stichiaê Diose elu rni nú xa uriêi David cuna bee bene enu nulla tucu bese chenu uliaênaê beella la? 4 Uyuêu David liñi induê Diose nu udeteê uleêya pá nú necaleêya yalla nu udacullae nu leêca udeteêlla pá cuaê udacu bee bene enu nuulla añinzuca nú bee uleêyatsia nuê modo nú acu bee pá cuaê. 5 ¿Urre xieê lascaê ulahua lu ley nú udeteê Diose lu Moisés elu rni nú laca dula lunú rriêi bee uleêya liñi indu añinzuca núla tsulachi beella bichia nú sulachi bee bene la? 6 Nu liêá enu nzu cuna liêihua, nia luhua nú masela neca equiea luquela indu. 7 Tunu liêihua rriêihua beyaê xi rni lu ichiê Stichiaê Diose elu rni: “Niarquia nú huaêa arquiêhua bee bene luhuare nú liquiêhua uêna bee nañi lua.” Tunu rriêihua beyaê xi rni bee bedichiaê cuaê che lecalà xi taêquiyahua bee bene enu la luêcu niê tucu equiya. 8 Nu liêá Bene enu uxeêla Diose leêca rluêcua nú rnibiyaêa lu bichia nú sulachi bee bene. 9 Chenu ulaxu nú udete Jesuse zeêe uyuêunu liñi indu nú nzucu enza zeêe. 10 Nu liñi indu zeêe nzucu tucu niyu enu ubichicuê techu ya, nu lunú rcuaêna bee fariseo nuxi taêquiya beei liêinu che unedichiaê beei lunu: â¿Xieê nuê modo nú riyecalu tucu bene enu riti bichia nú sulachi bee bene la? 11 Chequie uni Jesuse lubeei: âTunu tatucuhua rluêcu tucu sanchi nu yecataà liñi tucu iêchiu bichia nú sulachi bee bene, ¿xieê la chehuahuaà bichia cuaê la? 12 Nu ¡masela huaxi seca tucu bene luquela tucu sanchi! Enzeêe nuê modo nú riêi bee bene nú neca nzeêca bee bichia nú sulachi bee bene. 13 Che uninu lu niyu enu ubichicuê ya zeêe: âUlà yalu. Che ulà niyu zeêe yai nu hora zeêe uyecaê yai, nu nae tucu nú naa stucu chu yai. 14 Nu chenu uchiuêu bee fariseo liñi indu zeêe, uquixie beei ubedichiaê beei nú xa modo riêi beei para nú uti beei Jesuse. 15 Pero chenu uriêi Jesuse beyaê nuxi niarquiê bee fariseo zeêe riêinu liêinu uchiuêunu zeêe nzanu, nu huaxi bee bene uyaquie liêinu, nu uriyecanu ye bee bene enu riti, 16 nu uninu lubeei nu la ixiuleêe beei lu niê tucu bee bene nú uriyecanu beei. 17 Scua unga para nú uyalu tucu nú uni profeta IsaÃas chenu unilla: 18 âBiêyacuruhua liêinu necanu enu ucañia para nú zibiê lua, Liêinu enu chiquiê seêcaa, nu chiquiê ñia nzu arquia lunu. Nu xeêla EspÃritu Santoa equienu, para nú ixiuleêenu lubee bene iliulabe xa rnibiyaêa. 19 Nu niê tucu bene la liununu, nula bixialÃnu, nu la necanu bene enu bixialà labe bee calle. 20 Lecaxi riêinunu bee bene enu la nehuañi nzeêca, nu la nitilunu bee bene enu lleênatsia nzeli arquiê xi neca qui sera nú llenetsia rululá. Hasta nú riêinu ana nú aca elu usticia tucu nú necane. 21 Nu nzuculu bee bene iliulabe nú liêinu tsilaêanu liêibeella. 22 Uyayu bee bene tucu bene enu la yeêe iêculu nu la ni lu Jesuse, xne nchiñi benechiquiê arquiêi. Nu uriyeca Jesuse liêi nu uquixie nú uni nu uyeêe iêcului. 23 Chequie ye bee bene zeêe chiquiê nzenu arquiêbeei nú unibeei: â¿Xieê laca benecuaê enu necadichiaê nú nzeêta lu familiaê David la? 24 Chenu ubeneê bee fariseo nucuaê unibeei: âBezeêlu enu rnibiyaê lubee benechiquiê neca enu udeteê poder lu bene cuaê nú rlualla benechiquiê arquiê bee bene. 25 Pero nediyaê Jesuse lunú rriêi beei elliebacuê, che uninu lubeei: âYe bee nación nu bee eyeche llene nú la neca tucunecatse rleêesaêe, leêca scua tunu tucu famili liñi tucu niêi laneca tucu necatse beella rleêe saêlla. 26 Leêca scua tunu rliunu bezeêlu leêcatsia liêi. ¿Xneca modo nú diêya elurnibiyaê nú rluêcui che? 27 Liêihua rnihua nú rluaa bee benechiquiê arquiê bee bene cuna poder bezeêlu. Pero tunu scua necane, ¿ti rdeteê poder lubee beneêhua para nú rlua beei bee benechiquiê arquiê bee bene che?, leêca nia luhua nú liêibeei rlubeê beei nú la neli nú rnihua. 28 Xne liêá rlua bee benechiquiê arquiê bee bene equie cuendaê EspÃritu Santoê Diose, nucuaê rlubeê nú uriñala nú rnibiyaê Diose luhua. 29 ‘Xne leca modo nú chuêu bene niêi tucu bene enu naaqui para nú cachiêi steneêlla, tunu la llicaê cuxuilla. Che scua nuê modo nú cachiêi steneêlla. 30 ‘Bee bene enu la nzu chua, rriêi cundra bee nzeêe liêá, nu bee bene enu la riêi elietsa lua, rca nzeêe nú aca huaxilá bee benea. 31 ‘Enzeêe nia luhua nú riêi Diose perdona ye dula nú rriêi bee bene cuna ye bee bedichiaê chiêquiê nú rni bee bene. Pero la riêinu perdona bee bene enu rni bee bedichiaê chiêquiê equie cuendaê Espiritu Santo. 32 Rriêi Diose perdona titse bee bene enu rni bedichiaê chiêquiê equie cuendaê liêá, Bene enu uxeêla Diose, pero titse bene enu nechiêquiê EspÃritu Santo lecaê perdona para bee benecuaê niê lu iliulabe quieê nu niê liñibe. 33 ‘Liêihua nediyaêhua nú aca nzeêca rayu ndixi nzeêca lue, nu aca nú la neca nzeêca la ayu ndixà nzeêca lue, xne lu cuendaê ndixà nú rayu lu aca nuêlu bene nú xi acae. 34 ¡Liêisiêhua netsiñahua xi netsiña bee beêla! ¿Xa modo nú nihua bee bedichiaê nzeêca chenu liêihua necha necahua? Bee bedichiaê nú nuê arquiê bee bene enzeêe rni bene. 35 Bene nzeêca rni bedichiaê nzeêca, xne nucuaê nuê arquiêlla. Nu bene enu necha neca rni bee bedichiaê nú necha neca xne nucuaê nuê arquiêlla. 36 Pero liêá nia luhua nú bichia nú hualu Diose lu cuendaê bee bene iliulabe, che ye bee bene deteê cuenda lu Diose luye bee bedichiaê nú necha neca unibeei. 37 Xne equie cuendaê stichiaê bene, scua rlubeê tunu yala nú zecalla castiya nú deteê Diose lulla, nu tunu la yala zecalla castiya. 38 Chequie chiucu chuna bee fariseo cuna bee ulaxcuela enu reca ley uni lu Jesuse: âMaestro, niarquiêru nú lañiêru riêilu tucu milagro. 39 Che ucuaqui Jesuse lubeei: âLiêihua bee bene enu necha rriêi nu sequienu bee bene rnacuêhua nú riaêa tucu milagro, pero la riêá niêtucu milagro luhua, lañiêtsiahua tucu nú ulleêca Jonás. 40 Xne tucu nú ullutse Jonás chuna bichia cuna chuna rulaê xlaêcu beênaê, leêca scua liêá Bene enu uxeêla Diose llutsea liñi yuu chuna bichia nu chuna rulaê. 41 Nu bichia chenu laxu iliulabe chenu chiuêlue lu cuendaê bee bene tiembu quieê, che huañi zeca bee bene eyeche NÃnive ni nú riala bee bene cuaê castiya xne bee bene eyeche NÃnive uzucuêbeei nú uni Jonas chenu unilla lubeei nú huañi beei tucu nú niarquiê Diose. Nu liêá Jesuse enu nzu cuna liêihua maselá neca equiea luquela Jonás. 42 Nu bichia chenu laxu iliulabe, chenu hualu Diose lucuendaê bee bene, chequie reina eyeche nú lee Sabá huañi zecalla nu nilla nú riala bee bene enu nucuaêa nee castiya nú deteê Diose. Xne liêilla nzeêtalla enza mase istu, nu ubeêtalla para nú ubeneêlla lunú reca arre Salomón, nu liêá Jesuse enu nzu cuna liêihua, másela neca equiea luquela arre Salomón. 43 ‘Chenu xiuêu tucu benechiquiê arquiê tucu bene, enzei bee luguare elu nebichi rcuaênai elu tsulachii, nu chenu la llelaêi elu tsulachii, che rriêi elliebacuê: 44 Nú rni: “Mejora benchilaê zecaa arquiê bene elu uchiuêa.” Nu chenu ubenchilaê zecai llelaêi arquiê bene elu uchiuêi xi neca liñi tucu niêi nú nelata, nu nelucuê nu rna nzeêca. 45 Chequie nzetucui se achi benechiquiê enu maselá necha rriêi luquela liêi, nu chuêu ye beei arquiê bene zeêe, nu che masescaêlá necha aca bene zeêe lunú necalla huaêtu. Leêca scua zeca bee bene enu necha rriêi nucuaêa tiembu quieê. 46 Rdichiaê nuscaê Jesuse bee bene zeêe, chenu uriña naênu cuna bee bichinu nucuaêa eliêyaê nu niarquiê beella bedichiaênu beella liêinu. Nu lunú nucuaêa beella eliêyaê, 47 che uyatixiuleêe tucu bene lu Jesuse nú unilla lunu: âNzu naêlu cuna bee bichilu eliêyaê nu niarquiê beella bedichiaênu beella liêilu. 48 Pero uninu lu bene enu uya udixiuleêe lunu: â¿Ti neca naa, nu ti neca bee bichia? 49 Chequie ulubeêyanu lubee beneênu, nú uninu: âBee benequieê neca naa cuna bee bichia. 50 Xne titse bee bene enu rriêi lunú niarquiê Diose Pa liñibe, bee nzeêe neca bee bichia, cuna bee zanaa nu naa.