San Lucas 4

1 Chiquiê nzu Espíritu Santo cuna Jesuse, chenu uchiuênu reêcu Jordán, nu unguyaê Espíritu Santo liêinu lu tucu dañi achi elu la nucuaêa bee bene. 2 Zeêe uyaênanu chiuaêa bichia cuna rulaê, nu né acunu ye bee bichia zeêe. Che uliaênaênu nu uriêi bezeêlu preo liêinu. 3 Chequie uni bezeêlu lunu: âTunu neli nú necalu Lliêñi Diose, unibiyaê nú aca quiee quieê pá. 4 Nu ucuaqui Jesuse lu bezeêlu: âLu ichiê Stichiaê Diose rni: “La huañi bee bene lu cuendaê pá tsia, leêca huañi bee bene lunú neca Stichiaê Diose." 5 Che uyanu bezeêlu liêinu equie tucu dañi elu ayaa, nu hora zeêe ulubeê bezeêlu lunu nzieê bee nación iliulabe, 6 nu uni bezeêlu lunu: âLiquia lulu ye elurnibiyaê nú nuê lubee nación quieê cuna ye bee eluxene nú nuê lue. Xne ye bee nucuaê neca stenea, nu detea bee nucuaê lu enu niarquia. 7 Tunu tsu lliquilu lua nu chiquiê luêculu ulaêna lua, che ye bee nucuaê aca steneêlu. 8 Pero ucuaqui Jesuse nú uninu: âLu ichiê Stichiaê Diose rni: “Uluêcu ulaêna lu tucutsia Diose Pa liñibe, nu tucutsia lunu zibiêlu." 9 Chequie uyanu bezeêlu liêinu eyeche Jerusalén, nu uquienuu bezeêlu liêinu equie indu llene Jerusalén nu uni lunu: âTunu neli nú necalu Lliêñi Diose, utsanaê liêilu hasta caêa nu hasta lu yuu. 10 Xne rni lu ichiê Stichiaê Diose: Xeêla Diose bee ángeleênu para nú riêi ucu beenu liêilu. 11 Cuna nú naêtse beenu liêilu, para nú la tiêqui bee quiee cuchiuêlu. 12 Che ucuaqui Jesuse lu bezeêlu: âLeêca rni lu ichiê Stichiaê Diose: “La riêilu preo Diose Pa liñibe." 13 Chequie chenu né llelaê bezeêlu xa riêi preo Jesuse, utsanaêi liêinu lleêna tiembu. 14 Ubenchilaê zeca Jesuse lu iliu Galilea, nu chiquiê nzu lunú reca Espíritu Santo cuna liêinu, cuna nú chiquiê rni bee bene lu cuendaênu ye bee luhuare zeêe. 15 Seteênu bee bene liñi induê bee bene Israel cada bee luhuare, nu rni nzeêca bee bene lu cuendaênu. 16 Uya Jesuse eyeche Nazaret, elu ubeêta ruêcunu. Chequie bichia nú sulachi bee bene Israel, uyuêunu liñi induê beella tucu nú neca costumbreênu, nu utsulínu nu ungulanu lu ichiê Stichiaê Diose. 17 Udeteê beella ichiê nú uquieêe profeta Isaías yanu, nu chenu uxaêlanu lu ichiê zeêe uxaêlanu tucu luhuare elu rni: 18 Nzu Espírituê Diose Pa liñibe cuna liêá, xne uriêi leêyalanu liêá para nú ixiuleêa bedichiaê nzeêcaê Diose lubee bene elitsí; uxeêlanu liêá para nú riêá elietsa lubee bene enu nehuana nzu arquiê, cuna nú ixiuleêa lubee bene nú xa tsilaêa beei lu dula nú rnibiyaê lubeei, cuna nú riêiyecaa iculu bee bene enu niquieêlu, cuna nú riêá elietsa lubee bene enu nehuana seca. 19 Nu para nú ixiuleêa lubee bene nú uriñala bichia nú tsilaêa Diose bee bene enu rcuaêna nú zucuê nú rninu. 20 Che chu utsacuê Jesuse lu ichiê zeêe, nu udeteê cuendanue ya bene enu rriêi elietsa liñi indu zeêe nu chu uzucunu. Pero ye bee bene enu nucuaêa liñi indu zeêe riêyalí beei lunu. 21 Nu uquixienu nú uninu, lubeei: âBichia quieê uyalu lunú rni lu ichiê Stichiaê Diose nú ubeneê inzaêhua. 22 Chequie ye bee bene zeêe uni nzeêca beei lu cuendaê Jesuse, nu chiquiê nzenu arquiêbeei nú ñia uninu bee bedichiaê nzeêca lubeei. Nu unidichiaê beei lu saêbeei: â¿Lanú nucuaê neca lliêñi José la? 23 Nu uni Jesuse lubeei: âNediyaa nú nihua lua bedichiaê nú rni: “Doctor uriêiyeca leêcatsia liêilu.” Nu leêca nihua: “Lunú ubeneêru nú uriêilu eyeche Capernaúm, uriêi leêca scua lachilu caêa nee." 24 Chequie unilá Jesuse lubeei: âNia luhua nú niêtucu profeta la yucu nzeêca arquiê bee bene lachilla liêilla. 25 Liêá nia luhua, nú tiembu nú uhuañi profeta Elías, ucuaêa huaxi bee unaêa zaqui diqui bee lu iliu Israel, chenu né laca quiu chuna lana arulaê nu unga biñia diqui bee luhuare enza zeêe. 26 Pero né xeêla Diose Elías, para nú riêilla elietsa lu tucu unaêa zaqui Israel, uxeêla tsianu Elías para nú riêilla elietsa lu tucu unaêa zaqui eyeche Sarepta, axu eyeche Sidón. 27 Leêca ucuaêa huaxi bee bene Israel enu ulleêca elichia nú lee lepra tiembu nú unga Eliseo profeta, pero né riêiyecalla niê tucu bee bene cuaê, uriyeca tsialla Naamán, enu neca bene Siria. 28 Chenu ubeneê ye bee bene enu nucuaêa liñi indu zeêe bedichiaê cuaê, chiquiê ulee beei. 29 Nu chu utsuli beei nu uhua beei Jesuse eyeche zeêe, nchiucuê eyeche zeêe equie tucu dañi, che unguyaê beei liêinu ruêu eyeche zeêe para nú nze tsiêqui beei liêinu hasta quierquie. 30 Pero udetetsia Jesuse labe beei nu chu nzanu. 31 Che uya Jesuse eyeche Capernaúm nú nchiucuê lu iliu Galilea, nu zeêe uzeteênu bee bene Satuê bichia nú sulachi beei. 32 Chiquiê nzenu arquiê bee bene lunú xa uzeteênu liêibeei, xne uninu lubeei xi rni tucu bene enu chiquiê rnibiyaê. 33 Liñi indu zeêe nzucu tucu niyu enu nchiñi benechiquiê arquiê, nu juerte urixiali niyu zeêe nú uni: 34 â¡Utsanaê liêiru! Jesuse bene eyeche Nazaret. ¿Xinu riêchialu liêiru? ¿Nzeêtalu para nú nitilulu liêiru la? Nuêlua liêilu nú necalu Beneê Diose nu la luêculu dula. 35 Chequie uquiêyaê benechiquiê zeêe uriêi Jesuse nú uninu: â¡Uzaca nu uchiuêu arquiê niyu quieê! Che utsiêqui benechiquiê niyu zeêe lu yuu ante lu ye bee bene, nu chu uchiuêi arquiê niyu zeêe nu né riêchiaêi niyu zeêe che. 36 Ye bee bene zeêe chiquiê uyanu arquiêbeei nú unibeei lu saêbeei: â¿Xi bedichiaê neca bee nucuaê? Chiquiê reca benequieê nu rnibiyaêlla nú chiuêu bee benechiquiê. ¡Nu xiuêu beei! 37 Nu diqui bee luhuare enza zeêe uni bee bene lu cuendaê Jesuse. 38 Chequie chenu uchiuêu Jesuse liñi indu chu nzanu niêi Simón. Nu riti suegraê Simón, nu chiquiê nuêlla xlee, che uzequiee beella lu Jesuse para nú riêyecanu liêilla. 39 Nu uya bica Jesuse elu nuxulla nu unibiyaênu nú chiuêu xlee zeêe, nu chu uchiuêu xlee nú nuêlla. Hora zeêe uzetella, nu udeteêlla nú udacu beella. 40 Chenu uhuatseê bichia, ye bee bene enu rluêcu bee bene enu riti lu ye bee clasiaê bee elichia nú seca beei uyanu beella liêibeei lu Jesuse, nu uricuênu yanu equie cada tucua beei, nu scua uriyecanu liêibeei. 41 Leêca leta bee bene enu riti zeêe huaxi beei uchiuêu bee benechiquiê arquiêbeei, nu urixialibeei nú unibeei: â¡Liêilu necalu Lliêñi Diose! Pero uquiêyaê bee benechiquiê uriêi Jesuse nu lá zelanu nú anibeei, xne nediyaêbeei nú liêinu necanu Cristo. 42 Chenu uyeêe lu yuu, uchiuêu Jesuse eyeche zeêe nu nzanu tucu luhuare elu lecati nuê. Pero ucuaêna bee bene liêinu, nu uriña beei elu nzucunu. Nu unibeei lunu nú la chanu, 43 pero uninu lubeei: âLeêca rquiêña nú nzetixiuleêa lunú xa neca elurnibiyaê Diose lubee bene stucu eyeche, xne enzeêe uxeêla Diose liêá. 44 Scua unzee Jesuse udixiuleêenu Stichiaê Diose liñi bee indu lubee bene lu iliu Galilea.