San Lucas 24

1 Domingo silaê stucu bichia, uya bee unaêa zeêe ruêu eluhuaê Jesuse, nu unguyaê beella perfume nú urecheê beella, nu leêca uyanu beella xiucu xuna bee unaêa. 2 Chenu uriña beella zeêe, ulañiê beella nú uducuêla quiee llene nú uyacuê ruêu eluhua zeêe. 3 Nu uyuêu beella liñi eluhua zeêe, pero né lleêlaê beella cuerpoê Jesuse. 4 Hora zeêe chenu xiqui beella nu la riêi beella beyaê xa riêi beella, ulañiê beella chiucu niyu enu nzulí axu lubeella, nutu bee nzeêe laquie nú rulu siquiê. 5 Nu lunú chiquiê ulliqui beella uziêqui ndiqui beella hasta lu yuu, nu uni bee niyu zeêe lubeella: â¿Xinu rlaênahua tucu bene enu nehuañi leta bee bene nguti? 6 Lecaênu caêa, xne uhuañi zecanu. Ulluêcu arquiêhua lunú uninu luhua chenu nzuscaênu Galilea. 7 Uninu luhua nú liêinu Bene enu uxeêla Diose, rquiêña nú dete cuendanu lubee bene enu rriêi dula para nú quieêe beei liêinu lu cruse, nu acatsia bichia rriuna huañi zecanu. 8 Che ulluêcuê arquiêbeella bedichiaê nú uni Jesuse lubeella, 9 nu chenu nzia beella nú uchiuêu beella ruêu eluhua zeêe udixiuleêe beella ye nú ulañiê beella lu se chetuêcu bee beneênu cuna lu beelá bee bene. 10 María Magdalena, cuna Juana, cuna María naê Jacobo, cuna beela bee unaêa, neca beella enu uyayu resuna cuaê lubee apóstolênu. 11 Pero né chili arquiêbeella lunú uni bee unaêa cuaê, xne seca beella nú lia rnitsia beella nucuaê. 12 Pero xexuêu Pedro uyabiêya ruêu eluhua zeêe, nu chenu ubiêyalla liñii, ulañiêtsialla sabana nú ubelanu nchiucuê zeêe, nu ubenchilaêlla nu chiquiê nzenu arquiêlla lunú ulañiêlla nu unga scua. 13 Leêca bichia zeêe, chiucu beneê Jesuse nzuebeella lu eyeche nú lee Emaús, eyeche cuaê neca tucu chetuêcu kilómetro para Jerusalén. 14 Chenu nzuebeella lu inziu rdichiaê beella lu ye nú unga. 15 Diqui nú rdichiaê beella, uyabica Jesuse lubeella nu uquixienu nú nzenunu liêibeella. 16 Añinzuca nú riêya beella lunu, pero la zela Diose nú luego chulu beella liêinu. 17 Nu unidichiaê Jesuse lubeella: â¿Xi equie rdichiaêhua diqui nú nzeêtahua inziu? Nu xinu nehuana nzu arquiêhua. 18 Tucu beella enu lee Cleofas, ucuaqui: âYe bee bene nediyaê lunú unga eyeche Jerusalén bee bichiaquieê. ¿Xieê liêitsialu enu uzucu Jerusalén lá riêilu beyaê lunú unga zeêe la? 19 Nu unidichiaênu lubeella: â¿Xi unga che? Nu uni beella lunu: âLunú uriêinu bee bene Jesuse enu neca bene eyeche Nazaret, liêinu unganu tucu profeta enu chiquiê reca lunú uriêinu cuna bee bedichiaê nú uninu lu Diose, cuna lubee bene. 20 Nu bee uleêya enu rnibiyaê lubee uleêya cuna bee usticiaêru, udeteê cuenda beella liêinu para nú atinu nu uquieêe beella liêinu lu cruse. 21 Liêiru nzu arquiêru nú liêinu a tsilaêanu bee bene Israel. Pero nee necala bichia rriuna nú unga ye bee nucuaê. 22 Añinzuca nú texcuaêa bee unaêa enu nucuaêa cuna liêiru uchiiqui beella liêiru, xne nee zilaê quieê uya beella ruêu eluhuaênu, 23 nu lunú néllelaê beella cuerpoênu, ubenchilaê beella nu uni beella nú ulubeêlu bee ángele lubeella, uni bee ángele cuaê lu beella nú nehuañi Jesuse. 24 Che uya chiucu chuna bee saêru uyabiêya ruêu eluhua zeêe, nu ulañiê beella tucu nú uni bee unaêa zeêe, pero né lañiê beella Jesuse. 25 Nu uni Jesuse lubeella: â¡Chiquiê lleênatsia rriêihua beyaê, nu rleêe nzeli arquiêhua ye bee nú uni bee profeta hasta huaêtu! 26 ¿Xieê la quiêña nú nehuana zeca Jesucristo ye bee nucuaê nu cheelá zucunu liñibe la? 27 Che uquixienu udixiuleêenu xi rni ye nú niquie lu ichiê Stichiaê Diose lu cuendaênu. Uquixienu cuna bee libro nú uquieêe Moisés, nu chu uquixiaêlanu cuna ye bee libro nú uquieêe bee profeta. 28 Chenu uriña beella eyeche nú nza beella, uriêi Jesuse tucu nú nzalanu enza lu zeêe. 29 Pero uriêi beella juerza liêinu nú yaênanu cuna liêibeella, nu uni beella lunu: âUyaêna cuna liêiru, xne ucheela nu enta chuêula rulaê. Che uyuêu Jesuse nu uyaênanunu liêi beella. 30 Nu chenu nzucunu lu mexa cuna liêibeella unaêtsenu pá, nu chenu ulaxu nú udeteênu cheêtsa lu Diose, che uleêenu pá zeêe nu udeteênue udacubeellae. 31 Hora zeêe ulleêca beella xi neca nú uyaêla iêculu beella nu uyulu beella liêinu, pero tuênatsia unitinu lubeella. 32 Nu uni beella lu saêbeella: âEnzeêeca nú chenu nzelayuaêa liêinu lu inziu ñia utsiêa chenu uninu nú xa rni lunú rni lu ichiê Stichiaê Diose. 33 Chequie leêca hora zeêe, chu uyuêunziu beella nu ubenchilaê beella eyeche Jerusalén, elu neyeteê saê sechetuêcu bee beneênu cuna beelá bee saê beella. 34 Nu uni bee bene enu nucuaêa zeêe lu rucu beella: âNeli nú uhuañi zeca Jesuse, xne ulubeêlulanu lu Simón. 35 Nu chu udixiuleêe rucu bene zeêe lubeella lunú unga chenu nzuebeella lu inziu, cuna nú xa uyuêlu beella Jesuse chenu uleêenu pá. 36 Rdichiaêscaê beella lunú unga, chenu ulubeêlu Jesuse lubeella, nu uninu lubeella: âLa lliquihua ñia utsu arquiêhua. 37 Chiquiê ulliqui beella nu leêca uyanu arquiêbeella, xne uriêi beella elliebacuê nú ulañiê beella tucu espírituê bene enu unguti. 38 Pero uni Jesuse lubeella: â¿Xinu xiquihua? nu ¿xinu saê arquiêhua? 39 Ubiêyacuruhua bee yaa cuna bee cuchiuêa. Liêá ninguieê, unaêtsehua liêá nu ubiêyahua lua xne tucu espíritu la acane arta cuna beêla tucu nú rlañiêhua liêá nee. 40 Chenu uninu scua, che ulubeênu bee yanu cuna bee cuchiuênu lubeella. 41 Pero lá chiliscaê arquiêbeella nu liêinu lunú ñia nzu arquiê beella cuna nú nzenu arquiêbeella, che uninu lubeella: â¿Rluêcuhua lleêna nú acua la? 42 Nu chu udeteê beella teleêe bela enu uyiêi cuna teleêe lliñia, 43 che unaêtsenu bela zeêe cuna lliñia zeêe nu udacunue ante lubeella. 44 Nu uninu lubeella: âLunú ulleêca ye bee nucuaê unia luhua chenu nzuscaêa cuna liêihua. Nu rquiêña nú yalu ye beenú niquie lu ichiê Stichiaê Diose equie cuendaa nú nequie lu libroê Moisés, cuna lu libroê bee profeta, cuna lu libro salmos. 45 Nu uxaêlanu elliebacuê beella para nú uriêi beella beyaê lunú rni Stichiaê Diose. 46 Che uninu lubeella: âLu ichiê Stichiaê Diose rni nú chiquiê nehuana zeca Cristo, nu acatsia bichia rriuna huañi zecanu leta bee bene nguti. 47 Nu desde Jerusalén quixie bee bene ixiuleêe stichiaêa cuna diqui lu iliulabe, nú rquiêña nú tsanaê arquiê bee bene stula beei, nu chili arquiêbeei liêá para nú riêi Diose perdona liêibeei. 48 Liêihua ulañiêhua ye bee nucuaê, nu ixiuleêehua lubee bene bee nucuaê. 49 Nu liêá xeêla luhua lunú ucuaqui uêna paa. Pero uyaênascaêhua caêa eyeche Jerusalén hasta nú yucuhua lunú rnibiyaê Diose nú nzeêta liñibe. 50 Che uchiuêu Jesuse cuna liêibeella eyeche Jerusalén, nu unguyaênu liêibeella axu Betania, nu uletsanu yanu nu uriêi leêyanu liêibeella. 51 Diqui nú rriêileêyanu liêibeella, uyatsanu nu uquienu liñibe. 52 Chequie chenu ulaxu nú udeteê beella ulaêna lunu, chiquiê ñia nzu arquiêbeella ubenchilaê beella eyeche Jerusalén. 53 Nu ye bichia nucuaêa beella liñi Indu llene Jerusalén nu rni beella bedichiaê nzeêca lu Diose, nu rdeteê beella cheêtsa lunu. Amén.