San Lucas 18
TBL1 Uni Jesuse tucu ejemplu lubee beneênu para nú seteênu liêibeella nu uninu rquiêña nú nacuê beella lu Diose, nu la llacaê beella. 2 Che uninu nú lu beella: âTucu bene enu unga juece tucu eyeche nu la lliquilla Diose nu la riêi casolla bee bene. 3 Nu leêca eyeche zeêe nzucu tucu unaêa enu unguti niyuê, nu nzanchu lu juece zeêe rnacuênchu nú riêi juece zeêe elietsa lunchu para nú deteêlla castiya lu bene enu rlee lunchu. 4 Pero xee né riêi caso juece zeêe unaêa zeêe, nu chu uriêi juece zeêe elliebacuê nú unilla: “Añinzuca nú la lliquia Diose nu la riêi casoa bee bene, 5 pero unaêa quieê la tsuxenchu nú rriêi xiêinchu lua, mejora riêá elietsa lunchu para nú la yeêtaênchu ante nú laxu paciencia." 6 Nu chu uni Jesuse lubeella: âScua uni juece enu necha neca zeêe. 7 Enzeêe, ¿xieê la riêi caso Diose bee beneênu enu ucañinu chenu rnacuê beella lunu bichia si rulaê la? Nu, ¿xieê leênu para nú riêinu elietsa lubeella la? 8 Liêá nia luhua nú riêinu elietsa lubeella sin nú leênu. Pero chenu riña zeca liêá Bene enu uxeêla Diose, la riêá beyaê tunu llelá bee bene enu nzeli arquiê Diose lu iliulabe. 9 Uni Jesuse stucu ejemplu para bee bene enu siê nú neca beei bene nzeêca, nu rluachu beei beelá bee bene, nu uninu: 10 âUya chiucu niyu liñi Indu llene Jerusalén unacuê beei lu Diose: tucui neca fariseo, nu stucui neca enu rriêi cubre impuestos. 11 Nu nzulà fariseo zeêe rnacuêi lu Diose nú uni: “Cheêtsalu Diose Pa liñibe, xne la necaa xi neca stucu bee bene, xi neca bee bene enu rriêi eluhuanaê, xi neca bee bene enu necha rriêi, xi neca bee bene enu rluêcu stucu unaêa, nu la necaa niê xi neca benequieê enu rriêi cubre impuesto. 12 Chiucu bese liñi tucu xmana rdetea bichia nú la acua equie nú rluêcua ulaêna lulu Diose, leêca rdetea diezmo equie dimi nú rriêá ana." 13 Pero bene enu rriêi cubre impuesto istu utsui nu né riêi nú aletsai lui enza liñibe, nu xutse tsiai yai latsai nu uni: “¡Diose Pa liñibe uhuaêa arquiê liêá, xne neca bene enu rluêcu dula!" 14 Liêá nia luhua nú bene enu rriêi cubre bee impuesto uriêila Diose perdona liêilla chenu nzialla niêlla, pero fariseo zeêe né riêi Diose perdona liêilla, xne bene enu sucuê aya leêcatsia liêi lecati neca nzeêe lu Diose. Pero bene enu reca lleêna arquiê, liêilla necalla enu máse seca lu Diose. 15 Leêca uyayu bee bene bee enduê elu nzu Jesuse para nú ricuênu yanu equie beei. Pero chenu ulañiê bee beneênu nucuaê, uriêi beella nú uquiêyaê bee bene enu uyayu bee enduê zeêe lunu. 16 Pero ubixia Jesuse liêibeella nu uninu lubeella: âUzelahua nú yeêta bee enduê lua nu la cáhua nucuaê, xne lunú rnibiyaê Diose neca para bee bene enu neca xi neca bee enduê quieê. 17 Xne liêá nia luhua nú bene enu la chili arquiê lunú rnibiyaê Diose xi neca tucu enduê, leca modo nú chuêulla elurnibiyaê Diose. 18 Tucu bene enu rnibiyaê unidichiaê lu Jesuse nú unilla: âMaestro, enu neca bene nzeêca, ¿xi rquiêña riêá para nú lucua elunehuañi nú leca xunga laxu liñibe? 19 Nu uni Jesuse lui: â¿Xinu rnilu nú neca bene nzeêca? Leca niê tucu bene nzeêca, tucutsia Diose neca bene nzeêca. 20 Nediyaêláêlu bee mandamiento: “La útilu bene, nu la luêculu stucu unaêa, nu la riêilu eluhuanaê, nu la taêlu eluquichiaê stucu bene, uluêcu ulaêna lu paêlu cuna lu naêlu." 21 Che uni bene zeêe lu Jesuse: âYe bee nucuaê sucua hasta chenu lleêna. 22 Chenu ubeneê Jesuse nucuaê, uninu lui: âPero rriêi tucu nú riêilu nee. Uti ye bee steneêlu, nu udeêteê dimi cuaê lubee bene enu seca elitsi. Scua luêculu eluxene liñibe. Nu chu yeêta quieelu liêá. 23 Pero chenu ubeneê bene zeêe nucuaê, chiquiê nehuana utsuu arquiêi, xne chiquiê xenei. 24 Chenu ulañiê Jesuse nú chiquiê nehuana nzu arquiêi, che uninu: â¡Chiquiê neriñaê nú chuêu bee bene xene elurnibiyaê Diose! 25 Máse facil nú dete tucu camello iêchiuê echedicu, luquela nú chuêu bee bene xene elurnibiyaê Diose. 26 Pero bee bene enu ubeneê nú uni Jesuse scua, unibeei lunu: â¿Ti nuê modo tsilaêa che? 27 Nu ucuaqui Jesuse lubeei: âNuê nú neriñaê neca para bee bene iliulabe, pero para Diose leca niê tucu nú neriñaê. 28 Chequie necachi uni Pedro lunu: âLiêiru utsaênaru ye beenú rluêcuru para nú nzela quieeru liêilu. 29 Nu ucuaqui Jesuse nú uninu: âLiêá nia luhua nú titse bene enu tsaêna niêi, urre unaêa, urre bichi, urre paê, urre na, urre lliêñi, para nú riêilla lunú rnibiyaê Diose, 30 liêilla másela yuculla nú liquiê Diose lulla lu iliulabe quieê nu leêca luculla elunehuañi nú leca xunga laxu liñibe. 31 Ubixia Jesuse chiêchiucu bee beneênu tucu chú nu uninu lubeella: âNee chaêahua Jerusalén elu yalu tucu nú uquieêe bee profeta lu cuendaê liêá Bene enu uxeêla Diose. 32 Deteê cuenda bee bene liêá lubee bene rene, nu tsequichiaê beei liêá, ni beei huaxi bedichiaê nú necha neca lua nu tsúxene beei lua. 33 Iñi beei liêá nu úti beei liêá, pero bichia rriuna huañi zecaa. 34 La riêilà bee beneênu beyaê lunú uninu, nu la riêi beella beyaê xa neca nú rninu, xne uninu tucu nú leca modo riêi beella beyaê. 35 Chenu nze riña Jesuse axu eyeche Jericó, nzucu tucu niyu enu niquieêlu ruêu inziu rnacuê carida, 36 chenu ubeneêi nú rdete huaxi bee bene inziu zeêe unidichiaêi xi reca. 37 Che uni bee bene lui nú Jesuse bene eyeche Nazaret rdete lu inziu zeêe, 38 nu ubixialà nú uni: â¡Jesuse lliêñi David uhuaêa arquiê liêá! 39 Bee bene enu nzuculu rquiêyalla rriêi beei para nú zacalla, pero másela ubixialilla nú unilla: â¡Lliêñi David uhuaêa arquiê liêá! 40 Chequie utsuxee Jesuse nu unibiyaênu nú yeêtayuu bee bene liêilla lunu. Chenu uriñalla axu lunu unidichiaênu lulla: 41 â¿Xi niarquiêlu nú riêá lulu? Nu ucuaqui niyu enu niquieêlu zeêe nu necachi unilla lunu: âNiarquia nú yeêe iêculua nu biêya zecaa. 42 Nu uni Jesuse lulla: âRiêyalálu nee, nu uyecaêlaêlu xne uchili arquiêlu liêá. 43 Hora zeêe chu uyeêe iêculu niyu zeêe, nu nzequiei Jesuse nu uni bedichiaê nzeêca lu Diose. Nu ye bee bene enu ulañiê nú unga scua, leêca unibeei bedichiaê nzeêca lu Diose.