Judas 1

1 Liêá Judas, bichi Jacobo, liêá enu sibiê lu Jesucristo, rquieêa carta quieê luhua liêihua enu ucañi Diose Paêahua, xne secanu liêihua, nu Jesucristo enu rnibiyaê luaêahua rriêi ucunu liêihua. 2 Diose chiquiê rluêcu arquiê liêihua cuna nú liquiênu nú nzuxe arquiêhua cuna elusecaênu. 3 Bee saêa enu nzeli arquiaêahua Jesucristo, hasta huaêtu niarquia nú quieêa tucu carta luhua equie cuendaê nú rluêcuaêahua nú tsilaêa Diose liaêahua. Pero nee uriña bichia nú rquiêña nú rquieêa carta quieê luhua para nú nia luhua nú biêyahua lunú nzeli arquiêhua nú uyucu arquiêhua tucutsia bese liêihua enu neca beneê Jesucristo. 4 Xne nuê bene enu rriêitsia nú neca beei enu nzeli arquiê Diose para nú cuaêatsia beei letahua, liêibeei enu nediyaê nzeêcaê Diose nú rialabeei castiyaêbeei, xne la lliquibeei liêinu. Liêibeei subeei tucu pretexto nú chiquiê neca nzeêca Diose, che nehuañibeei tucu nú niarquiêtsia beei, nu la zelabeei nú nibiyaê Jesucristo lubeei, liêinu enu neca tucutsia cuna Paêahua enu rnibiyaê luaêahua. 5 Añinzuca nú nediyaêlaêhua lunú nia luhua, pero elluêcuê zecaa arquiêhua nucuaê, añinzuca nú uhua Diose bee bene Israel Egipto, pero luzeêelá utsanaênu nú unguti bee bene Israel enu lá chilí arquiê liêinu. 6 Leêca esquie bee ángele enu né zucuê nú uni Diose nú nibiyaê beei elu udeteê Diose nú nibiyaê beei, liêinu uducheênu liêibeei elu máse natsacabe nzu, hasta bichia nu hualunue lu cuendaê bee bene. 7 Nu leêca bee bene Sodoma cuna Gomorra cuna beelá bee bene eyeche enza zeêe, liêibeei chiquiê necha uhuañibeei nu uriêibeei ye clasiaê bee eluhuexe tucu nú niarquiêtsia beei. Enzeêe nehuana ulleêca beei chenu unitilu Diose liêibeei nu utsiquiênu liêibeei, nucuaê neca tucu ejemplu para lu yeaêahua. 8 Añinzuca nú ungae scua, nee leêca scua rriêi bee bene zeêe rlaênabeei nú cuaêatsiabeei letahua, liêibeei enu seca nú acabeei riêibeei tucu nú necatsia elliebacuêbeei, nu rnitilubeei leêcatsia liêibeei, la zela beei nú nibiyaê Cristo lubeei nu leêca rnibeei bedichiaê nú nechá neca equie cuendaê bee ángeleê Diose. 9 Pero chenu unixuu arcangel Miguel cuna bezeêlu, equie cuendaê cuerpoê Moisés, niê tucu bedichiaê nú necha neca né laca arquiêlla anilla lu bezeêlu, unitsialla: “Leta ya Diose tsaêna liêilu." 10 Nu bee bene zeêe enu rriêitsia nú nucuaêa beei letahua rni beei bedichiaê nú chiquiê necha neca, equie nú la riêibeei beyaê, pero equie beenú necha neca cuaê rriêibeei, rriêibeei nucuaê sin nú riêibeei elliebacuê xi neca tucu nañi, nu enzeêe nzenitilu beei liêibeei lu Diose. 11 ¡Cueêbeei!, xne nzequie beei inziuê Caín. Cuna nú niarquiêtsia beei riêi beei ana dimi, tucu nú uriêi Balaam, nu zeca beei tucu nú ulleêca Coré, chenu niarquiêi nibiyaêi lu Moisés. 12 Nu leêca liêibeei neca beei enu rnitilu eliñi nú rriêihua chenu rieteê saêhua nu racu juntuhua, racutsia beei sin nú tuêbeei nu la chenu arquiêbeei beelá bee bene, neelaêtsia beei nzuebeei, liêibeei neca beei xi neca xcabe nú la uyaê quiu nú ruyaê bii cuna xi neca bee aca nú rietsu cuna lue xne la ayune. 13 Liêibeei neca beei xi neca inzatuê chenu nelachii tucu nú neca chenu xiuêu lliña lu inzatuê, leêca scua sin nu tuêbeei rriêibeei beenú nechá neca. Nu leêca liêibeei neca beei xi neca quii nú rlaca enza liñibe xne uniti beei inziuê beei; scua para siempre riala beei elu natsacabe nzu. 14 Nu Enoc, enu unga lu achi texcuaêa bee bene lulá Adán, liêilla unilla equie cuendaê bee bene cuaê: “Liêá ulañia Paêahua Diose nú nzeêtayunu huaxi bee ángeleênu. 15 Para nú hualunue lu cuendaê ye bee bene, nu ninu xi castiya riala bee bene enu necha rriêi equie cuendaê ye beenú necha neca nú rriêi beei, cuna equie cuendaê bedichiaê nú nechá neca nú uni condra beei liêinu, equie nú neca beei bene enu rluêcu dula." 16 Bee clasiaê bee benequieê leca xi yuê arquiêbeei ye nú seêta beei, nu rriêitsia beei lunú nzeêta ana arquiêbeei nú riêibeei. Leêca siempre sucuê aya beei leêcatsia liêibeei nu rni nzeêca beei lu cuendaê bee bene para nú riucubeei lunú niarquiêbeei. 17 Pero liêihua bee saêa enu nzeli arquiaêahua Jesucristo, chiquiê seêca liêihua. Enzeêe ulluêcuê arquiêhua nu bee apóstolê Jesucristo, 18 liêibeella unibeella: “Chenu nzeêta axula nú láxu iliulabe chuêu bee bene enu tsequichiaê lu ye nú nzeêta lu Diose, nu riêibeei tucu nú niarquiêtsiabeei." 19 Bee clasiaê bee benecuaê neca enu rriêi nu rleêe saê bee bene enu nzequie inziuê Diose, nu liêibeei nehuañi beei tucu nú niarquiêtsiabeei, la nehuañibeei cuna Espíritu Santoê Diose. 20 Pero liêihua bee saêa enu nzeli arquiaêahua Jesucristo enu chiquiê seêca, utsutaê arquiêhua lunú nzeli arquiêhua, xne lunú nzeli arquiêhua Jesucristo. Nucuaê chiquiê lecaxi ná, nu unaêcuêhua lu Diose cuna elietsaê Espíritu Santo. 21 Uquia quiehua elusecaê Diose diqui nú nucuaêa quieehua nú riña bichia nú luêcu arquiê Jesucristo liaêahua, nu liquiênu luaêahua elunehuañi nú leca xunga laxu. 22 Uhuaêa arquiêhua bee bene enu saêscaê arquiê. 23 Uriêihua elietsa lubee bene enu nza lu inziu nú necha neca, tucu nú rriêi bene enu rriêi elietsa lu bene enu nze zanaê lu quii, uzecahua liêibeei, pero la riêihua tucu nú rriêi beei, ubiêyahua para nú la zanaêhua lu dula nú rriêibeei. 24 Nuê tucutsia Diose enu rluêcu nú rnibiyaê, para nú acanuênu liêihua nú la zanaêhua lu dula, para nú ñia nzu arquiêhua nu leca xi nahua riñahua liñibe elu nzucunu. 25 Enzeêe liêinu enu neca tucutsia Diose, liêinu enu utsilaêa liaêahua lu dula equie cuendaê Jesucristo enu rnibiyaê luaêahua, liêinu rialanu ulaêna xne yeene necane para liêinu, nu tucutsia liêinu rluêcunu poder cuna elu usticia desde huaêtu, nu hasta nee nu diqui tiembu. Amén.