San Juan 7
TBL1 Lulá bee nucuaê, uya Jesuse lu iliu Galilea. Lá niarquiênu achaanu lu iliu Judea, xne bee bene cuaê rlaêna beei liêinu para nú úti beei liêinu. 2 Pero lunú nzeêta axula eliñiê bee bene Israel, chenu rcuaêa beella liñi bee ranchu. 3 Che uni bee bichi Jesuse lunu: âLa yaênalu caêa, uquia lu iliu Judea, para nú leêca lañiê bee beneêlu enu nucuaêa zeêe bee milagro nú rriêilu. 4 Xne chenu niarquiê bene nú riêi bee bene beyaê lunú rriêilla, la yala nú riêilla nucuaê aêchiê. Nee lunú rriêilu bee milagro cuaê, uriêi nucuaê ante lu ye bee bene iliulabe. 5 Uni bee bichi Jesuse scua xne niê liêibeei la chili arquiêbeei liêinu. 6 Chequie uni Jesuse lubeei: âLascaê riña horaa, pero para liêihua xitse hora neca nzeêca. 7 Leca modo chana arquiê bee bene iliulabe liêihua, pero liêisia rana arquiêbeei, xne rixiuleêa lubeei nú necha neca lunú rriêi beei. 8 Uquiahua lu eliñi cuaê, xne la chaêscaêa, xne lascaê riña hora nú chaêa. 9 Chenu ulaxu nú uninu scua lubeei, uyaênanu Galilea. 10 Lulá nú nzue bee bichi Jesuse lu eliñi zeêe, cheelá nzanu para nú lecati riêi beyaê nú leêca nunu nzanu lu eliñi zeêe. 11 Nu bee bene Israel rlaêna liêinu lu eliñi zeêe, nu unibeei: â¿Cáche nzu bene zeêe? 12 Leta huaxi bee bene enu uya lu eliñi zeêe, yelu nú rnibeei lu cuendaênu. Nuê beei enu rni: “Ãia nzeêcanu”; nu nuê beei enu rni: “La riêi nzeêcanu, sino que sequienunu bee bene." 13 Pero niê tucu beei né ni beei lu cuendaênu ante luye bee bene, xne xiqui beei bee usticia Israel. 14 Chenu unga arulaêla nú reca eliñi zeêe, uyuêu Jesuse liñi indu llene Jerusalén, nu uquixienu nú uzeteênu bee bene. 15 Che bee bene Israel chiquiê nzenu arquiêbeei nú unibeei: â¿Xa reca nucuaê huaxi beenú reca nucuaê nu lecati uzeteê liêi nucuaê? 16 Chequie uni Jesuse lubeei: âLa zetea liêihua lunú necatsia elliebacua, sino que nzeêta nucuaê lu Diose enu uxeêla liêá. 17 Tunu nuê enu niarquiê nú riêi tucu nú niarquiê Diose, liêilla riêilla beyaê tunu nú setea liêihua nzeêtae lu Diose, urre necane nú necatsia elliebacua. 18 Enu seteê lunú necatsia elliebacuê, liêilla rriêilla scua para nú zucuê aya bee bene liêilla. Pero bene enu rlaêna nú zucuê aya bee bene Diose enu uxeêla liêinu, rnilla lunú neli neca, nu la zequienulla bee bene. 19 ‘Añinzuca nú utsaêna Moisés ley luhua, pero niê tucuhua, la zucuê nú rnibiyaê ley. ¿Nu xinu niarquiêhua nú útihua liêá? 20 Chequie ucuaqui bee bene zeêe lunu nú unibeei: â¡Benechiquiê nuê arquiêlu! ¿Ti niarquiê úti liêilu? 21 Nu uni Jesuse lubeei: âEquie tucu milagro nú uriêá bichia nú sulachi bee bene, yehua chiquiê nzenu arquiêhua. 22 Pero liêihua mase nú neca bichia nú sulachi bee bene rquieêehua seña bee enduê meêhua para nú riêihua tucu nú unibiyaê Moisés nú riêihua, añinzuca nú la neca equie cuendaê Moisés nú rquie seña bee enduê meêhua sino que bee beneêhua enu udetela rriêila scua huatu. 23 Neequie, para nú la iêchiahua lunú rni leyê Moisés rquieêehua seña bee enduê niyu masia nú necane bichia nú sulachi bee bene. Nu, ¿xiquie nú rlehua lua nú uriyeca tucu niyu bichia nú sulachi bee bene? 24 La nihua lu cuendaê bee bene lunú rlañiêtsiahua rriêi bee bene sino que rlutixu uriêinzeêcahua beyaê xi rriêilla che nihua. 25 Chequie chiucu chuna bee bene Jerusalén unibeei lu saêbeei: â¿Xieê lanu benequieê neca enu rlaêna bee bene para nú úti beei la? 26 Nu nee luê nzulla rnilla ante lu ye bee bene, nu lecati riêchialla. ¿Xieê uyalÃlaquie arquiê bee usticia nú necalla Cristo la? 27 Pero liaêahua nediyaê nzeêcaêahua cá enza nzeêtalla, nu chenu nzeêta Cristo, lecati riêibeyaê cá enza nzeêtanu. 28 Chenu ubeneê Jesuse lunú rnibeei, diqui nú seteênu bee bene liñi Indu llene Jerusalén, che juerte uninu lubeei: âLiêihua rnihua nú nuêluhua liêá, nu leêca nediyaêhua cá enza nzela, pero liêá lá yelá equie cuendaê liêitsia. Liêá uriña equie cuendaê liêinu enu rni nú neli neca, nu liêihua la chuluhua liêinu. 29 Pero liêá nuêlua liêinu, xne nzela enza lunu nu liêinu uxeêlanu liêá. 30 Chenu ubeneêbeei nucuaê uniarquiêbeei nú naêtse beei Jesuse, pero lecati unaêtse liêinu xne lascaê riña hora nú xi riêinu beei liêinu. 31 Nulu huaxi añi bee bene enu nucuaêa zeêe, huaxi beei uchili arquiê liêinu nu unibeei: âChenu yeêta Cristo, ¿xieê riêilanu huaxilá bee milagro luquelá nú rriêi benequieê la? 32 Ubeneê bee fariseo lunú rni bee bene equie cuendaê Jesuse. Che liêibeei cuna bee uleêya enu rnibiyaê, uxeêla beei bee sundadu enu rriêi ucu Indu llene Jerusalén para nú naêtse beei Jesuse cha niêcuê. 33 Nu uni Jesuse lubeei: âLacaxeaê nzula cuna liêihua nu chu benchilaê zeca elu nzucu enu uxeêla liêá. 34 Liêihua laênahua liêá pero la llelaêhua liêá, xne leca modo riñahua elu nzaêa. 35 Che bee bene Israel zeêe unibeei lu saêbeei: â¿Cá nza nucuaê nú la llelaêahualla che? ¿Xieê nzalla lubee bene Israel enu uriêchialetse leta bee bene enu la neca bee bene Israel para nú zeteêlla hasta bee bene enu laca bee bene Israel la? 36 ¿Xa neca nú uni nucuaê: “Nú laênahua liêá pero la llelaêhua liêá, xne leca modo riñahua elu nzaêa”? 37 Ultimo bichia eliñi zeêe, neca bichia nú másela llene neca nu utsuli Jesuse nu juerte uninu: âTunu nuê enu rebichiê yeêta nzeêe lua para nú hueê nzeêe inza. 38 Xne bee bene enu chili arquiê liêá, tucu nú rni lu ichiê Stichiaê Diose, liñi arquiê nzeêe liñi inza nú rliquiê elunehuañi. 39 Chenu uni Jesuse scua. Nu nú uninu rni, nú yebee bene enu chili arquiê liêinu huañi EspÃritu Santo cuna bee nzeêe, xne bee bichia zeêe lá riñascaê EspÃritu Santo equie nú lecascaê Jesuse elu rnibiyaênu. 40 Chenu ubeneê bee bene zeêe nú uni Jesuse, nuêbeei enu uni: âNeli nú benequieê neca profeta enu nzu nú nzeêta. 41 Nu nuêlá beei enu uni: âBenequieê neca Cristo. Pero texcuaêa beei uni: âLaca liêilla Cristo xne necalla bene Galilea. 42 Lu ichiê Stichiaê Diose rni nú lubee familiaê arre David nzeêta Cristo, nu eyeche Belén alanu elu leêca unga lachi arre David. 43 Nu scua uleêesaê bee bene equie cuendaê Jesuse. 44 Nu nuêbeei uniarquiê nú chanu niêcuê, pero lecati ulaca arquiê anaêtse liêinu. 45 Chequie bee sundado enu rriucu Indu llene Jerusalén zeêe, ubenchilaê zeca beei elu nucuaêa bee fariseo cuna bee uleêya enu rnibiyaê, nu uni bee bene cuaê lubeei: â¿Xinu lá yeêtayuhualla? 46 Nu ucuaqui bee sundado zeêe nú unibeei: âLeca xunga, uyuêu tucu bene enu rni tucu nú rni benecuaê. 47 Che uni bee fariseo zeêe lubeei: â¿Xieê leêca nuhua uzelahua nú uzequienu nucuaê liêihua la? 48 ¿Xieê nuêtátucu bee usticiaêahua urre nuê tátucuaêahua bee fariseo enu uchilila arquiê liêilla la? 49 ¿Xieê la riêihua beyaê nú huaxi bee benequieê nenitilula beei ante Diose, equie nú la aca beei ley la? 50 Che fariseo enu lee Nicodemo enu uyabiêya Jesuse tucu reché, liêilla unilla: 51 âLeyêahua rni nú leca modo niaêahua nú xi castiya riala tucu bene ante nú yeneêahua stichiaêlla para nú riaêahua beyaê xi uriêilla. 52 Chequie ucuaqui beei lulla nú unibeei: â¿Xieê leêca nuulu nzulu chuê bee bene Galilea la? Uzeêteê nzeêca lu ichiê Stichiaê Diose, para nú riêilu beyaê nú niê tucu bene Galilea lá aca profeta. 53 Che chu nziue beei enza niêbeei.