Hebreos 3

1 Enzeêe bee saêa liêihua bee enu necala bee beneê Diose liêihua bee enu ucañilanu, para nú acahua bee lliêñinu, la zañiêhua nú Jesucristo neca uleêya enu máse neca equie enu nzeli arquiaêahua, liêinu enu uxeêla Diose lu iliulabe. 2 Xne Jesucristo neli uzucuê Stichiaê Diose nu liêinu enu ucañi Diose para nú zibiênu lu Diose, tucu nú uzucuê Moisés Stichiaê Diose nu uzibiê Moisés lubee bene Israel. 3 Pero máse riala zucuê aya bene Jesucristo luquela Moisés, xi neca lu cuendaê tucu bene enu rrecheê niêi nú máse sucuê aya bee bene liêilla luquela niêi. 4 Ye bee niêi nuê tucu bene enu urecheêe, pero Diose urecheê yebee nú nuê lu iliulabe. 5 Nu uzucuê Moisés Stichiaê Diose, nu uzibiêlla lu Diose chenu udeteêlla stichia Diose lubee bene Israel para nú ixiuleêella lubee bene Israel lunú xi aca. 6 Pero Jesucristo neca lliêñi Diose nu rnibiyaênu lu yebee beneê Diose. Nu liaêahua necaêahua beneê Diose, tunu la tsanaê arquiaêahua nú nzeli arquiaêahua liêinu, nu ñia tsu arquiaêahua hasta bichia nú riña zeca Jesucristo stucu bese. 7 Enzeêe tucu nú rni Espíritu Santo: Tunu yeneêhua Stichiaê Diose bichia quieê. 8 La riêi nzitihua arquiêhua tucu nú uriêi bee beneêahua enu udetela chenu lá zucuê beella Stichiaê Diose, nu udeteê beella preu liêinu, chenu udete beella lu yuu achi. 9 Zeêe lá zucuê bee beneêhua enu udetela Stichiaê Diose, añinzuca nú ulañiê beella bee milagro nú uriêinu lubeella, diqui chiuêa lana lu yuu achi. 10 Enzeêe ulee Diose lubee bene zeêe, nu uninu: “Yelu elliebacuê rriêi beella, nu niê la laêna beella nú riêi beella beyaê nú xi niarquia nú riêi beella." 11 Scua uriêi beella nú ule Diose nu che uninu tucutsia bese, nú niê tucu beella la riña beella lu yuu elu ucuaqui uêna Diose lubeella nú tsulachi beella. 12 Enzeêe, bee saêa enu nzeli arquiaêahua Jesucristo ubiêyahua liêihua para nú la chuêu elliebacuê nú necha neca arquiê tá tucuhua nu che riêi nucuaê nú la chiliaê arquiêhua Diose. Nu che tsanaê arquiêhua Diose liêinu enu nehuañi. 13 Mejora cada bichia uduêhua ana arquiê saêhua, diqui nú nuê tiempo nihua lu saêhua xne canu enta bichia nú riêi dula ana luhua, nu che la zucuaêhua Stichiaê Diose. 14 Xne tunu necaêlaêahua bee beneê Jesucristo, diqui tiempu rquiêña nú tsutaê arquiaêahua lunú nzeli arquiaêahua liêinu tucu nú uchili arquiaêahua liêinu chenu uchili inza arquiaêahua liêinu. 15 Tucu nú unila lu ichiê Stichiaê Diose nú rni: Tunu rieneêhua Stichiaê Diose bichia quieê, la riêi nzitihua arquiêhua tucu nú unga nziti bee bene enu lá zucuê stichiaênu huaêtu. 16 Neequie, ¿ta bee bene enu lá zucuê Stichiaê Diose añinzuca nú ubeneê beella nú uninu? ¿Xieê lanú bee bene Israel enu ulua Moisés Egipto beella la? 17 ¿Nu xieê lanu leêca liêibeella neca enu ule Diose lu diquiê chiuêa lana, nu liêibeella enu uriêi dula nu unguti beella lu yuu achi la? 18 ¿Xieê lanú leêca liêibeella enu uni Diose nú leca xunga riñabeella lu yuu elu ucuaqui unêna Diose nú tsulachi beella xne né zucuê beella stichiaênu la? 19 Scua rriaêahua beyaê nú né riñabeella lu yuu elu ucuaqui uêna Diose nú tsulachi beella xne lá chili arquiêbeella nú uni Diose lubeella.