Hebreos 13

1 La tsanaêhua nú secahua bee saêhua enu nzeli arquiê Jesucristo. 2 La zañiêhua nú riêi nzeêcahua lubee bene enu rriña niêhua, xne scua nuê bee bene enu uriña bee ángeleê Diose niêi sin nú ariêi beella beyaê nú neca bee bene zeêe ángeleê Diose. 3 Ulluêcu arquiêhua bee bene enu nchiñi niêcuê, nu utsiêhua xi neca nú leêca nuuhua netsehua niêcuê cuna liêibeella. Uriêihua elliebacuê equie cuendaê bee bene enu nehuana seca, nu leêca utsiêhua xi neca nú leêca nuuhua nehuana secahua. 4 Liêihua enu nechia la tsiêhua nú neca nucuaê xi neca güita, la zequienuhua unaêhua urre niyuêhua xne Diose deteê castiya lubee bene enu rluêcu stucu unaêa urre stucu niyu cuna luyee bee bene enu rriêi eluhuexe. 5 Latsu arquiêhua lu dimi, ñia utsu arquiêhua cuna lunú rluêcuhua xne unila Diose: “Ye bichia nzua cuna liêilu, nu leca bichia nu tsana arquia liêilu." 6 Enzeêe diquinuê arquiaêahua niaêahua: Diose Pa neca enu rriêi elietsa lua, la lliquia lu xitse nú riêinu bee bene liêá. 7 Ulluêcu arquiêhua bee bene enu unibiyaê luhua, liêibeella enu uzeteê liêihua Stichiaê Diose. Ulluêcuê arquiêhua xneca uhuañi beella, nú diquinuê arquiêbeella uchili arquiê beella Diose tucu nú uyali arquiêhua Jesucristo. 8 Jesucristo leca xunga cheêe nú ti necanu tucu nú necanu necaê necanu nee nu leêca necanu diqui tiembu. 9 La zelahua núti zequienu liêihua luye beenú seteê bee bene enu la zeteê stichiaê Jesucristo tucu nú necane. Mejora uzelahua nú riêi Diose elietsa luhua para nú huañihua tucu nú necane luhuare nú chenalahua bee costumbre nú xi nuê modo nú acu bee bene nu xi leca modo nú acu bee bene, xne bee nucuaê lecaxi rriêi elietsa lubee bene ante Diose. 10 Liaêahua rluêcuaêahua tucu enu unguti equie cuendaêahua, liêinu necanu xi neca uêna nú rdeteê bene equie cuendaê stula bene tucu uêna nú leca modo acu bee uleêya enu nzenalascaê ley. 11 Sino que uleêya enu máse neca equie lubeelá bee uleêya liêilla ruyaêlla reneê bee nañi rdetella uêna liñi indu luhuare elu máse necachi para nú lecaxi naa bee bene equie cuendaê stula bee bene. Chequie bee nañi enu unguti zeêe riqui beeí ruêu eyeche elu la nucuaêa bee bene. 12 Leêca scua ulleêca Jesucristo, ruêu eyeche Jerusalén, unguuti bee bene liêinu para nú lecaxi naa bee bene equie cuendaê reneênu. 13 Enzeêe rquiêña nú chenalaêahua Jesucristo mase nú ulua bee bene liêinu ruêu eyeche Jerusalén, nu mase huaxi nú nehuana seêcaêahua tucu nú ulleêcanu. 14 Xne lu iliulabe quieê la necane elu nehuañiliaêahua, sino que liaêahua nelluaêa quieêahua tucu luhuare elu huañiliaêahua. 15 Enzeêe cuna elietsaê Jesucristo la tsanaê arquiaêahua nú niaêahua bedichiaê nzeêca lu Diose xne nuacuaê neca xi neca uêna nú rdeteêahua lunu, nu scua xucuê ruaêahua nú liêinu necanu Dioseêahua. 16 La zañiêhua nú riêi nzeêcahua lubee saêhua nu riêihua elietsa lubeella lunú rluêcuhua, xne nucuaê neca xi neca uêna nú riuê arquiê Diose nú riêi bene. 17 Uzuêcuêhua nú rni bee bene enu rnibiyaê luhua, nu seteê Stichiaê Diose liêihua uluêcuhua ulaêna lubeella xne liêibeella riêya beella liêihua nú la tsanaê arquiêhua Stichiaê Diose, xne liêibeella deteêbeella cuenda lu Diose nú xa uriêi beella luhua. Uriêihua lunú riêi nú ñia nzu arquiêbeella, nu la riêihua lunú la yuê arquiê beella, xne lecaxi zibiê nú la zucuêhua nú rnibeella. 18 Unaêcuhua lu Diose equie cuendaêru. Liêiru nediyaêru nú lecaxi nú necha neca rriêiru, nu niarquiêru nú ye nú rriêiru, riêirune tucu nú necane. 19 Nacua nu zequiea luhua nú nacuêhua lu Diose para nú la leaê liquiênu nú nzelabiêya liêihua stucu bese. 20 Diose enu rliquiê nú nzuxe arquiaêahua liêinu enu uriêi nú uhuañi Jesucristo lu eluti, Jesucristo enu rriêi ucu liaêahua tucu nú rriucu tucu bene bee sanchi nu equie cuendaê nú ungutinu rluêculaêahua tucu inziu para nú riñaêahua lu Diose nu zeêe la atiaêahua. 21 Liêinu riêinu elietsa luhua lu yebeenú neca nzeêca para nú acahua riêihua tucu nú niarquiênu. Liêinu riêinu elietsa luaêahua para nú acaêahua tucu nú niarquiênu equie nú neca tucu necatselaêahua cuna Jesucristo, nu ¡Lu Jesucristo riala nú luêcu bee bene ulaêna diqui tiembu! Amén. 22 Bee saêa enu nzeli arquiaêahua Jesucristo la aca llene carta quieê, pero nacua luhua nú la leehua equie cuendaê nú unia bezeteê luhua lu carta quieê. 23 Nu leêca ixiuleêa luhua nú uchiuêula saêahua Timoteo niêcuê, nu tunu chu riñalla caêa che nzelabiêyaru liêihua. 24 Uriêihua saludar ye bee bene enu rnibiyaê luhua liêibeella enu seteê liêihua Stichiaê Diose cuna ye beelá bee saêahua enu nzeli arquiaêahua Jesucristo. Nu leêca xeêla bee bene Italia saludo luhua. 25 Diose riêi nú chanzeêcae lu cuendaê yehua. Amén.