Efesios 1

1 Liêá Pablo, necaa tucu apóstol Jesucristo equie nú rnibiyaê Diose. Rquieêa carta quieê luhua liêihua enu neli nzeli arquiê stichiaê Jesucristo, liêihua enu necala bee beneê Diose eyeche Efeso. 2 Diose Paêahua cuna Jesucristo enu rnibiyaê luaêahua riêinu nú cha nzeêcahua cuna nú nzuxe arquiêhua. 3 Cheêtsa Diose paê Jesucristo enu rnibiyaê luaêahua nú chiquiê ñia necanu, xne nee equie nú neca tucunecatseêahua cuna Jesucristo, uriêileêyalanu liaêahua desde liñibe nu chiquiê rriêinu elietsa luaêahua para nú chequieêahua stichiaênu. 4 Liêinu ucañinu liaêahua equie cuendaê Jesucristo hasta chenu lascaê acacheê iliulabe para nú huañiaêahua nu lecaxi naêahua lunu sin dula, 5 xne equie nú seca Diose liaêahua, uriêinu nú riala nú acaêahua bee lliêñinu equie cuendaê Jesucristo, tucu nú uriêinu elliebacuê nú acane. 6 Enzeêe, la tsanaêahua nú sucuê ayaêahua Diose equie nú chiquiê ñia necanu, xne uriêi leêyalanu liaêahua equie cuendaê Lliêñinu Jesucristo enu secanu. 7 Xne udixiulanu equie cuendaê stulaêahua chenu uriêchia reneênu lu cruse nu scua uriêila Diose perdona stulaêahua enzeêe rlubeê nú chiquiê secanu liaêahua. 8 Enzeêe chiquiê lia uliquiênu lunú reca elliebacuêahua cuna nú rriaêahua beyaê, 9 nu ulubeêlanu luaêahua xa neca elliebacuênu hasta huaêtu tucu nú uriêinu elliebacuê nú acane. 10 Nu elliebacuêcuaê tsalunu chenu riña bichia zeêe, Diose tsaêna ye nú nuê liñibe cuna beenú nuê lu iliulabe ya Jesucristo. 11 Leêca equie nú neca tucu necaêtseêahua cuna Jesucristo, ucañila Diose liaêahua para nú acaêahua bee beneênu tucu nú uduê arquiênu nú riêinu hasta chenu lasca acacheê iliulabe, xne liêinu rrinu yeene tucu nú niarquiênu nú acane. 12 Nu liêinu uriêilanu scua para nú liaêahua enu rluti uyalí arquiê Jesucristo, acaêahua enu zucuê ayaa Diose equie nú rnibiyaênu. 13 Leêca liêihua chenu ubeneêhua stichiaênu nú neli neca nú xa tsilaêahua, che uyalí arquiêhua Jesucristo nu unga tucu necatsehua cuna liêinu. Nu tucu nú uni Diose nú liquiênu Espíritu Santo luhua, nu nee nú nzula Espíritu Santo cuna liêihua, liêinu necanu xi neca tucu sello nú rlubeê nú necalahua para Diose. 14 Equie nú nzula Espíritu Santo cuna liaêahua enzeêe yucuaêahua erencia nú uni Diose nú liquiênu luaêahua, chenu ye bee beneênu nucuaêala liñibe para nú la tsuxeêahua nú sucuê ayaêahua Diose equie nú rnibiyaênu. 15 Nu lunú nediyala nú nzeli arquiêhua Jesucristo enu rnibiyaê, nu leêca secahua beelá bee beneê Diose, 16 la tsuxea nú rdetea cheêtsa lu Diose equie cuendaêhua cada chenu rnacua lunu. 17 Nu liêinu enu neca Diose enu rnibiyaê desde liñibe, nu liêinu necanu paê Jesucristo enu rnibiyaê luaêahua. Leêca nacua lunu nú riêinu nú aca elliebacuêhua para nú riêihua beyaê lunú lubeênu luhua para nú nze chululáhua liêinu. 18 Leêca nacua lu Diose nú xaêlanu elliebacuêhua para nú riêihua beyaê xa neca equie nú nzuculuhua hasta chenu ucañinu liêihua nu riêihua beyaê nú leêca chiquiê llene nu ñia neca erencia nú nuêcheê Diose para bee beneênu. 19 Leêca rnacua lunu nú riêihua beyaê nú chiquiê llene neca poder, nú rriêi elietsa luaêahua nú nzeli arquiaêahua liêinu. Leêca liêi poder llenecuaê nú chiquiê ulubeê Diose luaêahua, 20 chenu uriêinu nú uhuañi zeca Jesucristo, nu uzucuê Diose liêinu cueêtse Diose chubee liñibe, 21 elu udeteênu nú rnibiyaênu lunu nú máse seca lu ye elu rnibiyaê, cuna ye elu usticia cuna ye bee gobierno. Leêca másela seca elu rnibiyaêcuaê lu ye bee elurnibiyaê nú nuê cuna nú nze chuêulá lu iliulabe quieê. 22 Chequie utsaêna Diose ye bee elurnibiyaê cuaê ya Jesucristo enu ucañinu para nú nibiyaênu lu ye bee bene enu nzeli arquiê liêinu. 23 Nu bee bene enu nzeli arquiê Jesucristo, liêinu neli nehuañinu cuna liêibeella nu catse nzunu xne liêinu necanu enu rnibiyaêli.