2 Timoteo 1

1 Liêá Pablo necaa tucu apóstolê Jesucristo, Diose uduê liêá para nú ixiuleêa stichiaênu nú ucuaqui uênanu nú deteênu nú huañili bee bene liñibe equie nú chili arquiê bee bene Jesucristo. 2 Xeêla carta quieê lulu Timoteo enu chiquiê seêca xi neca tucu endua. Diose Pa liñibe cuna Jesucristo enu rnibiyaê luaêahua, riêinu nú cha nzeêca lu cuendaêlu cuna nú huaêa arquiênu liêilu, cuna nú riêinu nú nzuxe arquiêlu. 3 Cada chenu rnacua lu Diose bichia si rulaê nchiucuê arquia rnacua lunu equie cuendaêlu, nu rdetea cheêtsa lu liêinu enu sibiêa lu cuna tucu elliebacuê nzeêca, tucu nú uzibiê bee benea huaêtu lunu. 4 Chenu relluêcuê arquia nú ungunaêlu, alaê nú ulañilá liêilu nú seêca para nú ñia tsu arquia. 5 Nchiucuê arquia nú neli nzeli arquiêlu Jesucristo, nu rlutilá naulaêlu Loida cuna naêlu Eunice uchili arquiêbeella liêinu scua, nu nediya itaa nú leêca scua nzeli arquiêlu liêinu. 6 Enzeêe nia lulu nú duêlálu ana arquiêlu para nú riêilu lunú uliquiê Diose lulu nú riêilu chenu uricua ya equielu. 7 Xne lá liquiê Diose tucu espíritu luaêahua para nú lliquiaêahua. Liêinu uliquiênu Espírituênu luaêahua para nú tsutaê arquiaêahua lunu cuna nú zecaêahua bee saêhua cuna nú luêcuaêahua elliebacuê nú neca nzeêca. 8 Enzeêe la tuêlu nilu stichiaê Jesucristo, leêca la tuêlu liêá nú nchiñia niêcuê equie nú rixiuleêa stichiaê Jesucristo, cuna elietsaê Diose uriquiê lu ye beenú nehuana nzeêta zecalu equie nú rixiuleêelu bedichiaê nzeêcaê Jesucristo. 9 Xne utsilaêala Diose liaêahua lu dula, nu ucañinu liaêahua para nú huañiaêahua tucu nú niarquiênu, la neca nucuaê equie nú uriaêahua nú neca nzeêca, sino que necane nú hasta ante nú quixie iliulabe uriêinu elliebacuê nú equie cuendaê Jesucristo lubeênu luaêahua xa secanu liaêahua, 10 pero nee nú ubeêtala Jesucristo, liêinu enu unguti equie stulaêahua, uriaêahua beyaê nú chiquiê seca Diose liaêahua, nu Jesucristo neca enu uriêi ana lu eluti, nu scua equie cuendaê liêinu uriaêahua beyaê nú nuê elunehuañi nú leca xunga laxu liñibe, elu nehuañi nú neca para bee bene enu chili arquiê Jesucristo. 11 Enzeêe ucañi Diose liêá para nú aca tucu apóstolênu nu nia stichiaênu, cuna nú zetea stichiaênu lu bee bene enu la neca bee bene Israel. 12 Equie cuendaê nucuaê nehuana seêca lu ye nú seêca, pero la tua nucuaê xne nediya ti nzeli arquia, nu leêca nediya nú rluêcunu poder para nú biêyanu ye lunú utsaêna lunu hasta bichia nú riña zecanu. 13 La chiecuê arquiêlu bee bedichiaê nzeêca nú uzetea liêilu equie nú xa nzeli arquiêlu Jesucristo, cuna nú xa secalu bee bene, xne tucutsia necaêa cuna Jesucristo. 14 Nu cuna elietsaê Espíritu Santo enu nzu cuna liaêahua, uriêi ucu lunú utsaêna Diose lulu nú riêilu. 15 Liêilu nediyaêlu nú ye bee bene enu nzeli arquiê Jesucristo lu iliu Asia utsanaê arquiêbeella liêá, nu leta beella nchiñi Figelo cuna Hermógenes. 16 Diose riêi elietsa lubee familiaê Onesíforo, xne huaxi bese utsalalla arquia, nu né tuêlla liêá nú nchiñia niêcuê. 17 Uriñatsialla eyeche Roma, chu ucuaênalla liêá hasta nú ullelaêlla liêá. 18 Liêilu nediyaê nzeêcaêlu nú chiquiê uriêi Onesíforo huaxi elietsa luaêa chenu ulluaêa eyeche Efeso. Alaê chenu riña bichia nú riña zeca Jesucristo, chiquiê huaêa arquiênu liêilla.