2 San Pedro 1

1 Liêá Simón Pedro, neca tucu apóstolê Jesucristo nu sibiêa lunu. Rquieêa carta quieê luhua liêihua enu rluêcu nú nzu teneli arquiê lu Jesucristo nú chiquiê ñia neca tucu nú nzu teneli arquiêru lunu. Xne utsilaêla Diose liaêahua equie cuendaê Jesucristo enu neli rriêi tucu nú necane. 2 Diose riêi nú chiquiê cha nzeêca lu cuendaêhua cuna nú lia liquiênu nú chiquiê nzuxe arquiêhua, xne nuêluhua Diose cuna Jesucristo enu rnibiyaê luaêahua. 3 Diose equie nú rluêcunu poder uliquiêlanu ye nú seêca laêchaêahua para nú rluêcuaêahua elunehuañi nú leca xunga laxu, nu para nú huañiaêahua nú lecaxi natsa arquiaêahua lunu. Xne nuêlulaêahua enu ucañi liaêahua para nú yalaêahua elu rnibiyaênu cuna eluxeneênu. 4 Enzeêe chiquiê llene neca lunú ucuaqui uênanu luaêahua nu huaxi secae, nu equie cuendaê nú ucuaquiê uênanu scua rcuaênahua nú huañihua tucu nu niarquiê Diose, nu scua utsanaê arquiêhua ye beenú lecaxi zibiê cuna beenú necha neca nuê lu iliulabe quieê. 5 Enzeêe rquiêña nú cuaênahua nú huañi nzeêcahua equie nú rluêcuhua lunú nzeli arquiêhua Jesucristo, nu equie nú nehuañi nzeêcahua scua che riêiláhua beyaê xa neca stichiaênu; 6 nu equie nu nediyaêhua xa necanu, che rriêihua ana lubee elliebacuêhua nú necha neca, nu lunú rriêihua ana lubee elliebacuêhua nu necha neca, ché acahua luêcuhua nú tsuquie arquiêhua, nu equie nú rluêcuhua nú nzuquie arquiêhua nuê modo huañihua nú lecaxi naa arquiêhua lu Diose; 7 nu equie nú nehuañihua nú lecaxi naa arquiêhua lu Diose, scua acahua riêihua nú neca nzeêca lu beelá bee saêhua, nu equie nu nzeêcahua nuê modo nú zecahua bee saêhua. 8 Tunu sucuêluhua bee nucuaê, nu nzequiehua nu rcuaênahua nu nehuañihua scua, chequie la nehuañitsiahua lunú nehuañihua, nu la nehuañi xleêehua, sino que máse nzequiehua nú nuêluhua Jesucristo enu rnibiyaê luaêahua. 9 Pero bene enu la cuaêna nú huañi scua, liêilla necalla xi neca tucu bene enu niquieêlu urre xi neca tucu enu la biêya istu. Uzañilaêlla nú uriêila Diose perdona liêilla bee dula nú uriêilla huaêtu. 10 Enzeêe bee saêa enu nzeli arquiaêahua Jesucristo, tucu nu ubixia Diose liêihua nu tucu nú ucañinu liêihua, cuaênahua nú tsutaê arquiêhua lu Diose, xne tunu nzutaê arquiêhua scua, che la zanaêhua lu dula. 11 Nu scua itá luêcuhua nú chuêuhua elurnibiyaê Jesucristo enu rnibiyaê luaêahua, liêinu enu uhua liaêahua lu dula. 12 Enzeêe la tsanaa nú relluêcuê arquia liêihua ye bee nu unia luhua nee, añinzuca nú nediyalaêhua bee nucuaê nu añinzuca nu leêca neli nzequiehua lunú neli neca nú ubeneêlaêhua. 13 Diqui nú nehuañia lu iliulabe quieê, liêá nediya nú rquiêña nú duaêa ana arquiêhua cuna bee bedichiaê quieê. 14 Xne equie cuendaê Jesucristo enu rnibiyaê luaêahua uriêilá beyaê nú lacaxeaê nehuañia lu iliulabe quieê. 15 Enzeêe chiquiê rcuaêna nu nia luhua para nú leca xunga zañiêhua bee stichiaêa, mase nú ungutia. 16 Chenu udixiuleêeru luhua nu xa neca lunú rnibiyaê Jesucristo, nu xa neca nu nzeêta zecanu stucu bese, lá llela arquiêru nú rniru luhua xne ulañiê nzeêcaêru nú chiquiê neca equie ellieênu. 17 Chenu ubene chi Diose enza liñibe, nu uni chi zeêe bedichiaê nzeêca lunu: “Benequieê neca lliêñia nu chiquiê neca equienu nu ñia nzu arquia lunu." 18 Nu liêiru necaru enu ubeneê chi Diose hasta liñibe, chenu ulluaêaru equie dañi zeêe cuna Jesuse elu ulubeêlu ellieênu. 19 Nu scua másela uyali arquiêru nú uni bee profetaê Diose. Enzeêe, neca nzeêca tunu sucuêluhua lunú uni beella, xne stichiaê beella neca xi neca quii nú rduêllieêe elu necabe nzu hasta nú yeêe luyuu. Nee leêca scua lleênaa, lleênaa nze riêihua beyaê lu cuendaê Diose hasta chenu riña Jesucristo stucu bese liêinu enu neca ellieêe luaêahua, che itá riêihua beyaê yeene. 20 Pero uriêihua beyaê nú niê tucu Stichiaê Diose la aca bee bene riêilla beyaê tucu nú necatsia elliebacuêlla, 21 xne bee profetaê Diose né ni beella stichiaênu tucu nú necatsia elliebacuê beella, liêibeella uni beella nucuaê equie nú uduê Espíritu Santo arquiêbeella nu ni beella scua.