2 Corintios 1

1 Liêá Pablo, Diose ucañi liêá para nú aca apóstolê Jesucristo. Nu liêá cuna saêahua Timoteo rquieêeru carta quieê luhua liêihua bee enu nzelila arquiê Stichiaê Diose eyeche Corinto cuna diqui lu iliu Acaya. 2 Diose Paêahua cuna Jesucristo enu rnibiyaê luaêahua riêinu nú cha nzeêcae lu cuendaê yehua cuna nú nzuxe arquiêhua. 3 Cheêtsalá Diose, liêinu enu neca paê Jesucristo enu rnibiyaê luaêahua, liêinu necanu Diose enu ruaêa arquiê liaêahua nu rduênu ana arquiaêahua. 4 Liêinu rduênu ana arquiaêahua chenu nehuana seêcaêahua para nú leêca scua acaêahua duaêahua ana arquiê bee bene lu xitse nú nehuana seca beella, nu duêahua ana arquiê beella tucu nú rduê Diose ana arquiaêahua. 5 Xne mase nú chiquiê nehuana seêcaêahua lunú necaêahua beneê Jesucristo, leêca scua chiquiê rduênu ana arquiaêahua. 6 Nu tunu nehuana seêcaru, nehuana seêcaru para nú riêiru elietsa luhua nú tsilaêahua nu duêuru ana arquiêhua, nu tunu rduênu ana arquiaêahua necane para nú chuêu ana arquiêhua nu acahua riquiêhua saê nú nehuana seêcaru. 7 Nediyaê nzeêcaêru nú xneca secahua, scua tucu nú nehuana secahua tucu nú leêca nehuana seêcaru leêca scua duê Diose ana arquiêhua tucu nú rduênu ana arquiêru. 8 Bee saêa enu nzeli arquiaêahua Jesucristo niarquiêru nú riêihua beyaê nú chiquiê nehuana ulleêcaru lu iliu Asia. Chiquiê necha ulleêcaru enza zeêe nu hasta uriêiru elliebacuê nu la riquiêru lunú ulleêcaru, nu uriêiru elliebacuê nu la chiuêu nehuañiru zeêe. 9 Nu uriêiru elliebacuê nú ungutilaru. Pero ulleêcaru scua para nú elluêcu arquiêru nú lecaxi aca liêitsiaru riêiru tunu la riêi Diose elietsa luru, liêinu enu riêi nú huañi zeca bee bene lu eluti. 10 Diose utsilaêa liaêahua lu elutiquieê nu nze tsilaêalánu liaêahua lu saê clasiaê dixi cuaê. Liaêahua nediyaêahua nú scua rriêinu. 11 Nu tunu riêihua elietsa nacuêhua lu Diose equie cuendaêru. Nu tunu huaxi bee bene rnacuê lu Diose equie cuendaêru, che leêca scua huaxi bee bene deteê cheêtsa lu Diose equie cuendaê elietsa nú rriêinu luaêahua. 12 Chiquiê ñia nzu arquiêru rniru luhua nu la necha seêcaru xne nediyaêru nú nehuañi nzeêcaru ante luhua, nu leêca esquie ante lubeelá bee bene, nu neli rriêiru lunú riala riêiru. Pero la riêiru scua lunú necatsia elliebacuêru sino que rriêiru scua cuna elietsaê Diose. 13 Lubee carta nú uxeêlaru luhua lá quieêeru bee bedichiaê nú lacahua ulahua nu la riêihua beyaê, nu alaê nú riêihua beyaê ye nú rnia luhua. 14 Scua tucu nú chabeê chabeê nzeriêihua beyaê chenu riña zeca Jesucristo stucu bese, liêihua ñiatsu arquiêhua cuna liêiru, nu liêiru ñiatsu arquiêru cuna liêihua. 15 Nu lunú nzucu lua nú acane scua, enzeêe rluti uriêá elliebacuê nú nzelabiêya liêihua para nú ñia tsu arquiêhua nú nzelabiêya liêihua chiucu bese. 16 Uriêá elliebacuê nú ayelabiêyaxua liêihua chenu ubelaa caêa Macedonia, nu chenu benchilaê zeca nú ubelaa Macedonia ayelabiêya zeca liêihua stucu bese, nu chela aduê inzahua liêá enza Judea. 17 La riêihua elliebacuê nú chenu unia luhua nú nzelabiêya liêihua liêá rnia nucuaê. La riêihua elliebacuê nú rriêitsia tucu nú neca elliebacua nú rnia nú nzela nu la yelaa. 18 Diose nediyaê nzeêcaê nú liêiru la niru nu riêiru lunú nediyaêru nú la riêiru. 19 Xne Jesucristo enu neca Lliêñi Diose, liêinu enu rniru stichiaê luhua, liêá nu Silvano nu Timoteo, nu Jesucristo siempre rninu nú neli neca, nu la ninu nú lia ninu. 20 Xne equie cuendaênu uyalu ye nú ucuaqui uêna Diose luaêahua. Nu equie cuendaênu rniaêahua “Amén” chenu rdeteêahua cheêtsa lu Diose. 21 Nu Diose rriêi elietsa luru cuna luhua para nú tsutaê arquiaêahua lunú neca tucu necatseêahua cuna Jesucristo, Diose ucañi liaêahua para nú necaêahua bee beneênu. 22 Nu liêinu uliquiênu Espíritu Santoênu arquiaêahua xi neca tucu seña nú atiaêahua lunú riala atiaêahua. 23 Pero tunu lascaê yela Corinto tucu nú uriêá elliebacuê, Diose nediyaê nú lá yela xne la niarquia nú quiêyahua riêá, nu Diose deteê castiya liêá tunu la neli lunú rnia. 24 Liêiru la cuaênaru nú nibiyaêru luhua para nú xneca chili arquiêhua Jesucristo, xne liêiru nediyaêru nú neli nzutaê arquiêhua lunú nzeli arquiêhua Jesucristo, sino que rlaênaru nú riêiru elietsa luhua nú ñia nzu arquiêhua huañihua.