1 Timoteo 1
TBL1 Liêá Pablo, neca tucu apóstolê Jesucristo equie nú unibiyaê Diose enu silaêa liaêahua cuna equie nú unibiyaê Jesucristo enu nzuculuaêahua nú nzeêta stucu bese. 2 Quieêa carta quieê lulu Timoteo, liêilu enu neca xi neca endua equie nú nzeli arquiê rucuaêa Jesucristo, Diose Pa liñibe cuna Jesucristo enu rnibiyaê luaêahua riêinu nú cha nzeêca lu cuendaêlu, cuna nú huaêa arquiênu liêilu cuna nú riêinu nú nzuxe arquiêlu. 3 Tucu nú unilá lulu chenu nzaêa lu iliu Macedonia, nú yaênalu lu eyeche Efeso, para nú nilu lu chiucu chuna bee bene zeêe para nú la zeteaê beei bee bene lunú la neli neca, 4 cuna nú la riaê beei caso lunú xela arquiê bee bene cuna lunú ti unga bee beneê beei huaêtu. Xne rriêi nucuaê nú liutsia beei nu la riêi nucuaê elietsa lubeei para nú chililá arquiêbeei Stichiaê Diose. 5 Lunú niarquia nú zeca beei bee saêbeei diquinuê arquiêbeei sin nú zaê arquiêbeei nú necha neca, scua aca ache nú diquinuê arquiêbeei nzeli arquiêbeei Stichiaê Diose. 6 Xne nuê beei enu la riaê scua, equie nú máse rdichiaê beei bee bedichiaê nú la zibiê. 7 Niarquiê beei nú zeteê beei bee bene xa neca leyê Diose, pero niê liêibeei la riêibeei beyaê xi rni bedichiaê nú rnibeei, nu la riêibeei beyaê xi rni ye nú seteêbeei bee bene. 8 Nediyaêahua nú neca nzeêca leyê Diose, para bene enu rriêi beyaê xi sibiêi. 9 Leêca nediyaêahua nú né liquiê Diose ley cuaê para bee bene enu nehuañi tucu nú rialane lunu. Neca ley cuaê para nú aca castiya bee bene enu nziti arquiê cuna bee bene enu la zucuêlu nú huañi nzeêca, cuna bee bene enu necha rriêi cuna bee bene enu rriêi dula, cuna bee bene enu la deteê nú neca equie Diose nu la luêcu ulaêna lunu, cuna bee bene enu ruuti paê urre naê, cuna ye bee bene enu rriêi eluti. 10 Leêca sibiê ley cuaê para nú aca castiya bee bene enu rriêi eluhuexe, cuna lubee niyu enu rnaêtse leêca saê niyu, cuna lubee unaêa enu leêca rnaêtse saê unaêa, cuna lubee bene enu rcachiê bee bene para nu ruti beei bee bene lu stucu bene xi neca mosoê. Leêca sibiê ley cuaê para nu aca castiya bee bene enu niquichiaê, cuna lubee bene enu hasta nú rquieêe Diose chenu rni eluquichiaê, cuna lubee bene enu rriêi condra bedichiaê nú neli neca. 11 Bee bedichiaê nú neli neca quieê, neca beenú nzeêta lubee bedichiaê nzeêcaê Jesucristo nú ñia neca. Diose Pa liñibe enu riala ulaêna utsaênanu bedichiaê quieê lua para nú ixiuleêene lubee bene. 12 Rdetea cheêtsa lu Jesucristo enu rnibiyaê luaêahua, xne rriêinu elietsa lua, nu nediyaênu nú tsalua stichiaênu enzeêe ucañinu liêá para nú ixiuleêa stichiaênu, 13 añinzuca nú ante unia bedichiaê nú necha neca lu cuendaênu, nu uriêi condra bee bene enu nzeli arquiê liêinu, cuna nú chiquiê necha uriêá lubeella. Pero uhuaêa arquiê Diose liêá, xne lá riêá beyaê lunú uriêá equie nú lascaê chili arquia Jesucristo. 14 Nu chiquiê ñia uriêi Diose lua, uriêinu elietsa lua nú xa chili arquia Jesucristo, nu xneca zeca liêinu xne neca tucu necatseêahua cuna liêinu. 15 Nee bee bedichiaê nú neli nia luhua, rquiêña nú ye bee bene chili arquiê nú ubeêta Jesucristo lu iliulabe para nú tsilaêanu liêibeei lu stula beei, nu lu ye bee bene liêá neca tucu enu máse uriêi dula. 16 Pero añinzuca nú necaa bene enu máse rluêcu dula, uhuaêa arquiê Diose liêá nu né llacaê Jesucristo liêá para nu scua riêi bee bene enu chili arquiê liêinu beyaê xa nzuquie arquiê Jesucristo bee bene para nú scua chili arquiê bee bene stichiaênu, nu scua luêcu beella nú huañili beella liñibe. 17 ¡Enzeêe rquiêña nú diqui tiembu luêcuaêahua ulaêna lu Diose, nu niaêahua bedichiaê nzeêca para liêinu enu neca Arre nu leca xunga atinu, nu leêca rluêcunu elurnibiyaê diqui tiembu, xne liêitsianu necanu Diose nu lecati lañiê liêinu! Amén. 18 Timoteo liêilu enu neca xi neca endua, nia lulu nú riêilu tucu nú uni bee bene enu nzeli arquiê Diose lu cuendaêlu hasta huaêtu, xi neca tucu sundado enu nza lu xuu la lliquilu bee bene enu rriêi condra Stichiaê Diose. 19 Utsutaê arquiê lunú nzeli arquiêlu Jesucristo, nu uriêi bee elliebacuê nú neca nzeêca para nú acalu riêilu tucu nú necane. Xne nuê bee bene equie nú lá zucuê beei nú riêi beei scua utsanaê arquiêbeei lunú uchili arquiêbeei Stichiaê Diose. 20 Scua ulleêca Himeneo cuna Alejandro, enzeêe utsaêna liêibeei ya bezeêlu para nú zeteê beei nú la yala nú nibeei bedichiaê nú necha neca lu cuendaê Diose.