1 Tesalonicenses 3
TBL1 Enzeêe chenu ulluaêaru eyeche Atenas chiquiê niarquiêru riêiru beyaê xa nucuaêahua, chequie uriêiru elliebacuê nú yaêna liêitsiaru zeêe. 2 Nu uxeêlaru saêahua Timoteo enu neca tucu saêahua enu rriêinuru riñaê Diose nú rixiuleêeru bedichiaê nzeêcaê Jesucristo lubee bene para nú duêlla ana arquiêhua nú tsutaê arquiêhua lunú nzelila arquiêhua Jesucristo. 3 Para nú niêtucuhua la lacaquiehua lunú nehuana secahua, liêihua nediyaêhua nú scua riala nú zecaêahua. 4 Chenu ulluaêanuru liêihua udixiuleêeru luhua nú nzeêta nú chiquiê huaxi nú nehuana zecaêahua, nu liêihua nediyaêhua nú scua ungae. 5 Nu lunú chiquiê niarquia lañiahua che uxeêla Timoteo luhua para nú riêá beyaê xa nzenalahua lunú nzeli arquiêhua Jesucristo. Xne xiquia nú cá zequienu bezeêlu liêihua, nu che xleêe uriêiru lunú uriêiru. 6 Pero nee nú ubenchilaê Timoteo nú ubeêtabiêyalla liêihua, udixiuleêella luru nú nza nzeêcahua lunú nzeli arquiêhua Jesucristo nu xneca secahua bee saêhua. Liêilla rnilla nú yeyeêe ñia nzu arquiêhua relluêcuê arquiêhua liêiru nu chiquiê niarquiêhua nú alaê nú ulañiêlaêhua liêiru nú secahua, scua tucu nú leêca chiquiê niarquiêru lañiêru liêihua. 7 Enzeêe, bee saêa enu nzeli arquiaêahua Jesucristo añinzuca nú yelu nú seêcaru nu chiquiê nehuana seêcaru, pero chiquiê ñia nzu arquiêru ubeneêru nú nza nzeêcahua lunú nzeli arquiêhua. 8 Nu nee másela xilaê arquiêru equie nú ungabiyaêlaêru nú neli nzutaê arquiêhua nzenalahua inziuê Jesucristo. 9 Enzeêe hasta niê la llelaê arquiêru xa deteêru cheêtsa lu Diose equie cuendaêhua equie nú chiquiê ñia nzu arquiêru equie cuendaêhua lu Paêahua Diose. 10 Bichia si rulaê rnacuêru nu sequieru lu Diose para nú zelanu nú nzelabiêyaru liêihua, nu laêxuru niru luhua lunú rriêilá nú riêihua beyaê lunú nzeli arquiêhua Jesucristo. 11 Diose Paêahua cuna Jesucristo enu rnibiyaê riêinu elietsa luru nú aca nzelabiêyaru liêihua. 12 Nu Jesucristo riêinu elietsa luhua para nú másescaêlá nze zecahua bee saêhua nu zecahua ye beelá bee bene tucu nú seêcaru liêihua. 13 Jesucristo neca enu riêi elietsa luhua nú tsutaê arquiêhua riñahua lu Diose sin dula nu lecaxi nahua, bichia chenu nzeêta zeca Jesucristo cuna ye bee beneênu.