1 Tesalonicenses 1

1 Liêá Pablo, cuna Silvano nu Timoteo, rquieêeru carta quieê luhua, liêihua bee enu nzeli arquiê Jesucristo eyeche Tesalónica, liêihua bee enu neca bee beneê Diose Pa liñibe cuna Jesucristo enu rnibiyaê. Riêi Diose nú cha nzeêca lu cuendaêhua cuna nú nzuxe arquiêhua. 2 Ye bichia rdeteêru cheêtsa lu Diose lu cuendaê yehua nu la zañiêru rnacuêru lunu equie cuendaêhua ye chenu rnacuêru lunu. 3 Cada chenu rnacuêru lu Diose Paêahua liêiru rluêcu cuendaru ye beenú rriêihua xne nzeli arquiêhua liêinu, nu liêiru rluêcu cuendaru lunú rriêihua xne secahua bee saêhua nu leêca rluêcu cuendaru nu liêihua neli nucuaêaquiehua nú benchilaê zeca Jesucristo enu rnibiyaê. 4 Bee saêa enu nzeli arquiaêahua Jesucristo, liêiru nediyaêru nu seca Diose liêihua nu liêinu ucañinu liêihua. 5 Xne chenu udixiuleêeru bedichiaê nzeêcaê Jesucristo luhua, la neca nú uzeteêtsiaru liêihua cuna bee bedichiaêtsia sino que uzeteêru liêihua cuna poderê Espíritu Santo nu nediyaêru nú neli neca lunú rniru luhua. Liêihua nediyaêhua xneca uriêiru chenu ulluaêaru cuna liêihua, uhuañiru scua para nú lubeêru luhua nú xneca riala nú huañihua. 6 Nu liêihua nehuañihua tucu nú uhuañiru nu tucu nú uzeteê Jesucristo liêiru, nu equie cuedaê Espíritu Santo ñia utsu arquiêhua uyalí arquiêhua bee bedichiaê nú udixiuleêeru luhua añinzuca nú chiquiê nehuana ulleêcahua. 7 Scua necahua tucu ejemplu lu ye bee bene lu iliu Macedonia cuna lu iliu Acaya ante lu bee enu nzeli arquiê Jesucristo. 8 Nu equie cuendaê liêihua uriêchialetse stichiaê Jesucristo nu la neca nucuaê nú unga lu iliu Macedonia cuna lu iliu Acaya tsia, sino que ye bee luhuare rni bee bene xneca nzeli arquiêhua Diose hasta nú lecaê xi rquiêña nú niláru lubee bene equie cuendaê liêihua. 9 Xne liêi eêcu beei rnibeei lubee bene lunú xneca uyucuhua liêiru bese rlu chenu ubelabiêyaru liêihua, nu xneca utsana arquiêhua bee enu secahua nú neca diose para nú chili arquiêhua Diose enu nehuañi nu zibiêhua lunu, liêinu enu neli neca Diose. 10 Nu leêca rnibeei nú xneca nucuaêaquiehua bichia chenu nzeêta zeca Jesucristo Lliêñi Diose enza liñibe, liêinu enu uriêi Diose nú uhuañi leta bee benenguti. Jesucristo enu silaêa liaêahua lu castiya llene nú nzu nú nzeêta.