1 Pedro 5
TBL1 Nee nia bezeteê quie lubee bene enu rnibiyaê letahua, liêá enu rluêcu nú rnibiyaê tucu nú rnibiyaê beella, nu leêca liêá neca enu ulañiê xa nehuana ulleêca Jesucristo. Chequie leêca tucutse lañiaêahua nú chiquiê ñia neca equie Jesucristo bichia chenu riña zecanu stucu bese, nu bedichiaêquieê neca para liêibeella. 2 Liêihua bee enu rnibiyaê nia luhua tucu nú rriucu bene enu rriucu bee sanchi scua riêi ucuhua bee beneê Jesucristo, lunú neca cuendaêhua nú zeteêhua liêibeella para nú chequieelá beella inziuê Diose. La riêihua riñaê cuaê lunú nediyaêhua nú neca cuendaêhua nú riêihuane, sino que uriêihuane equie nú nuê ana arquiêhua riêihuane, diquinuê arquiêhua uriêihua riñaê cuaê tucu nú niarquiê Diose, nu la riêihuane equie nú niarquiêhua dimi. 3 La necane equie nú rluêcuhua nú rnibiyaêhua lubee bene enu nzeli arquiê Jesucristo, nú nibiyaêhua lubeella tucu nú niarquiê tsiahua sino que liêihua rquiêña nu acahua tucu ejemplu lubeella. 4 Nu chenu riña Jesucristo stucu bese, liêinu enu rnibiyaê luaêahua che atiêhua premio nú chiquiê ñia neca nú leca bichia nú laxu. 5 Leêca esquie liêihua bee bene enu nereêneê, uzuêcuêhua nú rni bee bene uxu. Yehua masia bee niyu eêneê urre bee bene uxu aca lleêna rquiêhua, uzuêcuêhua nú rni bee saêhua: Xne la riêi Diose caso bee bene enu reca nelliñia, pero rriêi nzeêcanu lubee bene enu reca lleêna arquiê. 6 Enzeêe aca lleêna arquiêhua lu Diose, liêihua enu rluêcu ye nú rnibiyaê para nú riêinu nú aca neca equiehua nu zucuê ayanu liêihua chenu riña bichia zeêe. 7 Utsaênahua ye nú nzenu arquiêhua lu Diose, xne liêinu la tsanaê arquiênu liêihua. 8 Ucuaêa tsiñiahua nu ubiêyahua liêihua, xne bezeêlu enu rlee luhua neca tucu nú neca bichiee enu rliaênaê nu rcuaêna nú acu, scua enzee bezeêlu rcuaênai ti riêi ana lu. 9 Enzeêe la tsanaêhua nu riêi bezeêlu ana luhua utsutaê arquiêhua lunú nzeli arquiêhua, xne liêihua nediyaêhua nú diqui lu iliulabe leêca scua nehuana seca beelá bee saêhua enu nzeli arquiê Jesucristo. 10 Pero chenu udete nu nehuana secahua scua lleêna tiembu, chequie equie beenú nehuana secahua scua riêi Diose elietsa luhua para nú nzequieehua nu rcuaênahua nú huañihua tucu nú niarquiênu, nu chiuca tsu arquiêhua cuna nú tsutaê arquiêhua, sin nú zaê arquiêhua chequiehua inziuênu, nu leêca liêinu necanu Diose enu rriêi elietsa luaêahua lu ye nú seêcaêahua, nu ucañilanu liaêahua para nú chuêuhua elu chiquiê ñia rnaa nzucunu nu leca bichia nú laxue xne neca tucutsiaêahua cuna Jesucristo. 11 Nu chiquiê neli neca nú luêcuaêahua ulaêna lunu, xne liêitsianu necanu enu rluêcu nú rnibiyaê diqui tiembu. Amén. 12 Silvano enu neca saêahua enu nediyaa nú nehuañi tucu nú niarquiê Diose, liêilla uriêilla faura nú uquieêella carta quieê para nú nia luhua chiucu chuna bedichiaê nu nia bezeteê luhua, cuna nú leêca ixiuleêa luhua nú chiquiê seca Diose liaêahua. Enzeêe leêca scua uzecahua Diose cuna bee saêhua. 13 Bee bene enu nzeli arquiê Jesucristo cuna bee bene enu ucañi Diose tucu nú ucañinu liêihua, liêibeella enu nucuaêa caêa elu leêca rniru Babilonia, xeêla beella saludo luhua, leêca esquie Marcos enu rlucua xi neca tucu endua, xeêlalla saludo luhua. 14 Uriêihua saludar bee saêhua cuna eluseca nú rluêcuhua. Diose liquiê nú nzuxe arquiêhua, liêihua enu neca tucutsia cuna Jesucristo. Amén.