1 Juan 2

1 Bee lliêñia, rquieêa bee bedichiaê quieê luhua para nú la riêihua dula. Pero tunu nuêhua enu rriêi dula, rluêcuaêahua tucu enu rni lu cuendaêahua lu Diose, nu liêinu necanu Jesucristo enu leca xunga uriêi dula. 2 Equie nú unguti Jesucristo, nuê nú rriêi Diose perdona stulaêahua. Nu la acane equie cuendaê stulaêtsiaêahua, leêca necane lu cuendaê stula ye bee bene iliulabe. 3 Liaêahua nediyaê nzeêcaêahua tunu sucuaêahua Stichiaê Diose, che nzu arquiaêahua nú itá nuluêlaêahua liêinu. 4 Pero tunu nuê enu rni: “Liêá nuêlua Diose”, nu la zucuêlla stichiaênu, necalla enu niquichiaê, xne la chequieella lunú neli neca. 5 Pero enu sucuê Stichiaê Diose diquinuê arquiê neli secalla liêinu. Scua nediyaêahua nú necaêahua beneênu. 6 Tatse bene enu rni nú neca beneê Diose, rquiêña nú huañilla tucu nú uhuañi Jesucristo. 7 Bee saêa enu nzeli arquiaêahua Jesucristo, bee bedichiaê nú rnia luhua nee la necuqui necane, leêca liêi bedichiaê quieê neca stichiaê Jesucristo nú ubeneêlaêhua hasta huaêtu. Leêca liêi bedichiaê quieê neca nú rnia luhua nee. 8 Pero rnia bee bedichiaê quieê luhua xi neca tucu nú necuqui neca, xne sianu necane equie cuendaê Jesucristo urre necane equie cuendaê liêihua, rlubeê nucuaê nu neli necane xne nze tsanaê arquiêlahua inziu nú necha neca nu nzequiehua lunú neca nzeêca. 9 Tunu nuê enu rni nú nzequieella inziuê Diose nu rana arquiêlla bee saêlla, liêilla nzequieescaêlla inziu nú necha neca. 10 Enu seca bee saê liêi silla neli nzequieella inziuê Diose, scua leca modo nú riêi dula ana lulla. 11 Pero bene enu rana arquiê bee saê liêilla nehuañilla lunú necha neca, nu nzequiella nú necha neca cuaê, sin nú riêilla beyaê cá enza nzalla, xne utsaêna nú necha neca cuaê liêilla leta rulaê xi neca tucu bene enu la biêya. 12 Rquieêa carta quieê luhua bee lliêñia, xne unga perdonala stulahua equie nú rluêcuhua ulaêna lu Jesucristo. 13 Rquieêa carta quieê luhua liêihua bee uzana, xne nuêlulahua Jesucristo enu nzula hasta chenu lascaê quixie iliulabe. Leêca rquieêa carta quieê luhua liêihua bee bene enu nereêne xne uriêihua ana nú la riaêhua nú necha neca nzeêta lu bezeêlu. Rquieêa bedichiaêquie luhua liêihua bee enduê, xne nuêlulahua Paêahua Diose. 14 Rquieêa bedichiaê quieê luhua liêihua bee uzana, xne nuêlulahua Jesucristo enu nzula hasta chenu lascaê quixie iliulabe, nu leêca rquieêa bedichiaê quieê luhua liêihua bee enu nereêneê, xne rduêhua ana arquiêhua nu neli nzequieehua Stichiaê Diose, nu uriêihua ana nú la riaêhua nú necha neca nzeêta lu bezeêlu. 15 La leêhua nú riêihua lunú necha neca rriêi bee bene lu iliulabe quieê niêbee nú nuê lu iliulabe. Tunu nuê enu máse seca lunú nuê lu iliulabe, nu la zeca nzeêe Paêahua Diose. 16 Xne niê tucu nú necha neca nuê lu iliulabe quieê la yeêta nucuaê lu Diose, nzeêta tsia nucuaê leêca lubee bene iliulabe. Nu ninguieê neca lunú necha neca rriêi bee bene iliulabe. Riêilla tucu nú necatsia elliebacuêlla, nu rleêlla nú luêculla ye lunú rlañiêlla cuna nú reca nelliñalla lunú rluêculla. 17 Pero iliulabe tucu bichia laxue cuna ye beenú necha neca rriêi bee bene. Pero enu nehuañi tucu nú niarquiê Diose, luêculla elunehuañi nú leca xunga laxu cuna liêinu. 18 Bee lliêñia, liêá nia luhua nú lacaxeaê nzu nú laxu iliulabe. Xne ubeneêlaêhua nú rquiêña nú riña tucu enu rriêi condra Cristo, nu ni nzeêe lubee bene nú neca nzeêe Cristo, nu nee nucuaêala huaxi enu rriêi condra Cristo, enzeêe nediyaêahua nú lacaxeaê nú laxu iliulabe. 19 Bee enu rriêi condra Jesucristo, uchiuêu beei leêca leta bee saêahua enu nzeli arquiaêahua Jesucristo, pero laca beei mero bee saêahua, xne tunu neca beei bee saêahua ayaêna beei leta bee saêahua enu nzeli arquiaêahua Jesucristo. Pero unga nucuaê para nú lañiê bee bene nú laca beei bene letaêahua. 20 Uliquiêla Jesucristo Espíritu Santo luhua, nu equie cuendaê Espíritu Santo yehua nediyaêhua lunú neli neca. 21 Rquieêa bee bedichiaê quieê luhua, nu la necane lunú la nediyaêhua ta lunú neli neca, sino que lunú nediyaêlaêhuane, xne liêihua nediyaêhua nú la yeêta niê tucu bee eluquichiaê lunú neli neca. 22 Nee, ¿ti neca bene enu niquichiaê? Bene zeêe neca enu rni nú la neca Jesuse liêi Cristo. Nucuaê rriêi condra Cristo xne la chili arquiê nucuaê Paêahua Diose, nu niê Lliêñinu Jesucristo. 23 Xne tatse bene enu rni nú la neca Jesucristo Lliêñi Diose, liêilla la chululla Diose Paêahua. Pero enu rni nú neca Jesucristo Lliêñi Diose, liêisilla nuêlulla Paêahua Diose. 24 Enzeêe la tsanaê arquiêhua bedichiaê nú ubeneêhua desde nú uquixiehua nú uyali arquiêhua Jesucristo, nu tunu nzequiehua bedichiaê nú ubeneêhua desde chenu uquixie nú uyali arquiêhuane, che si nzequiehua nú nehuañihua cuna Paêahua Diose cuna Lliêñinu Jesucristo. 25 Nu ninguieê neca nú ucuaqui uêna Jesucristo, nú liquiênu luaêahua elunehuañi nú leca xunga laxu lu Diose. 26 Rquieêa bee bedichiaê quieê luhua, equie cuendaê bee bene enu rcuaêna nú zequienu liêihua. 27 Pero liêihua nehuañihua cuna Espíritu Santo nú uliquiê Jesucristo luhua, nu la quiêña nú nuê ti zeteê liêihua, xne leêca liêi Espíritu Santo neca enu zeteê yeene liêihua, nu puro nú neli zeteênu nu la zeteênu eluquichiaê. Enzeêe uhuañihua tucu nú rnibiyaê Espíritu Santo para nú chequiehua nú neca tucutsiahua cuna Jesucristo. 28 Nee bee lliêñia, liêá nia luhua nú uquia quieehua inziuê Jesucristo, para nú la lliquiaêahua chenu riñanu, nu niê nú tuaêahua liêinu. 29 Liêihua nediyaêhua nú rriêi Diose tucu nú neli neca, nu rquiêña nú riêihua beyaê nú ye bee bene enu rriêi tucu nú neli neca, liêibeella neca beella Lliêñi Diose.