1 Corintios 4

1 Enzeêe uluêcu cuendahua nú liêiru necatsiaru enu sibiê lu Jesucristo para nú zeteêru bee bene nú xa neca elliebacuê Diose, nú lá riêi bee bene beyaê hasta huaêtu. 2 Pero liêihua nediyaêhua nú tucu mosoê riala riêi ye lunú riala riêi para nú luêcu patronêlla confianza lulla. 3 Enzeêe lecaxi riêi tunu xi rnihua equie cuendaa urre xi rni bee usticia equie cuendaa, xne niê liêá leca modo nú nia xa necaa ante Diose. 4 Xne mase seêca nú rriêa tucu nú necane pero laca equie cuendaê nucuaê nú nia nú lecaxi dula rluêcua ante Diose, xne tucutsia Jesucristo nediyaê xneca rriêa. 5 Enzeêe la yala nú zeêtahua saêhua nú ti rriêi nzeêca nu ti enu la riêi nzeêca, sino que utsaênahua nucuaê para bichia chenu riña Jesucristo. Liêinu lubeênu nú xa neca cada tucu bene, nu bichia zeêe aca chee nú xa neca elliebacuê cada tucu bene, che bichia zeêe riaêahua beyaê xi bedichiaê nzeêca ni Diose lu cuendaê cada tucuaêahua. 6 Bee saêa enu nzeli arquiaêahua Jesucristo, yebee nú rnia luhua neca nzeêcae para liêihua. Liêá cuna Apolos necaru tucu ejemplu para liêihua, para nú acahua nu la nihua lunú la nequie lu ichiê Stichiaê Diose, nu para nú lecati aca nelliñia nu ni nzeêca lu cuendaê tucu bene, nu la ni nzeêca lu cuendaê stucu bene. 7 Xne niêtucu bene la neca equielá lu stucu bene, xne ye nú rluêcuhua Diose rliquiêi luhua, nu tunu Diose rliquiê nú rluêcuhua, ¿xiquie nú reca nelliñiahua? Xi neca nú rluêcuhuane lu cuendaê eêcutsiahua. 8 Liêihua secahua nú lecaxi seca laêchaêhua nu rluêcuhua ye nú rquiêñiahua, nu secahua nú necahua xi neca arre nu lecaxi rquiêñiahua equie cuendaêru ¡Alaê nú neli nú necahua arre para nú anibiyaêru cuna liêihua! 9 Seêca nú liêiru bee apóstol, Diose ucañi liêiru nú necaru xi neca tucu bene enu la neca equie, xi neca bee bene enu necha rriêi riala nú ati, nu secalullieê bee ángele cuna bee bene iliulabe lunú seêcaru. 10 Nu liêiru equie cuendaê nú rixiuleêeru stichiaê Jesucristo, bee bene seca beei nú netunduru, pero liêihua nelliñiahua nú chiquiê recahua xne nzeli arquiêhua liêinu. Nu liêiru seêcaru xi seca bene enu nechiulaê, nu liêihua secahua nú lecaxi zeca laêchaêhua, nu leêca rluêcu bee bene ulaêna luhua, pero liêiru rluachu bee bene. 11 Hasta nee, bichia quieê siêru nú rliaênaêru, rrebichiêru, nu rriêi falta xucuru. Nu xitse rriêinu bee bene liêiru, nu la luêcuru niêi eêcuru, 12 nu hasta chiquiê xacaêru rriêiru riñaê, para nú nehuañiru. Chenu riquichiêquiê bee bene liêiru, che rcuaquiru lubeei cuna bedichiaê nzeêca, nu rriquiêru lu ye nú xi rriêinu beei liêiru. 13 Nu chenu rtaêbeei eluquichiaê liêiru, che rni nzeêcaru lubeei. Nu hasta nee necatsiaru xi neca ixi lubee bene nu leêca necatsiaru xi neca beenú lecali xi zibiê secabeei. 14 La quieêa carta quieê luhua para nú riêá nú tuêhua, liêá rquieêa carta quieê luhua para nú nia bezeteê luhua xi neca bee endua xne chiquiê seêcahua. 15 Xne mase rluêcuhua chiêi mili bee bene enu seteê liêihua stichiaê Jesucristo, pero tucutsia liêá neca xi neca tucu pa para liêihua xne equie cuendaê liêá uchili arquiêhua Jesucristo chenu uzeteahua bedichiaê nzeêcaênu. 16 Enzeêe nacua luhua, nú uhuañihua tucu nú nehuañia. 17 Xne para nucuaê xeêlaa Timoteo luhua para nú enta biêyalla liêihua, liêilla enu chiquiê seêcaa xi seêca tucu endua, liêilla enu neli nzeli arquiê Jesucristo. Liêilla elluêcuê arquiêlla liêihua xneca nehuañia lunú nzeli arquia Jesucristo, xne scua tucu nú nehuañia, scua neca nú setea bee bene nú xneca riala huañi bee bene enu nzeli arquiê Jesucristo ye bee luhuare elu nzaêa. 18 Nuêhua seca nú tia la yelabiêyaêa liêihua, che leêcatsia liêihua reca nelliñiahua nú nehuañi nzeêcahua. 19 Pero tunu zela Diose la leaê nzelabiêya liêihua, che riêá beyaê tunu neli nehuañi beella tucu nú rnibiyaê Diose o lia rnitsia beella nucuaê. 20 Xne lunú nehuañi bee bene tucu nú rnibiyaê Diose, lacane purotsia bee bedichiaê sino que rquiêña nú riaêahua tucu nú rnibiyaê Diose. 21 ¿Xi niarquiêhua nú riêá chenu nzelabiêya liêihua, nú quiêyahua riêá la, o nú zecaa liêihua nu ni nzeêca luhua la?