1 Corintios 10
TBL1 Bee saêa enu nzeli arquiaêahua Jesucristo, niarquia nú riêihua beyaê nú bee beneêahua enu udetela bee enu uya nzenu Moisés, yebeella utse beella eêya xcabe nú uxeêla Diose lubeella, nu yebeella udete beella lu inzatuê nú lee nelu. 2 Scua unga achee nú yebeella neca beella bee beneê Moisés xne yebeella uyanala beella Moisés eêya xcabe zeêe, nu udete beella cuna Moisés lu inzatuê. 3 Nu leêca yebeella udacu beella elubacu nú uxeêla Diose enza liñibe. 4 Nu leêca yebeella ungüeê beella inza nú udeteê Diose lubeella nú uliñi tetsuê tucu quiee. Nu nucuaê rlubeê nú nzula Jesucristo cuna liêibeella catse elu uyanzee beella. 5 Pero añinzuca nú scua necane, huaxi beella lá riêibeella tucu nú riuê arquiê Diose, enzeêe unguti beella luyuu achi elu udete beella. 6 Yebee nú ulleêca beella scua necane tucu ejemplu luaêahua, para nú la niarquiaêahua riaêahua nú necha neca tucu nú uriêi beella. 7 La yala nú luêcuhua ulaêna lubeenú seca bee bene nú neca Diose tucu nú uriêi huaxi bee beneêahua enu udetela, tucu nú rni lu ichiê Stichiaê Diose: “Ucuaêa beella udacu beella nu ungüeê beella, nu che chu utsuli beella nu uriêibeella lunú la yala riêi beella." 8 Nu la yala nú riaêahua eluhuexe tucu nú uriêi huaxi beella. Xne equie cuendaê nucuaê unguti ala chechuna mili beella tucutsia bichia. 9 Nu leêca la riaêahua nú lee Diose luaêahua tucu nú uriêi huaxi bee benecuaê, nu equie cuendaê nucuaê udacuquieê beêla liêibeella nu unguti beella. 10 Nu leêca la yala nú niaêahua nú necha rriêi Diose, xne scua uni bee beneêahua enu udetela, nu che ubeêta tucu ángele enu unguuti liêibeella. 11 Ye bee nucuaê ulleêca bee benecuaê enu udetela nu nequiene lu ichiê Stichiaê Diose para nú riaêahua beyaê nú la neca nzeêca nú riaêahua tucu nú uriêi beella, liaêahua enu nehuañi tiembu quieê nú yamero laxu iliulabe. 12 Enzeêe bene enu seca nú nzutaê arquiê lu Stichiaê Diose, rquiêña nú biêyalla liêilla para nú la riêilla dula. 13 Ye bee prueba nú secahua la necane prueba nú la zeca bee bene yebee bene seca prueba. Pero Diose la tsanaê arquiê liêihua nu la zelanu nú zecahua bee prueba nú la riquiêhua. Liêinu riêinu elietsa luhua, para nú riêihua beyaê xneca riêihua nú riquiêhua lunú xi secahua. 14 Enzeêe bee saêa enu nzeli arquiaêahua Jesucristo, liêihua enu chiquiê seêcaa uchiuêu chuhua nu la luêcuhua ulaêna lubee nú seca bee bene nú neca Diose. 15 Liêá nediyaa nú liêihua necahua puro bee bene enu rriêi beyaê, enzeêe leêca liêihua biêyahua tunu neca nzeêca lunú rnia luhua. 16 Chenu rriaêahua tucu nú uriêi Jesucristo, chenu udacuxenu último exe, nu chenu rdiyaêahua viño nú unga leêyala relluêcuê arquiaêahua reneênu nú uriêchia chenu ungutinu equie cuendaê stulaêahua. Nu chenu rdaêcuaêahua pá tucu nú uriêinu ultimo exe, nucuaê neca tucu seña nú tucutsia necaêahua cuna liêinu. 17 Mase nú huaxi necaêahua, pero tucu nú rleêe tucutsia pá nú rritsiê luyeêahua scua rlubeê nú neca tucutsiaêahua cuna Jesucristo. 18 Liêihua nediyaêhua xneca rriêi bee bene Israel liêibeella racubeella mii nú rdeteê beella uêna lu Diose nu nucuaê rlubeê nú neca tucunecatse beella cuna Diose. 19 La nia luhua nú neca equie bee enu seca bee bene nú neca diose, urre máse sibiê uêna nú rdeteê bene lubee diose cuaê. 20 Xne bee bene enu rriêi scua la necane nú rdeteê beella uênacua lu Diose enu nehuañi sino que chenu rriêi beei scua rdeteê beei uêna cuaê lu bezeêlu, nu liêihua la niarquia nú aca tucu necatsehua cuna bezeêlu. 21 Leca modo nú riêihua scua, xne tunu rriêihua scua neca tucu necatsehua cuna bezeêlu, nu che chu acuhua pá nu hueêhua viño nú necaleêyala, para nú aca achee nú leêca neca tucu necatselahua cuna Jesucristo. 22 ¿U xieê niarquiêhua nú lee Diose luhua la? ¿U xieê másela rluêcuaêahua poder luquela Diose la? 23 Yee bee nú nuê beyaê riêi bene, pero laca yeene neca nzeêcae. Mase ye nú nuê beyaê riêi bene, pero laca yeene sibiêi para nú riêi bee bene elietsa lusaê bee bene nú xneca riala nú chenalalla inziuê Diose. 24 Nu la yala nú riaêahua elliebacuê lunú neca cuendaê eêcuêtsiaêahua sino que teriaêahua elliebacuê lunú neca cuendaê beelá bee saêahua. 25 Chenu sihua mii liñi iêya, la nedichiaêhua cá uchiuêu micuaê, para nú lazaê arquiêhua chenu acuhuane. 26 Xne iliulabe cuna ye nú nuê lue neca steneê Diose Pa liñibe. 27 Tunu tucu bene enu lachili arquiê Stichiaê Diose zeneê liêihua nú acuhua eta niêlla, tunu niarquiêhua nú chahua uquiahua. Udacuhua ye nú liquiêlla luhua nu la nedichiaêhua lulla cá uchiuêe para nú la zaê arquiêhua chenu acuhuane. 28 Pero tunu nuê tucu saêhua enu ni luhua nú elubacu nú rliquiê benecuaê racuhua udeteêllae uêna lubee dioseêlla, che la acuhuane equie cuendaê bene enu udixiuleêe luhua para nú la zaêa arquiêlla equie cuendaê elubacu cuaê, mase nú nediyaêhua nú Paêahua Diose liñibe rnibiyaê luye nú nuê lu iliulabe. 29 La nia luhua lunú xi rriêihua elliebacuê, lunú rnia luhua neca nú rriêi stucu bene elliebacuê. Pero tala bese nuêhua rriêi elliebacuê: “¿Pero xinu leca modo riêá yebee nú nediyaa nú laca necha neca equietsia nú seca stucu bene nú necha necane?" 30 Tala bese nihua: “Liêá nediyaa nú rdetea cheêtsa lu Diose equie yebee nú racua, ¿nu xiquie nú lixiu saê arquiêhua lua?" 31 Pero liêá nia luhua nú sia equie cuendaê bee elubacu nú racuhua, nu cuna equie cuendaê nú rueêhua cuna ye beelá beenú rriêihua, uriêihuane equie nú rluêcuhua ulaêna lu Diose. 32 Ubiêyahua xneca nehuañihua para nú sia bee bene Israel nu bee bene enu laca bee bene Israel, nu bee saêahua enu nzeli arquiê Jesucristo la riêibeella elliebacuê nú necha neca equie cuendaêhua. 33 Liêá rlaêna nú ñiatsu arquiê ye bee bene lua. Nu la laênaa nú cha nzeêcatsiae lu cuendaa, sino que rlaênatsia nú riêá elietsa lu huaxi bee bene para nú tsilaêa bee bene.