San Mateo 24

1 Naêra bero Jesús luêu idaoê rnabëêra, uzaênëê zioguëê cati bebigaê benê quienëê ga zënëê. Naê uzulaojëê rebanejëê ca naca idaoê rnabëêra. 2 Naê una Jesús rëbinëê lëjëê: âUlenaê cabëê naca idaoê rnabëêra. Pero tali rniaê, huabiaguiên duzÌeten, ni tu yo bira yegaênnan xcuêudzu laguedyin. 3 Naêra uzaêjëê ziojëê ga zu tu yaêa laona yaêa Olivos. Naê ureê Jesús cati bebigaê ja benê quiëê ga reênëê tu ganu dyilaê, unajëê rëbijëê lëbëê: âReêenndoê inaoê nëtoê bata cuiaguiê idaoê rnabëêra. Lëzi reêenndoê inaoê bizÌi gaca cati yeguidoê tatula, naê lëscanaêrë cati iyudyi quie dyilayu. 4 Naê una Jesús rëbinëê lëjëê: âGapale cuidado ta bisiê benëê leêe yëê. 5 Huida benê zë inajëê napajëê yelaê rnabëê quiaê. Lëscanê inajëê: “Nacaê Cristo”. Pero huaziêjëê yëê benê zë. 6 Ina ja benëê ga raca dila, ga sulao dila, pero bidzebile, danê ruen zi gacacazi canaê. Nerdziogue idyin dza iyudyi dyilayu. 7 Dila zë gaca tu yedyi conlë ja benê yedyi tula. Naê yedyi zë gaca ubin, gaca yelaê hueê, gaca uzÌuê. 8 Canaê gaca cati sulao yedzagalao ja benëê. 9 ‘Naê usedyin benëê leêe lao naêa ja benê rnabëê ta usacajëê leêe bizinaquezi, gutijëê leêe. Udie benëê leêe danê nacale benê quiaê. 10 Lëdza naê usan benê zë bira galejëê quiaê. Udiejëê laguedyijëê, usedyinjëê laguedyijëê lao naêa benê rnabëê. 11 Huida benê zë, benê hueziê yëê, inajëê rnëjëê tanun quie Diuzi, pero benê zë siêjëê yëê. 12 Tantozi gaca tazëdi, bira idyëêë yaca benëê laguedyijëê. 13 Pero nu benê sue biusan inao nëêëdiê dza zunëê lao dyilayu, huaziê Diuzi lëjëê yeyojëê guibá. 14 Huayo ja benëê tzetixogueêjëê xtiêidzaê Diuzi duzÌe yedyi layu ta inezijëê zu Diuzi dispuesto yeyojëê tzasulëjëê lëbëê ga rnabëênëê. Te naê, yeyudyi quie dyilayu. 15 ‘Bzu profeta Daniel diêidzaê lëêë guichi cabëê naca tu ta udyiaguiê benëê, ratza Diuzi len. Reyaêalaê tzioñeêele cabëê niaê leêe. Caora ilëêële badyia tu ta udyiaguiê benëê, ratza Diuzi len luêu idaoê rnabëêra, 16 naêra reyaêalaê yezÌuno ja benê nitaê estado Judea yeyojëê guixiê daoê. 17 Chi nitaêjëê laliêa, tanto ruguinte yezÌunojëê, bireyaêalaê yeyuêujëê luêu yuêu quiejëê siêjëê bi ta de. 18 Lëscanaê chi zujëê layela, reyaêalaê yezÌunojëê biyezaêjëê yeyojëê tzezÌiêjëê zÌabajëê. 19 Gaca bayëchiê quie ja nigula nuêa zÌiêine len ja nigula zu xcuidiê raêadyiê dza naê. 20 Reyaêalaê hueêlële Diuzi diêidzaê ta gacalënëê leêe ta biuzÌunole tiempo ruen zaga, nica dza huezilaêadyiê. 21 Canaê lega yedzagalao yaca benëê. Desde dza cati ureê dyilayu, binedzagalao yaca benëê cabëê yedzagalao benê yezÌuno dza zezaê. Lëscanê, bëê yeyudyi bedzagalaojëê, ganura benê tula yedzagalao cabëê lëjëê. 22 Chi biichugu Diuzi dza yedzagalaojëê, biilajëê. Pero huachugu Diuzi dza naê cuenda gacalënëê yaca benê ulionëê. 23 ‘Chi ina ja benëê yëbijëê leêe: “Ulenaê, ni zu Cristo”, chi yëbijëê leêe: “Ulenaê, naê zu Cristo”, bigalele quiejëê. 24 Huida ja benê huiziê yëê huejëê cuinjëê Cristo, huejëê cuinjëê benê inë tanun quie Diuzi. Huejëê milagro tacuenda siêjëê yëê len benê ulio Diuzi, pero bihuejëê gan siêjëê benê ulio Diuzi yëê. 25 Baoniaê leêe huaca tu ta binegaca. 26 Tanaê lenaê chi ina benëê yëbijëê leêe: “Ulenaê, naê zu Cristo lao lato dachi”, bitziole naê. Chi yëbijëê leêe: “Ulenaê, naê zu Cristo luêu yuêu”, bigalele quiejëê. 27 Bigalele quiejëê como danê cati yeguidaê nëêëdiê, bichi yugulu benëê, hualëêë yaca benëê nëêëdiê cabëê ilëêë benëê xniê yesa cati rëpin ga rlë obidza rdi xniên hasta ga reyen obidza. 28 Caora rlëêële recho ja bëchi ladza, canaê inezile de tazigo raojabaê. Lëcanaê gaca inezile ganê gaca canê baoniaê. 29 Naê una Jesús: âLayeyudyite dza yedzagalaojëê, naêra yechula obidza, bira inaê xniê biuê, huaguinu bélo gan dyian, huazÌisi yugulu ta dyia guibá. 30 Hualëêë benëê tu ta binelëêëjëê guibá. Lenaê uluêen abdyin dza yeguidaê nëêëdiê, bichi yugulu benëê. Naê huabedyi yugulu ja benê nitaê lao yedyi layu, hualëêëjëê nëêëdiê, bichi yugulu benëê, zaêa luêu beo. Hualëêëjëê tazÌe de yelaê huaca quiaê, tazÌe de yelaê rnabëê quiaê. 31 Naêra iseêelaê yaca ángel quiaê ta cuedyijëê trompeta quiejëê zidzo gula. Caora naê yeguêudiê ja benê uliogaê nëêëdiê saêjëê duzÌe yedyi layu guidajëê ga zuaê. 32 ‘Ulehue pensari ca raca quie yaga higo. Cati naca tacaên reêene, naê rasi laêagaê quien, naê nezile bazezaê biuê uba. 33 Lëscanê cati ilëêële araca cabëê baoniaê leêe, reyaêalaê inezile baruen bagozi dza iyudyi quie dyilayu. 34 Tali rniaê leêe, tu bineya zÌiêi suba benê nitaê naêa, bëê gaca cabëê baoniaê leêe. 35 Huade quie ta dyia guibá len lao dyila yu canaêzi, pero quie diêidzaê rniaê, biten canaêzi. Decazide gacan. 36 ‘Nunu nezi bata idyin dza iyudyi dyilayu. Binezi ja ángel dyia guibá, binezdaê nëêëdiê zÌiêi Diuzi. Tuzi Xuzaê Diuzi nezinëê. 37 ‘Cabëê guca dza uzu Noé dyilayu, lëscanaê gaca cati yeguidaê nëêëdiê, bichi yugulu benëê, tatula. 38 Naê dza naê cati baruen bago gaca juicio nisa, bigulejëê. Nitaêjëê riêo raojëê, rutzaganaê ja zÌiêijëê hasta bdyin dza cati uyuêu Noé luêu barco quienëê. 39 Naê bigucabëêjëê bi gaca quiejëê hasta dyin dza guca juicio nisa, canaê biêa nisa yugulujëê gutijëê. Lëscanaê gaca cati yeguidaê nëêëdiê, bichi yugulu benëê, tatula. 40 Cati idyin dza naê, chi zu chopa benëê layela, naê yequiëê ja ángel tunëê, itunëê yegaên. 41 Lëscanaê chi zu chopa nigula hueto, naê yequiëê ja ángel tunëê, itunëê yegaên. 42 ‘Ulesu listo como danê binezile bi hora yeguidaê nëêëdiê nacaê xaênle. 43 Ulehue pensari canê niaê leêe. Chi nezi xaên yuêu bi hora guida benê uban du rëla, huazunëê listo ta inaênëê bihuenëê lato tzuêu benê uban luêu yuêu quienëê cuannëê. 44 Quie lenaê, sule listo, como danê cati ruele pensari biguidaê, huidaê, lëhora naê cati guidaê nëêëdiê, bichi yugulu benëê. 45 Naê una Jesús: âRniaê leêe tu ejemplo quie tu mozo, benê rioñeêe ruzu diêidzaê. Naê pcaên xaênnëê lënëê ta ugaonëê ja benê mozo quienëê. Naê uzaênëê zioguëê. 46 Naê huatzaxe xaênnëê lënëê cati yedyinnëê ilëêënëê rue mozo zaê cabëê ta bënëê lëbëê mandado. 47 Tali rniaê leêe, ucaên xaênnëê lao naêanëê yugulu ta de quienëê. 48 Pero chi biruenëê tahuen, chi raquenëê biyedyinneza xaênnëê, 49 chi usacanëê ja mozo quienëê bizinaquezi, chi rdalënëê benê zÌudyi tuzÌe hueêe, 50 naê yedyin xaênnëê cati raquenëê biyedyin xaênnëê, 51 naêra hue xaênnëê lëbëê castigo ca castigo hue Diuzi benê birue tuzi ca nayaquëê. Huayojëê guiê gabila ga cuedyiyaêjëê, ga gaojëê leijëê.