San Juan 16

1 ‘Cabëê diêidzaê rniaê leêe, biyeyatile danê lëdiêidzaê naê gacalën leêe ta inaole nëêëdiê. Yaca benëê rudie nëêëdiê 2 huebioyaquëê leêe luêu yaca idaoê sinagoga. Huadyin dza gaqueyaquëê chi mandado quie Diuzi gutiyaquëê leêe. 3 Canaê hueyaquëê como danê binubëêyaquëê Xuzaê, lëzi binubëêyaquëê nëêëdiê. 4 Ca diêidzaê ni rniaê leêe, nacan ta yezaêlaêadyiêle con canê baoniaê leêe caora bazaê gaca quiele canê baoniaê. Ni rguixogueên quie Bichi Be quie Diuzi ‘Biuniaê leêe dzaê naê ca ta rniaê leêe naêa, como danê nezuliaê leêe dza naê. 5 Pero baidyin hora yeyaêa tzezuliaê benê useêelaê nëêëdiê. Naê ni tule biunabale nëêëdiê ganê yeyaêa. 6 Pero danê rniaê leêe ni, lenaê baraqueyëchiê luêu laxtaêole. 7 Pero rniaê leêe ta naca tali. Huaca huen quiele chi yeyaêa, porque chi biyeyaêa, biguida Bichi Be quie Diuzi ta sulënëê leêe gacalënëê leêe huezÌelaêadyiênëê leêe. Chi yeyaêa ga zu Xuzaê, huaseêelaê Bichi Be quienëê ga zule. 8 Cati guida lëbëê uzioñeêenëê yaca benëê nitaê lao yedyi layu ta ineziyaquëê decazi dulaê xquia quieyaquëê, lëzi ta ineziyaquëê reêen Diuzi tzëri laxtaêoyaquëê, lëzirë ta ineziyaquëê huachugobëê Diuzi quieyaquëê con canê bëyaquëê. 9 Danê biraleyaquëê quiaê, lenaê decazi dulaê xquia quieyaquëê. 10 Nun quie danê yeyaêa ga zu Xuzaê, lenaê huanezi yaca benê nitaê lao yedyi layu reêen Diuzi tzëri laxtaêoyaquëê. Naê bizÌi leêe, itu chiêzi zuliaê leêe. 11 Naêra huanezi yaca benëê nitaê lao yedyi layu hue Diuzi juicio quieyaquëê con cabëê baochugobëê Diuzi quie xanê taxiêibiê, benê rnabëê lao benê nitaê lao yedyi layu. 12 ‘Tazë nede ta iniaê leêe, pero leêe bitzioñeêelen naêa. 13 Cati guida Bichi Be quie Diuzi, benê rnë tali, lëbëê uzioñeêenëê leêe ta naca tabala quie Diuzi. Quele huananëê ta racazi laêadyiênëê, denê tanun quie Diuzi inanë. Uzioñeêenëê leêe ca ta zaê gaca dza zazaêra. 14 Huenëê nëêëdiê benê zëê. Nezinëê cabëê diêidzaê rniaê, uzioñeêenëê leêe cabëê nacan. 15 Yugute ca rna Xuzaê nacan ta inëriaê leêe. Lenaê rniaê nezi Bichi Be quie Diuzi cabëê diêidzaê rniaê, uzioñeêenëê leêe cabëê nacan. 16 ‘BizÌi gaca tu chiêzi birlëêële nëêëdiê, te naê itu chiêzi yelëêële nëêëdiê tatula. 17 Naêra unë yaca benê quie Jesús rëbiyaquëê laguedyiyaquëê: â¿Ca bizÌi naca diêidzaê unëê raêo? Unëê gaca tu chiêzi birlëêëroguëê, te naê nëê itu chiêzi hualëêëroguëê tatula. Lëzi narëê gaca quienëê canaê danê yeyonëê ganê zu Xuzinëê. 18 ¿Ca bizÌi naca diêidzaê unëê caora unëê: “Gaca tu chiêzi”? Birioñeêero cabëê diêidzaê unëê raêo. 19 BizÌi gucabëê Jesús biuyoñeêeyaquëê ca diêidzaê gudyinëê leyaquëê. Tanaê unëê rëbinëê leyaquëê: âBaonëcazaê leêe gaca tu chiêzi birlëêële nëêëdiê, te naê itu chiêzi yelëêële nëêëdiê tatula. ¿Lëdiêidzaê naê biuyoñeêele rnabale laguedyile? 20 Tali ca rniaê leêe, huaqueyëchiêle huabedyile baidyin hora guti yaca benëê nëêëdiê. Naê bizÌi yaca benëê nitaê lao yedyi layu, huedaohueyaquëê danê gatiaê. Pero baêalaêcazi huaqueyëchiêle tu chiêzi, te naê huedaohuele bëê yelëêële nëêëdiê tatula. 21 Tu nigula nuêa zÌiêine, bëê idyin hora su bdaoê quienëê, redzagalaonëê ta su bdaoê quienëê. BizÌi caora baozu bdaoê quienëê, hualaêadyiênëê ca ta babedzagalaonëê, danê lega redaohuetzeguenëê baozu zÌiêinëê byu. 22 Lëscanaê nacarë quie leêe. Redzagalaole naêa, pero cati yeguidaê denaêa leêe, lëcanaê lega yedaohuele. Nitu nitu nunura uzu leêe bayëchiê tatula. 23 ‘Lëdza naê birabi inabale nëêëdiê. Tali ca rniaê leêe, guncazi Xuzaê yugulu ca ta inabale lënëê uzëtole laohuaê. 24 Desde dza naê binuzëtole laohuaê bi ta rnabale Xuzaê. Ulenaba con canê baoniaê leêe. Canaê guncazi Xuzaê leêe ca ta inabalenëê tacuenda gaca huen quiele sule dyaêa. 25 ‘Diêidzaê baoniaê leêe nacan diêidzaê canezi tzioñeêelen. Pero huadyin dza bira iniaê leêe diêidzaê canezi tzioñeêelen, huaniaê leêe diêidzaê ta tzioñeêele labezi inezile quie Xuzaê. 26 Lëdza naê uzëtole laohuaê inabale Xuzaê bi ta reêenle inabalenëê. Caora naê bira inaban inabaê Xuzaê gunnëê bi ta reêenle. Nedyëêëcazi Xuzaê leêe. Nedyëêënëê leêe porque danê nedyëêële nëêëdiê, ralele danê niaê uzaê ga zu Xuzaê. 28 Tali naê uzaê ga zu Xuzaê bidaê lao yedyi layu. Pero naê abdyin hora huezaê lao yedyi layu, yeyaêa ga zu Xuzaê tatula. 29 Caora naê una yaca benê quienëê rëbiyaquëê lëbëê: âNaêra rnëloê diêidzaê ta tzioñeêendoê labezi, quele diêidzaê canezi tzioñeêendoê. 30 Naêra banezindoê luëê nezoê quie lao yugulute. Nica inabandoê luëê banezoê bi ta inabandoê luëê. Quie lenaê banezindoê de que luëê nacoê benê uzaê ga zu Diuzi. 31 BizÌi una Jesús rëbinëê leyaquëê: â¿Naêra banezile? 32 Bagazi idyin hora yedzatzale tziole quie quiele ucaênle nëêëdiê tuzaê. Pero bizucazaê tuzaê danê zucazi Xuzaê len nëêëdiê. 33 Ca diêidzaê baoniaê leêe nacan ta cuëchin chizi luêu guicho laxtaêole, lëscanê ta sudyiêilëcazile nëêëdiê. Yedzagalaole lao yedyi layu niga, pero bidzebile como danê babiaê gan lao xanê taxiêibiê, benê rnabëêna lao yedyi layu.