Efesios 4

1 Quie lenaê du guicho du laêadyaê iniaê leêe reyaêalaê tale dyëêëdi como danê ulio Diuzi leêe gacale benê quienëê. Canaê niaê nëêëdiê diaê luêu dyiguiba nacaê preso nun quie danê rdzaê yaca benëê nëêëdiê rguixoguiêa xtiêidzaê Diuzi. 2 Bihuele cuinle benê zÌe, huele gaxo conlë laguedyile. Gacale benê zÌelaêadyiê, yeyëchiêlaêadyiêle laguedyile, idyëêële laguedyile. 3 Huele lato gacalë Bichi Be quie Diuzi leêe ta huele tuzÌe conlë laguedyile, canaê cueê chizi guicho laxtaêole. 4 Naca yugulu raêo, benê nao xneza Cristo, tu cueêzi benê nuelë lëbëê tuzÌe. Tuzi Bichi Be quie Diuzi yuêuro yuguluro. Lëscanê como ulio Diuzi raêo, tuzi naca yelaê rbeza quiero rbezaro yedyinro guibá. 5 Cani naca quiero: Tuzi Cristo zu neziro naca xaênro, tuzi xtiêidzaê Diuzi de neziro nacan ta hue quiero, tuzi bautismo de neziro nacan ta gacaro. 6 Tuzi Diuzi zu naquëê Xuziro yuguluro. Lëbëê rnabëênëê lao yuguluro, lëbëê rudëênëê raêo bi dyin quienëê huero yuguluro, lëbëê runnëê fuerza valor de quiero yuguluro. 7 Pero quie quiero nudëê Cristo raêo gunnëê fuerza valor bi dyin quienëê huero. 8 Lenaê rguixogueên lëêë guichi laêiya quie Diuzi cani: Caora beyëpi Cristo ladza zeyonëê bedyinnëê guibá tatula, caora naê bluêen quienëê bënëê gan lao yaca benê bdie lëbëê. Caora naê bëlaêiya Cristo raêo, bënnëê ta naca dyaêa quiero. 9 ¿Pero bizÌi ca inaro quie diêidzaê ganê rnën cani: “Beyëpinëê zeyonëê bedyinnëê guibá tatula”? Lenaê inaro tanëro uyëzinëê bdyinnëê uzunëê lao yedyi layu. 10 Naêra lëcazëê beyëpinëê zeyonëê bedyinnëê guibá tatula ta inabëênëê lao yugulu ta naguixu Diuzi. 11 Naêtera bënnëê laze nudëênëê raêo bi dyin quienëê huero. Nudëênëê nu benê gaca apóstol. Nudëênëê nu benê quixogueê ca naca quie diêidzaê gudyi Diuzi lëjëê. Nudëênëê benê rguixogueê xtiêidzaê Diuzi cabëê ta pcaên Diuzi quiero ta gataê yelaê neban quiero tuzioli. Nudëênëê benê rudzeê xnezi quie benê nao xneza Cristo, benê rusëdi yaca. 12 Canaê runnëê raêo fuerza valor huero bi dyin quienëê reêennëê huero cuenda gacalëro laguedyiro uzioñeêerojëê ca naca quie diêidzaê laêiya quienëê ta inaorayaquëê xneza Cristo mazara. 13 Canaê ruenëê quiero hasta idyin dza banacaro tuzi ca hue quiero xtiêidzëê, banacaro tuzi ca nuebëêro lëbëê raquëê zÌiêi Diuzi. Canaê gacaro benê nao du guicho du laêadyiê xneza Cristo, tzuêuro puro pensari dyaêa ca pensari yuêu Cristo. 14 Bira naca pensari quiero cabëê naca pensari quie xcuidiê. Bira yetzaêro pensari quiero tu dza tu dza inaoro neza tula. Binacaro ca laêagaê bidyi ta nuêa be rguinun lao nisa. Bira hueêro lato siê benëê raêo yëê, benê reêen uquixi quiero, benê reêen udzeê raêo neza tula, neza binaca quie Diuzi. Laêacazi inayaquëê nacayaquëê benê rioñeêe, bigalele quiejëê. 15 Mejorla hue quiero xtiêidzaê Diuzi edyëêëro benëê. Canaê reyaêalaê huero inaoro xneza Cristo, huelëronëê tuzÌe, naquëê xaênro raêo, benê nao xnezëê. 16 Ta bë Cristo nitaêlëro laguedyiro dyëêëdi gacalëro laguedyiro cuenda yuguluro hue quiero xneza Cristo mazara, edyëêëro laguedyiro mazara. 17 Cani nacan cabëê udixoguiêa leêe tanun quie Cristo: Bira tale leêe ca rda benê binuebëê Diuzi, como danê naojëê yuêujëê pensari tondo, pensari bibi zacaê ca naca pensari quie benê rda 18 lao lato lao chula naca pensari quieyaquëê. Nica neziziyaquëê chi hueê Diuzi leyaquëê yelaê neban tuzioli, como danê yelaê yeladyiê quiejëê nacajëê benê laxtaêo zidi. 19 Bira redueêyaquëê bi tamala rueyaquëê. Banue quieyaquëê rueyaquëê tamala. Redaohueyaquëê rueyaquëê con ta rnan quieyaquëê. 20 Pero leêe, dyëêëdi nezile, cala xneza Cristo naole chi ruele canaê. 21 Chi tali banezile cabëê una Cristo, chi tali banezile nacan tali cabëê unëê, 22 quie lenaê ruen zi usanlaêadyiêle pensari gula quiele. Bira huele ta rnazin quiele, como danê nacan tamedian gula, baozÌiên leêe yëê. 23 Reyaêalaê hueêle lato yecubi Diuzi pensari quiele. 24 Reyaêalaê hue quiele quie pensari ta becubi Diuzi quiele, porque lëpensari naê banacan tuzÌe len pensari quienëê. Chi inaoro lëpensari cubi naê, canaê du laêadyiêro talëro laguedyiro dyëêëdi, huero puro tahuen. 25 Quie lenaê bira siêle laguedyile yëê. Puro diêidzaê li hueêlële laguedyile, como danê yuguluro nacaro tu cueê benê nao xneza Cristo. 26 Chi idzaêle laguedyile, gapale cuidado ta bihuen xquia quiele. Chi rdzaêle laguedyile, tu binegala dza reyaêalaê layeyueêzÌetele laguedyile. 27 Bihueêle lato huelë taxiêibiê leêe huele tamala. 28 Chi zu nule rbanle, reyaêalaê usanle bira cuanle. Reyaêalaê tzuêule pensari huele dyin dyaêa du guicho du laêadyiêle conlë niêa naêale ta gataê quiele, naê gacalële benê bide quie. 29 Biinële diêidzaê mala bizinaque ulidzale benëê. Mejorla inële diêidzaê dyaêa ineyuele leyaquëê hueyaquëê tadyaêa huelaêiya Diuzi lëjëê. 30 Bihuele tamala cuenda naê gaqueyëchiê Bichi Be quie Diuzi yuêule. Bihuele canaê como danê dyin quienëê banadele cuenda lao naêa Diuzi yeziênëê leêe yeyole guibá. 31 Usanlaêadyiêle, bira inayaêle laguedyile, bira udiele laguedyile, bira idzaêle laguedyile, bira utasi uniole laguedyile. Ni tu ta naca mala bira huelële laguedyile. 32 Mejorla tzuêulële laguedyile dyëêëdi, yeyëchiêlaêadyiêle laguedyile, siêzÌele quie laguedyile cabëê baozÌiêe Diuzi quiele nun quie danê nuelë tuzÌe len Cristo.