Colosenses 2

1 Reêendaê inezile lega rdëbidaê bi raca quiele. Lëscanê rdëbidaê quie yaca benê quie Jesús nitaê yedyi Laodicea, len nutezi benê quie Jesús chanê binubëêyaquëê nëêëdiê. 2 Reêendaê biyeyatiyaquëê idyëêëyaquëê itu ituyaquëê gacayaquëê tuzi. Reêendaê cueê chizi laxtaêoyaquëê nun quie babzioñeêe Diuzi leyaquëê cabëê rguixogueê diêidzaê nagachiê quienëê de que rguixogueên quie Cristo. 3 Naca Cristo benê rioñeêe yugulute. Biyeyudyi yedu yelaê rioñeêe quienëê. 4 Lenaê rniaê leêe tacuenda bigalele quie yaca benê ruêe diêidzaê hueziê yëê. 5 Baêalaêcazi bizëliaê leêe, pero rdëbidaê quiele chi bi raca quiele. Redaohuedaê rue quiele ta yuêu niêa xnezi, birdzebile inaole xneza Cristo. 6 Quie lenaê, danê baozÌiêle xneza Cristo, reyaêalaê tale cabëê rda benê nacalë Cristo tuzÌe. 7 Ca quie tu yaga huala yuêu luenan garëê, lëcanaê reyaêalaê huele quie xneza Cristo, reyaêalaê sële len huala, biinaole udeudela neza. Tuzi neza quie Cristo reyaêalaê inaole, naê hue quiele cabëê unanëê, cabëê psëdindoê leêe. Biusanle yëbile Diuzi diuxcaleloê yugu dza. 8 Ulegapa cuidado. Bihueêle lato siê benëê leêe yëê, benê rnë diêidzaê dachi, diêidzaê hueziê yëê. Birueyaquëê dyabëê inao benëê xneza Cristo, denê rueyaquëê dyabëê inao yaca benëê ca naca costumbre quieyaquëê. Rueyaquëê dyabëê inao yaca benëê ca naca pensari quie yaca benê nitaê lao yedyi layu. 9 DuzÌete cabëê naca Diuzi, cabëê naê nacarë Cristo. 10 Quie lenaê yugulu ta de nacan quiele danê nacalële Cristo tuzÌe. Lëbëê rnabëêranëê lao yugulu yaca benê rnabëê. 11 Lëscanê danê nacalële Cristo tuzÌe, quie lenaê nacan quiele ca quie benê bzu tu xëdyidaoê cuine. Pues como danê babeyërile lao Diuzi, bira rnabëê ta rnazin quiele leêe, lenaê nacan quiele ca quie tu xëdyidaoê bzu Cristo leêe, cala xëdyidaoê bzu benëê leêe. 12 Lëscanê caora uyuêule nisa gucale bautismo, canaê guca quiele ca quie benê gutilë Cristo, benê uyuêu luêu yëroba, benê bebanlë Cristo tatula. Canaê naca quiele naêa nun quie rue quiele quie yelaê huaca quie Diuzi, benê pseban Cristo. 13 Tu ta baodele dza naê cati binehue quiele quie Diuzi, baodele guca quiele ca quie benê huati de lao Diuzi. Pues por nun quie dulaê xquia quiele, bineyërile lao Diuzi. Pero naêa baben Diuzi leêe yelaê naban tuzioli nun quie banacalële Cristo tuzÌe, beziêzÌenëê dulaê xquia quiele. 14 Beguba Diuzi tu ta zÌuba leêe xquia, tu ta nudzeêdeêna leêe de acuerdo con cabëê na ley quienëê. Lenaê apsula Diuzi caora guti Cristo lëêë yaga cruzo. 15 Canaê bë Cristo gan begubanëê yelaê rnabëê quie yaca bichi be xiêibiê caora cati gutiguëê lëêë yaga cruzo. Pcaxonëê leyacan zacaêlao lao yaca los demás benê nitaê guibá. Bzunëê leyacan preso ca rue nu rey ruzunëê preso benê naca enemigo quienëê. 16 Quie lenaê nitu nitu bireyaêalaê inabizÌoyaquëê leêe quie ta bi gaole, len ta bi yoêole. Bireyaêalaê inabizÌoyaquëê leêe quie bi dza huele lani, chi dza bezë biuê reêene, o chi dza tula. Lëscanê bireyaêalaê inabizÌoyaquëê leêe quie bi dza huele dza huezilaêadyiê. 17 Chi yelaê huao, chi lani, chi dza huezilaêadyiê, lao yunaten rguixogueên quie tu benê zazaêra. Rguixogueên quie Cristo, benê naca tali quie Diuzi. 18 Bihueêle lato siê yaca benê rionlaêadyiê yaca ángel leêe yëê. Bihueêle lato cubayaquëê ta pcueza Diuzi para leêe guibá. Rueyaquëê ca quie benê gaxo gula, pero bëê rueziyaquëê. Nayaquëê uxusayaquëê blëêëyaquëê ta naca tali quie Diuzi, pero bëê naziyaquëê. Rueyaquëê cuinyaquëê benê zÌe, pero ta racazi laêadyiêyaquëê rueyaquëê canaê. 19 Bira ruelëyaquëê Cristo tuzÌe. Ca gaoro ta gueêeniro suro dyaêa, canaê naca quie Cristo, ruzioñeêenëê raêo cabëê naca pensari quie Diuzi tacuenda suro dyaêa laohuëê con cabëê reêen Diuzi gaca quiero. 20 Leêe nacale ca quie benê huati, benê gutilë Cristo. Bira nacale cuenda quie benëê ta inaole huele quie pensari quieyaquëê. ¿Bixquienê nenaole neruele quie pensari quie yaca benëê cati bira nacale cuenda quieyaquëê? 21 Leyaquëê inayaquëê cani: “Biseloê ta ni, bigaoloê ta naê, bitzaquiloên naêaloê.” Canaê naca pensari quie benëê. 22 Pero hueyudyi huedu quienan como danê nacan puro pensarizi quie benëê. 23 Parece tali naê huacalën raêo chi inaoro huero pensari quie benëê, porque ruen dyabëê quiero huero quie idaoê, gacaro benê gaxo, gaparo cuidado len cuerpo quiero. Pero bëê ruezin binacan canaê. Bibi sirve inaoro huero pensari quie benëê, porque bigacalën raêo ta bihuero ta rnazin quiero.