2 Timoteo 1

1 Nëêëdiê, Pablo, nacaê apóstol quie Jesucristo con cabëê ulio Diuzi nëêëdiê conforme con ca una Diuzi hueênëê yelaê naban tuzioli nutezi benê hue tuzÌe len Jesucristo. 2 Timoteo, biaê guichi niga pseêelaên laoloê. Neziloê nadyëêëdaê luëê, raquedaê luëê ca zÌiêinaê. Rulidzaê Xuziro Diuzi lënëê Señor quiero Jesucristo ta huelaêiyaquëê yeyëchiêlaêadyiêyaquëê luëê cuëchiyaquëê chizi luêu guicho laxtaêoloê. 3 Yugo dza, yugo yëla, rulidzaê Diuzi rëpaênëê diuxcaleloê por luëê. Lëscanê, por tu parte quiaê nëêëdiê, ruaê dyin quie Diuzi birao pensari quiaê nëêëdiê xquia. Canaê bërë xuzixtaêohuaê, bëyaquëê dyin quie Diuzi, biudao pensari quieyaquëê leyaquëê xquia. 4 Naêra rezalaêadyaê cabëê guqueloê bayëchiê caora uniaê luëê bazeyaêa. Lenaê reêendaê guidaê ideyubaê luëê tatula, porque lega redaohuedaê suliaê luëê. 5 Nezdaê cabëê rueloê rnaoloê xneza Jesús du guicho du laêadyoê. Tanëro unao zÌnaêguloê Loida len zÌnaêloê Eunice xneza Jesús. Reyulaêadyaê lëscanê luëê naoloê xneza Jesús ca leyaquëê. 6 Quie lenaê rniaê luëê: Reyaêalaê hueloê bala ca ta banegunne Diuzi luëê caora uxubaê naêa guicholoê bdëê Diuzi luëê. 7 Bireêen Diuzi idzebiro, reêennëê huero tzutzu huala laxtaêoro, reêennëê idyëêero laguedyiro, reêennëê tzuêuro pensari dyaêa. 8 Biyedueêloê inëloê cule quie Señor quiero. Lëscanê biyedueêloê danê diaê luêu dyiguiba por nun quie danê naohuaê xneza Cristo cabëê luëê. Lëscanaê biidzeboê cati huelë benëê luëê bizinaquezi. Siempre gun Diuzi fuerza valor quioê ta sueloê suloê chizi chi bitiêtezi ta usaca benëê luëê porque danê rguixogueêloê xtiêidzaê Diuzi. 9 Ulio Diuzi raêo beguibinëê laxtaêoro, porque reêennëê gacaro benê laêiya quienëê. Cala yelaê benê huen quiero ulio Diuzi raêo, dechanê ulionëê raêo bënnëê cule quiero, porque canaê reêennëê huenëê quiero nedyëêënëê raêo ca nedyëêërë Jesucristo raêo. Tu binegataê yedyi layu, tu naê zu Diuzi nadyëêënëê raêo. 10 Tali bluêe Diuzi nadyëêënëê raêo, porque useêelaênëê Señor quiero Jesucristo ta yeyudyi yedu quie yelaê guti quiero. Lëscanê lao naêanëê gutaê yelaê neban quiero tuzioli por nun quie xtiêidzaê Diuzi. 11 Bë Diuzi nëêëdiê nombrado ta tzetixoguiêa benëê xtiêidzaê Diuzi. Quie lenaê useêelaênëê nëêëdiê nacaê apóstol, nacaê maestro. 12 Quie lenaê redzagalaohuaê, pero biredueêdaê porque nuebëêdaê Cristo, naohuaê xnezëê. Nezdaê naca Cristo benê de yelaê huaca quie, rnaênëê nëêëdiê tu lala zuaê yedyi layu hasta idyin dza gaca juicio lao yedyi layu. 13 Biusanlaêadyoê inaoloê cabëê psëdiaê luëê quie xtiêidzaê Diuzi. Unao xneza Jesús du guicho du laêadyoê, idyëêëloê laguedyoê nun quie danê nacoê tuzÌe len Cristo Jesús. 14 Lao naêa Bichi Be quie Diuzi, benê yuêu luêu guicho laxtaêoro, gapoê cuidado bigalaêadyoê uzuloê xtiêidzaê Diuzi ca ta bdëênëê luëê. 15 Luëê neziloê apsanlaêadyiê yaca benê nitaê yaca ciudad nebaba Asia nëêëdiê. Canaê apsanlaêadyiê Figelo len Hermógenes nëêëdiê. 16 Rulidzaê huelaêiya Diuzi familia quie Onesíforo, porque zë lasa pxelaêadyiênëê nëêëdiê. Biredueênëê quiaê nacaê preso diaê luêu dyiguiba. 17 Cati bedyinnëê ciudad Roma udanëê beguilonëê nëêëdiê hasta bedzelenëê nëêëdiê. 18 Rulidzaê Diuzi yezaêlaêadyiênëê quienëê dza gaca juicio lao yedyi layu. Dyëêëdi neziloê tazÌe gucalënëê raêo dza udaro ciudad Efeso.