2 Corintios 11

1 Rnabaê cule laole uzënagale quiaê dyëêëdi laêacazi chi raquele rniaê leêe pensari tondo. Con ca iniaê leêe, huele cule uzënagale quiaê. 2 Naca dyin quie Diuzi nedyëêëdaê leêe, lenaê reêendaê usedyinaê leêe lao Cristo biuyoguele benê tula yëê. Reêendaê huaê quiele ca quie rue nu xuzi nigula. Reyaêalaê usedyinnëê zÌiêinëê cuidiê lao xquiubiê biuyogue zÌiêinëê benê tula yëê. 3 Pero como conlë yelaê sinê quie xanê taxiêibiê guquen forma ca bëla uzÌiên Eva yëê, lëscanê rdëbidaê utëbi benê tula pensari quiele cuenda usanlaêadyiêle bira inaole tuzi xneza Cristo du guicho du laêadyiêle. 4 Porque dyëêëdi raxele ruzënagale cabëê diêidzaê na nu benê tula, nu benê rida rguixogueê leêe netzaêla cabëê udixogueêndoê leêe quie Jesús. Pues dyëêëdi rezilaêadyiêle quie bichi be tula, bichi be binaca Bichi Be quie Diuzi ta uyezilaêadyiêle dza naê. Lëscanê dyëêëdi ruzënagale diêidzaê rguixogueê benê tula, diêidzaê binacan lëbi con cabëê rna xtiêidzaê Diuzi unandoê leêe dza naê. 5 Pues rniaê cala zacaê nëêëdiê menosra cabëê nu benê naole neza quie, nu benê rnale naca apóstol huen gula. 6 Laêacazi ruen zëdi quiaê ta hueêliaê leêe diêidzaê, cala binezdaê con cabëê rna xtiêidzaê Diuzi. Lenaê babluêendoê ladole conlë yugute cabëê bëndoê laole. 7 ¿Bi ca nale? ¿Tamala biaê udixoguiêa leêe diêidzaê laêiya quie Diuzi, naê biunabaê leêe ni tu centavo? ¿Tamala biaê, bedzagalaohuaê cuenda gacaliaê leêe gataê tahuen quiele? 8 Hasta uzÌiêa dumi ta ben benê nitaê yedyi tula nëêëdiê cuenda tu de len biaê gasto udixoguiêa leêe xtiêidzaê Diuzi. 9 Catu uzuliaê leêe dza naê, bide ta huaê gasto, ni tule bibiaê leêe zëdi inabaêle gunle quie gasto quiaê. Pero ja benê bichiro, benê uzaê yu nebaba Macedonia, lëjëê benjëê ta rdzioguedaê. Canaê udapaê cuidado cuenda bihueliaê ni tule zëdi gunle ta rdzioguedaê. Pues canaêcazi biusanaê hueliaê leêe canaê. 10 Tantozi nuzÌelaêadyaê nezdaê dyëêëdi con cabëê rna diêidzaê li quie Cristo, lenaê nezdaê nunu saqueê udzun cabëê zuaê gusto yëbaê ja benê nitaê yu nebaba Acaya ca naca tahuen biaê quiele. 11 Naêra ¿bixquienê uniaê canaê? ¿Nun quie binedyëêëdaê leêe uniaê canaê? Cala lenaê. Nezi Diuzi con cabëê nedyëêëdaê leêe. 12 Biusanaê huaê cabëê ruaê laêacazi chi zu benê na nacarëjëê apóstol ca nëtoê. Najëê de yelaê rnabëê quiejëê ruejëê ca apóstol tu lëbizi cabëê nëtoê. 13 Pero binacan con cabëê najëê. Binacajëê dugalo apóstol. Yëêzi rziêjëê ruejëê cuinjëê ca apóstol quie Cristo. 14 Lenaê binacan ta yebanero, como danê hasta cuin xanê taxiêibiê Satanás yëêzi rziênëê ruenëê cuinnëê ca tu ángel rseniên ca xniê guiê. 15 Canaê biyebanero cabëê rue benê naque quie xanêtaxiêibiê. Yëêzi rziêjëê ruejëê ca benê rue tahuen. Pero hue Diuzi lëjëê castigo con cabëê naca tamala bëjëê. 16 Rniaê leêe tatula: Bihuele pensari chi racaê luco. Pero chi canaê ruele pensari, ulegun lato iniaê leêe ca rnë benê raca luco cuenda hueriaê pensari ca quie benê hue cuine benê zÌe. 17 Quele mandado quie Cristo rniaê cabëê rniaê ni. Rniaê ca quie benê raca luco. Rniaê ca quie benê rue cuine benê zÌe. 18 Nun quie nitaê benê zë ruejëê benê zÌe cuinjëê, lega raxejëê ta de lao yedyi layu, lëscanaêrë nëêëdiê, hueriaê ca quie benê rue cuine benê zÌe. 19 Canaê huaê como danê leêe nale nacale benê rioñeêe, nale huazuele dyëêëdi huele gan ca na benê luco. 20 Pues leêe redaohuele huele ca mandado ziêlaza huegadyijëê leêe huele quiejëê. Redaohuele cati cubajëê ta de quiele, redaohuele cati inabëêjëê leêe ta ziêlaza gula, redaohuele cati gacazÌëêjëê leêe, hasta redaohuele cati capajëê laohuele. 21 Pero redueêdaê iniaê leêe nëtoê bibeyazÌondoê huelëndoê leêe canaê. Pero cabëê rue ja benê naê, ruejëê cuinjëê benê zÌe, lëscanê hueriaê cuinaê benê zÌe laêacazi ruen zi inëriaê ca benê luco. 22 Quie lenaê inabaê leêe, ¿naca ja benê naê benê rnë diêidzaê hebreo? Lëscanê nëêëdiê, rnëriaê diêidzaê hebreo. ¿Nacajëê benê Israel? Lëscanê nëêëdiê, nacariaê benê Israel. ¿Nacajëê zÌiêisuba Abraham? Lëscanê nëêëdiê, nacariaê zÌiêisuba Abraham. 23 ¿Tali naê nacajëê benê rue mandado quie Cristo? Rniaê leêe cala mandado quie Cristo ruejëê. Pero nëêëdiê sí, ruaê dugalo mandado quie Cristo. Ca rnë benê tondo, canaê rniaê niga. Pues ganura zu rue dyin quie Cristo ca nëêëdiê. Ganura zu rguijëê ruêejëê ziê quie ca nëêëdiê. Ga nu benê zu rudzeêjëê luêu dyiguiba ca nëêëdiê. Tazë lasa bën zÌudyi quiaê guti ja benëê nëêëdiê. 24 Hasta benê yedyi quiaê, benê Israel, bëjëê nëêëdiê castigo. Gaêyoê lasa udijëê nëêëdiê galobechi ga huio guidi. 25 Tzona lasa udijëê nëêëdiê yaga. Itu lasa udijëê nëêëdiê yo. Tzona lasa betu barco yuêa luêu nisadaoê. Tu lasa uzÌubaê lao nisadaoê tu dza tu yela. 26 Zë lasa uzaêa uyaêa zituê. Zë lasa ben zÌudyi quiaê huaê yao zÌe nëêëdiê. Zë lasa ben zÌudyi quiaê cuan ja benëê ta de quiaê. Zë lasa ben zÌudyi quiaê hue ja benê yedyi quiaê bizinaquezi len nëêëdiê. Zë lasa ben zÌudyi quiaê hue ja benê yedyi tula bizinaquezi len nëêëdiê. Zë lasa ben zÌudyi quiaê ga naca ciudad, ga naca lao yaêa, ga naca lao nisadaoê. Zë lasa ben zÌudyi quiaê nun quie benê na najëê xneza Cristo, pero bëê nazijëê. 27 Biaê dyin ziêi guca zëdi quiaê. Zë lasa bigusiaê bedu yela. Zë lasa bedzagalaohuaê uduaê. Zë lasa bedzagalaohuaê ubilidaê. Zë lasa biaê ubasi. Zë lasa bedzagalaohuaê nun quie tazaga. Zë lasa bedzagalaohuaê nun quie bdzioguedaê zÌabaê. 28 Canaê guca quiaê, pero bineyudyi ca tazëdi raca quiaê. Yugu dza raquedaê rdëbidaê quie ja benê nao xneza Jesús nitaê tu tu yedyi. 29 Chi zu benê rdzebi inao xneza Cristo, yeyëchiêlaêadyaê lëbëê ca quie nëêëdiê nacaê benê rdzebi inao xneza Cristo. Lëscanê chi zu benê bë yelaê stuê quie laguedyi, naêra nëêëdiê rdzeêtzeguedaê quie benê bë yelaê stuê. 30 Chi ruêen lato huaê cuinaê benê zÌe, canaê huaê cuinaê benê zÌe nun quie bedzagalaotzaguiaê uzÌacayudyaê biaê dyin quie Diuzi. 31 Diuzi, benê naca Xuzi Señor quiero Jesucristo, benê rulidzaro ruero balaêana laohue tuzioli, lëbëê nezinëê tali nacan ca rniaê leêe. 32 Cati uzuaê ciudad Damasco, caora naê bë benê naca gobernador quie rey Aretas mandado ta guida ja soldado gapajëê ruêa yedyi ga de neza ta guxujëê nëêëdiê huejëê nëêëdiê preso. 33 Pero ja benê compañero quiaê, benê nao xneza Jesús, lëjëê bdzeêjëê nëêëdiê tu luêu chicuiti zÌe, belizajëê nëêëdiê ruêa ventan zu lëêë besu ta zu nusio ruêa yedyi. Canaê guca ulaê bibëxujëê nëêëdiê.