1 Timoteo 1

1 Nëêëdiê, Pablo, nacaê apóstol quie Jesucristo. Useêelaê Diuzi lënëê Señor quiero Jesucristo nëêëdiê. Naca Diuzi benê ute usela raêo. Lëscanaê naca Jesucristo benê rbezaro yeguida idezÌiê raêo. 2 Timoteo, biaê guichi niga pseêelaên laoloê nun quie nacoê ca zÌiêinaê, benê naorë xneza Jesucristo. Rulidzaê Xuziro Diuzi lënëê Señor quiero Jesucristo ta huelaêiyaquëê luëê, yeyëchiêlaêadyiêyaquëê luëê, cuëchiyaquëê chizi laxtaêoloê. 3 Como cabëê agudyaê luëê dza bezaê uyaêa yaca yedyi nebaba Macedonia, reêendaê yegaênloê ciudad Efeso ta huegadyoê nu benê rusëdi ta binaca tali ta usanjëê bira huejëê canaê. 4 Reêendaê yëboêyaquëê ta bihuejëê tazëdi quie cuento historia quie xuzixtaêoyaquëê cabëê guca quieyaquëê. Por nun quie tazëdi naê, huataê huenë quieyaquëê, bibi cule de huen quieyaquëê ta hue quieyaquëê xtiêidzaê Diuzi galeyaquëê quien. 5 Ca ta reyaêalaê huero, reyaêalaê idyëêëro laguedyiro como ca benê laxtaêo yëri, como ca benê baoyuêu gracia, como ca benê nao xneza Jesús du guicho du laêadyiê. 6 Pero nitaê bala yaca benëê birueyaquëê bala. Biyuêuyaquëê gracia, baoniti pensari quieyaquëê, rnëjëê puro diêidzaê bibi zacaê. 7 Reêenyaquëê gacayaquëê ca benê rusëdi guichi ley quie Diuzi, pero nica neziyaquëê con cabëê rnan lëêëna nica neziyaquëê bidanê rusëdiyaquëê. 8 Neziro guichi ley quie Diuzi naê nacan dyaêa chi inaoron según reêen Diuzi inaoron. 9 Bigalaêadyoê biudixu Diuzi ley quienëê para yaca benê bibi tamedian nueja. Pero udixo Diuzi ley quienëê tacuenda gataê castigo quie yaca benê mala, benê bireêen gale xtiêidzëê, benê rue contra lëbëê, benê de dulaê xquia quie, benê guti xuzi zÌnëêë, benê guti nutezi benëê, 10 lente benê rasilë nigula binaca zÌgule, lente benê rasilë laguedyi byunëê ca nigula, lente benê rban benëê, lente benê huiziê yëê, lente benê rgunte Diuzi de huiziê yëê. Quie lenaê udixo Diuzi guichi ley naê tacuenda gataê castigo quie yugulu benê birue quiejëê quie ta naca tali quie Diuzi. 11 Naêra ta naca tali quie Diuzi rdzelan lëêë guichi laêiya quienëê ga rguixogueên ca ruenëê gunnëê yelaê neban quiero tuzioli. Lëdiêidzaê quienëê naê bdëê Diuzi nëêëdiê ta quixoguiêa yaca benëê. 12 Rëpaê Señor quiero Jesucristo diuxcaleloê nun quie rlëêënëê nëêëdiê benê rale rue ca mandado reêennëê huaê, udaênëê bënnëê nëêëdiê fuerza valor ta huaê ca dyin reêennëê huaê. 13 Pero dza naête ptasi bniogaê Jesucristo, udilaliaê yaca benê quienëê, psacayaquëê bizinaquezi. Baêalaêcazi biaê canaê, beyëchiêlaêadyiê Diuzi nëêëdiê, porque binezdaê bin biaê, binenaohuaê xneza Jesús caora naê. 14 Canaê tazÌe gula beyëchiêlaêadyiê Señor quiero nëêëdiê. Canaê bënëê quiaê ta inaohuaê xneza Jesucristo, ta idyëêëdaê benëê ca nadyëêë yaca benê nao xneza Jesús yaca benëê. 15 Nacan tabala bida Cristo Jesús lao yedyi layu ta ute uselanëê yaca benê de dulaê xquia quie ta gataê yelaê neban quieyaquëê tuzioli. Naêra lëscanê nëêëdiê, de dulaê xquia zÌe quiaê dza naê, 16 pero beyëchiêlaêadyiê Diuzi nëêëdiê tacuenda uluêen naca Cristo Jesús benê zÌelaêadyiê. Ca guca quiaê nacan tu ejemplo para yaca benê huanao xneza Jesús dza zazaêra gataê yelaê neban quieyaquëê tuzioli. 17 Canaê tuzioli reyaêalaê gapalaênro Diuzi, benê zu tuzioli, benê neban tuzioli, benê biilëêëro. Tuzi lëbëê naquëê Diuzi, ganura Diuzi zu. Amén. 18 Timoteo, raquedaê luëê ca zÌiêinaê, rniaê luëê hueloê dyin quie Diuzi du guicho du laêadyoê, bë quioê xtiêidzaê Diuzi, bë quioê quie pensari bdzeê Diuzi luêu guichoê con ca una yaca benê bë quie xtiêidzaê Diuzi dza naê. Lao naêa Diuzi unayaquëê cabëê reyaêalaê hueloê. 19 Naêra nitaê yaca benëê bibë quiejëê quie pensari bdzeê Diuzi luêu guichoyaquëê. Quie lenaê aodyiaguiê pensari quieyaquëê psanlaêadyiêyaquëê xneza Jesús. 20 Canaê guca quie Himeneo len Alejandro. Pero babebiogaê lëjëê, banacayaquëê cuenda quie xanê taxiêibiê Satanás tacuenda ineziyaquëê bireyaêalaê utasi unioyaquëê Diuzi.