1 Pedro 4

1 Como bedzagalao Jesucristo, gutinëê lëêë yaga cruzo, lëscanê leêe, reyaêalaê sule dispuesto yedzagalaole. Porque chanê yedzagalaole, lenaê gacalën leêe ta biinan quiele huele xquia. 2 Lëscanê huacalën leêe inaole tadyaêa huele cabëê reêen Diuzi huele dza rdale lao yedyi layu. 3 Ziêtela abële tamala canaête. Abële tamala ca yaca benê binezi quie Diuzi. Abële tamala cabëê unan quiele. Udale hueêe, uzÌudyile, bële lani, bële ruêbe, uyonlaêadyiêle yaca ídolo quiele ta naca bayatza gula. 4 Pero naêra yaca benê binezi quie Diuzi rdzaêjëê leêe, porque bira tzuêulëlejëê tuzÌe yelaê mala quiejëê. Quie lenaê rudyialaêadyiêjëê leêe. 5 Pero huadyincazi dza gaca juicio quiejëê lao Señor quiero Jesucristo, benê ichugubëê quie len yaca benê aguti, yaca benê naban. 6 Quie lenaê uyo yaca benëê yetixogueêjëê xtiêidzaê Diuzi lao yaca benê unitaê tiempote cuenda gataê yelaê neban quiejëê tuzioli lao naêa Bichi Be quie Diuzi, baêalaêcazi cati bdyin dza quiejëê gutiyaquëê cabëê gaca quie yugulu benëê. 7 Baidyin dza yeyudyi yedu quie dyila yu. Quie lenaê tzuêule pensari huen ulidzale Diuzi du guicho du laêadyiêle. 8 Pero ta nacara belao idyëêële laguedyile, porque lenaê gacalën leêe siêzÌele quiejëê caora rapajëê falta. 9 Reyaêalaê gapachiêle laguedyile zÌan yuêu quiele dyëêëdi, bitilale leyaquëê. 10 Como benê napa dyin quie Diuzi, gacalële laguedyile según ca banegun Diuzi quie quiele. 11 Yaca benê bëê Diuzi laze quixogueêjëê xtiêidzaênëê, reyaêalaê quixogueêjëên ca benê rnë quie Diuzi. Lëscanê, yaca benê bëê Diuzi laze gacalëjëê laguedyijëê, reyaêalaê gacalëjëê lëjëê conlë fuerza valor ruêe Diuzi lëjëê. Yugulu ta ruele, huelen lao naêa Jesucristo tacuenda hue yaca benëê Diuzi balaêana. Naca Jesucristo benê zÌecazi, benê de yelaê huaca quie tuzioli. Amén. 12 Bichaê, benê nadyëêëdaê, caora raca zëdi quiele nun quie rue Diuzi leêe prueba, bidëbile bihuele pensari tamala raca quiele. 13 Mejorla yedaohuele caora rusaca benëê leêe tamala nun quie naole xneza Cristo, porque tahuen gula yegaênnan quiele yedaohuetzeguele caora yeguida Jesucristo ilëêë yaca benëê naquëê benê zÌecazi. 14 Chi rutasi runio yaca benëê leêe nun quie naole xneza Cristo, reyaêalaê yedaohuele, porque lenaê ruluêen yuêule Bichi Be quie Diuzi luêu guicho laxtaêole. Rutasi runio yaca benëê Cristo, pero leêe reyaêalaê ruelenëê benê zÌe. 15 Chi redzagalaole nun quie bëtile benëê, o chi ulanle quie benëê, o chi bële tamala, o chi bdaê quiele ta bireyaêalaê udaê quiele, reyaêalaê yedueêle. 16 Pero chi redzagalaole nun quie naole xneza Cristo, naê bireyaêalaê yedueêle, reyaêalaê yedaohuele. 17 Aruen bago dza gaca juicio quie lao yugulu benëê. Huazulaona len raêo, benê nao xneza Jesús. Pero chi sulaona len raêo, benê nao xneza Jesús, bayëchiê gula gaca quie yaca benê bibë quie xtiêidzaê Diuzi. 18 Lenaê rnën lëêë guichi laêiya quie Diuzi cani: Chi canezi ula yaca benê laxtaêo yëri, ¿bizÌi gaca quie yaca benê mala? 19 Tanaê, chi rusaca yaca benëê leêe bizinaque nun quie naole xneza Cristo cabëê reêen Diuzi, biusanlaêadyiêle huele tahuen sudyiêilële Diuzi, benê bzalo raêo. Uzucazi Diuzi diêidzaê quienëê cabëê unëê huenëê.