1 Pedro 1

1 Nëêëdiê, Pedro, nacaê apóstol quie Jesucristo. Biaê guichi ni useêelaên laole leêe benê abdzatza uzaê yedyi quie ziole yedyi tula, ziole yaca yedyi nebaba Ponto, len yaca yedyi nebaba Galacia, len yaca yedyi nebaba Capadocia, len yaca yedyi nebaba Asia, len yaca yedyi nebaba Bitinia. 2 Ulio Xuziro Diuzi desde tiempote gacale benê quienëê según ca unanëê huenëê quiele. Lao naêa Bichi Be quienëê ulionëê leêe tacuenda inaole xneza Jesucristo yeyëri guicho laxtaêole por nun quie gutinëê lëêë yaga cruzo ulato ren quienëê. Rulidzaê Diuzi ta huelaêiyanëê leêe cuëchinëê chizi luêu guicho laxtaêole. 3 Huero Diuzi, benê naca Xuzi Señor quiero Jesucristo, benê zÌe. Beyëchiêlaêadyiênëê raêo, banaca quiero ca quie benê bagolo tacubi. Lenaê rbezaro dza yeziênëê raêo gataê yelaê neban quiero tuzioli cabëê bënëê quie Jesucristo, psebannëê lëbëê. 4 Canaê yegaênnan quiele ca ta pcueza Diuzi guibá gunnëên quiele. Ca ta gun Diuzi nacan huen gula, binaquixin ni tu tamala. Biyeyudyi yedu yeyulan tuzioli. 5 Nun quie naole xneza Jesús, nacuiêo Diuzi leêe conlë yelaê huaca quienëê hasta dza yeyudyi yedu quie dyilayu bade yelaê neban quiele tuzioli. Hora naê, hora yeyudyi yedu dyilayu, uluêe Diuzi leêe ca tadyaêa gula bapcuezëê quiele guibá. 6 Quie lenaê redaohuele baêalaêcazi rnaban yedzagalaole tazÌe tu tiempo daoê tacuenda ilëêë Diuzi chi du guicho du laêadyiêle naole xnezëê. 7 Rnaban udzeêro yo laguiê ta racan ca oro ta gaca prueba chi tali nacan oro. Lëscanê leêe, rnaban gacale prueba ilëêë Diuzi chi du guicho du laêadyiêle naole xnezëê. Naê chi biusanle xneza Jesús, lenaê zacaêran ca zacaê oro. Lenaê yeyulaêadyiê Diuzi leêe yëbinëê bële huen, yeron dyaêa quiele laonëê dza yeguida Jesucristo. 8 Leêe nedyëêële Jesucristo baêalaêcazi binelëêëlenëê. Caora naê nun quie naole xnezëê baêalaêcazi binelëêëlenëê, zudyiêilëlenëê. Tantozi redaohuele, birdzelele diêidzaê inale cabëê naca yelaê redaohue quiele. 9 Cuenda quie naole xneza Jesucristo, canaê biiniti bichi be quiele, canaê bade yelaê neban quiele tuzioli. 10 Yaca benê unitaê tiempote, benê psëdi guichi quie Diuzi, psëdijëê ca cule hue Diuzi quiele gataê yelaê neban quiele tuzioli, naê unajëê quie tadyaêa gula de quie Diuzi gunnëê quiele. 11 Dza naê useêelaê Cristo Bichi Be quienëê ta uzioñeêenëê yaca benê psëdi guichi quie Diuzi tiempote. Bzioñeêenëê lëjëê tu ta binegaca quie Cristo. Bzioñeêenëê lëjëê cabëê yedzagalao Cristo, pero caora yeyudyi yedzagalaonëê, gapalaên yaca benëê lëbëê tazÌe gula. Psëdijëê ca ta bzioñeêe Bichi Be quie Cristo lëjëê. Bëjëê pensari nu guida. Bëjëê pensari bata gaca canaê. 12 Pero bzioñeêe Diuzi lëjëê de que cabëê bedzelejëê psëdijëê bigucan para lëjëê, gucacazin para raêo. Desde guibá useêelaê Diuzi Bichi Be quienëê ta gacalënëê yaca benê rguixogueê xtiêidzaê Diuzi ta pxiêidzeêjëê leêe con cabëê una ja benê unitaê tiempote. Pues lente ja ángel reêenjëê isëdijëê con cabëê una yaca benê unitaê tiempote. 13 Quie lenaê sule listo tzuêule gracia. Sudyiêilële Diuzi cuezale dyëêëdi ca tadyaêa gula gaca quiele dza yeguida Jesucristo. 14 Ca rale zÌiêiro quiero, canaê reyaêalaê galele quie Diuzi. Bihuele ta rnazin quiele cabëê bële dza naê, dza caora binenaole xneza Jesús. 15 Ta reyaêalaê huele, reyaêalaê gacale benê laxtaêo yëri, porque Diuzi, benê ulionëê leêe, naquëê benê laxtaêo yëri gula. 16 Porque rnën lëêë guichi laêiya quie Diuzi cani: “Gacale benê laxtaêo yëri, porque naca Diuzi benê laxtaêo yëri gula." 17 Chi ulidzaro Diuzi yëbironëê: “Xuzindoê luëê”, tanaê reyaêalaê gaparo cuidado bibi huero tu lala rdaro lao yedyi layu, porque nezi Diuzi nu raêo rue tahuen, nu raêo rue tamala. Tuzi ca nezi Diuzi quiero. 18 Pues bapte psela Diuzi raêo. Babecubinëê pensari quiero ta bira huero tamala ca ta mala bë xuzixtaêoro. Ta bë Diuzi quiero ruenan ca quie benê yaêohue raêo. Pero dyëêëdi nezile quele con ta yeyudyi yedu quie como ca oro o plata yaêohue Diuzi raêo, 19 pero conlë ren quie Cristo yaêohue Diuzi raêo. Lëbëê gutiguëê lëêë yaga cruzo ca gun quie Diuzi ulato ren quienëê. Naquëê ca quie tu becoê zÌiêilaê dyaêa gula ta hueêro Diuzi. 20 Tu binegataê yedyi layu una Diuzi iseêelëê Cristo lao yedyi layu. Naêra tiempo quiero, tiempo rdaro lao yedyi layu, bapseêelaê Diuzi Cristo bidanëê bënëê tadyaêa quiero. 21 Lao naêa Cristo naoro xneza Diuzi. Pseban Diuzi Cristo, bënëê lëbëê benê zÌe. Por nun quie danê zudyiêilëro Diuzi, canaê rbezaro dza yeziênëê raêo. 22 Naêra leêe, barue quiele diêidzaê li quie Diuzi, baneyëri guicho laxtaêole lao Diuzi tacuenda idyëêële yaca benê bichiro. Du baneyërile lao Diuzi, canaê du guicho du laêadyiêle reyaêalaê idyëêële benê bichiro, yaca benê nao xneza Jesús. 23 Banaca quiele ca quie benê bagolo tacubi, pero quele por nun quie xuzile zÌnaêle, denê por nun quie xtiêidzaê Diuzi. Pues quie xtiêidzaê Diuzi, biyeyudyi yedu quien, nebannan tuzioli. 24 Canaê rnën lëêë guichi laêiya quie Diuzi cani: Yugo benëê naca quiejëê ca quie guizÌi, como tu chopa dzazi yeyudyi yedu quiejëê. Lëscanê nacarë ta de quiejëê ca quie yo guixiê, como lëzirë tu chopa dzazi yeyudyi yedu quien. 25 Pero xtiêidzaê Diuzi, tuzioli biyeyudyi biyedu quien. Rguixogueên quie yelaê neban tuzioli. Lëdiêidzaê naê, diêidzaê laêiya quie Diuzi, lenaê baodixogueê yaca benëê leêe.