1 Juan 4

1 Bichaê, bigalele quie yugulu benê naja tanun quie Diuzi rnajëê, danê bineziro chi balejëê rnajëê quie Diuzi. Reyaêalaê uzënagaro quiejëê dyëêëdi chi rnajëê tuzi ca rna diêidzaê quie Diuzi, o chi birnajëê tuzi. Porque nitaê benê zë rnaja tanun quie Diuzi rnajëê, pero bëê nazijëê, yëê rziêjëê. 2 Chi rnajëê bida Jesucristo lao yedyi layu guquëê benëê, canaê ineziro nacajëê benê quie Diuzi, aoyuêu Bichi Be quienëê lëjëê. 3 Pero chi rnajëê bibida Jesucristo lao yedyi layu, biguquëê benëê, canaê ineziro binacajëê benê quie Diuzi, biyuêu Bichi Be quie Diuzi lëjëê, pero yuêujëê bichi be xiêibiê. Naê bichi be yuêujëê rdyialaêadyiên Cristo. Abele huida bichi be xiêibiê rue canaê lao yedyi layu. Ni rniaê leêe babidan naêa. 4 ZÌiêinaê, nacaro benê quie Diuzi. Quie lenaê yaca benê birna tuzi con cabëê rna xtiêidzaê Diuzi, bihuejëê raêo gan siêjëê raêo yëê, porque napara fuerza Bichi Be quie Diuzi yuêuro, quele ca fuerza napa bichi be quie xanê taxiêibiê yuêujëê. 5 Nacajëê benê quie xanê taxiêibiê, binacajëê benê quie Diuzi. Quie lenaê rnajëê tuzi ca rna xanê taxiêibiê. Quie lenaê gale yaca benê nao neza quie xanê taxiêibiê ca diêidzaê inajëê. 6 Pero raêo, nacaro benê quie Diuzi. Nu benê gale quiero, nacarëjëê benê quie Diuzi. Canaê neziro nula yuêu Bichi Be quie Diuzi, nula yuêu bichi be quie taxiêibiê. 7 Bichaê, reyaêalaê idyëêëro benê bichiro, benê nao xneza Jesús. Canaê reêen Diuzi huero, porque nadyëêë Diuzi yugulute benëê. Chi nadyëêëro yugulute benëê, nacalëro Diuzi tuzÌe, naê du laêadyiêro nacaro zÌiêinëê. 8 Chi binadyëêëro yugulute benëê, naê binacalëro Diuzi tuzÌe, porque nadyëêë Diuzi yugulute benëê. 9 Tantozi nadyëêë Diuzi raêo, naê useêelëê tu litzaê zÌiêinëê lao yedyi layu. Lao naêa zÌiêinëê gutaê yelaê naban quiero tuzioli. Canaê neziro nadyëêë Diuzi raêo. 10 Tanto nadyëêë Diuzi raêo, baêalaêcazi binegueêenro Diuzi caora naê, useêelëê zÌiêinëê lao yedyi layu gutinëê lëêë yaga cruzo, udizÌuguëê dulaê xquia quiero cuenda yeziêzÌe Diuzi quiero. 11 Bichaê, nun quie nadyëêë Diuzi raêo, reyaêalaê edyëêëro itu ituro. 12 Baêalaêcazi ni tu nunu blëêë Diuzi, pero chi nadyëêëro itu ituro, naê yuêu Bichi Be quienëê luêu guicho laxtaêoro, naê bitecazi nadyëêë Diuzi raêo. 13 Nun quie nudzeê Diuzi Bichi Be quienëê luêu guicho laxtaêoro, naê ineziro nacalëronëê tuzÌe. 14 Nëtoê blëêëndoê nacandoê testigo cabëê bë Xuziro Diuzi lënëê zÌiêinëê. Useêelëê lëbëê lao yedyi layu tacuenda ute uselanëê nutezi benê reêen nao xnezëê. 15 Nutezi benê gale chi zÌiêi Diuzi Jesucristo, lëbenê naê nuenëê Diuzi balaêana, lëscanê nue Diuzi lëbenê naê balaêana. 16 Canaê neziro nadyëêë Diuzi raêo lente yugulute benëê. Lëscanê, raêo, chi edyëêëro tu ituro, naê nuero Diuzi balaêana, lëscanê nue Diuzi raêo balaêana. 17 Canaê hue quiero idyëêëro Diuzi du guicho du laêadyiêro, biidzebiro dza gaca juicio, porque bdyëêëro Diuzi dza udaro lao yedyi layu cabëê bdyëêë Jesucristo Diuzi. 18 Chi neziro nadyëêe Diuzi raêo, biidzebironëê. Chi du laêadyiêro nadyëêëro Diuzi biidzëbironëê ni lëêëtiê. Pero chi rdzebiro Diuzi, lenaê ruluêen bineneziro chi tali nadyëêë Diuzi raêo. 19 Nadyëêëro Diuzi porque tanëro bdyëêë Diuzi raêo. 20 Chi inaro nadyëêëro Diuzi, pero rudiero yaca benëê, yëê rziêro inaro nadyeêëro Diuzi. Chi binadyëêëro yaca benëê, benê rlëêëro, yëê rziêro inaro nadyëêëro Diuzi, benê birlëêëro. 21 Chi nadyëêëro Diuzi, nacan zi hue quiero idyëêëro yaca benëê. Canaê naca mandamiento udixu Jesucristo para raêo.