1 Juan 2

1 Raquedaê leêe ca quie zÌiêinaê. Guichi ni biaê useêelaên laole ta gacalën leêe ta bihuele tamedian. Pero chi huele tamedian, naca Jesucristo benê huen gula, benê sëlë raêo lao Xuziro Diuzi. 2 Lëbëê aodizÌuguëê quie xquia quiero cati gutinëê lëêë yaga cruzo lao lazaro. Pero quele quie raêozi udizÌunëê, lëscanê udizÌunëê quie yugulu benëê. 3 Chi hue quiero ca una Cristo, lenaê neziro tali nacaro benê quienëê. 4 Chi inaro nacaro benê quienëê, naê bihue quiero cabëê unëê, naê rziêro yëê, birnëro tali. 5 Pero chi hue quiero ca unëê, lenaê rluêen nedyëêëro Diuzi du guicho du laêadyiêro, xelaêadyiêro nacaro benê quienëê. 6 Chi inaro naoro xneza Cristo, naê reyaêalaê taro cabëê udanëê. 7 Bichaê, quele diêidzaê cubi rniaê leêe niga. Rniaê leêe ca diêidzaê abele desde canaête caora uzulaole rnaole xneza Cristo. 8 Pero lëscanê ta rniaê leêe niga, nacan ca quie tu diêidzaê cubi. Tantozi naca diêidzaê belao, ruen dyabëê iniaê leêe tatula. Diêidzaê li rniaê niga. Rniaê quie Cristo, lëscanê rniaê quie leêe. Rniaê leêe areyudyi rda yaca benëê lao lato lao chula. Barseniên guiê quie xtiêidzaê Diuzi luêu guicho laxtaêo yaca benëê. 9 Chi inaro rseniên guiê quie xtiêidzaê Diuzi luêu guicho laxtaêoro, pero rudiero benê bichiro, benê nao xneza Jesús, yëê rziêro rnëro canê. Quele rseniên guiê quie xtiêidzaê Diuzi luêu guicho laxtaêoro, nechanê nechula luêu guicho laxtaêoro. 10 Chi nedyëêëro benê bichiro, benê nao xneza Jesús, lenaê uluêen rseniên guiê quie xtiêidzaê Diuzi luêu guicho laxtaêoro. Birue xtiêidzaê Diuzi raêo mandado huero tamala. 11 Chi rudiero bichiro benê nao xneza Jesús, naca quiero ca quie benê rda ga naca chula, birlëêëro ga zioro. Anaca quiero ca quie benê laochula, benê birlëêë. 12 Raquedaê leêe ca quie zÌiêinaê. Quie lenaê biaê guichi niga useêelaên laole, porque lao naêa Jesucristo aozÌiêzÌe Diuzi quie xquia quiele. 13 Lëscanê biaê guichi ni, useêelaên laole leêe, benê naca ja xuzi familia, porque nuebëêle Cristo, benê uzu tu binegataê dyilayu. Lëscanê biaê guichi ni, useêelaên laole leêe biê ruêabe, porque rnaole xneza Jesús, bira naole neza mala. 14 Biaê guichi ni, useêelaên laole leêe, zÌiêinaê, porque nuebëêle Xuziro Diuzi. Lëscanê biaê guichi ni useêelaên laole leêe, benê naca ja xuzi familia, porque nuebëêle Cristo, benê uzu tu binegataê dyila yu. Biaê guichi ni, useêelaên laole leêe, biê ruêabe, porque tzutzu huala rnaole xneza Cristo, aoyuêu laxtaêole xtiêidzaê Diuzi, bira naole neza mala. 15 Bireyaêalaê saêlaêadyiêro ta de lao yedyi layu. Chi saêlaêadyiêro ta de lao yedyi layu, lenaê ruluêen binadyëêëro Diuzi. 16 Yaca benê nitaê lao yedyi layu, ruejëê ta rnazin quiejëê, rzaêlaêadyiêjëê ta de lao yedyi layu. Yelaê uñaêa quiejëê, ruejëê cuinjëê benê zÌe, rezÌëêyaquëê laguedyiyaquëê. Pero quele tanun quie Diuzi ruejëê canaê, dechanê ta racazi laêadyiêjëê ruejëê canaê. 17 Bareyudyi redu quie dyilayu len quie yaca benê rueja ta rnazin quie. Yaca benê rue quie ca reêen Diuzi, huataê yelaê neban quiejëê tuzioli. 18 Rniaê leêe, zÌiêinaê, ilëêëtiêzi yeyudyi yedu quie yedyi layu. Abele huida tu benê huetzague condre Cristo. Pues hora naêa anitaê zë yaca benê rue condre Cristo. Tanaê neziro bazaê dza yeyudyi yedu quie yedyi layu. 19 Yaca benê rue condre Cristo, gucalëjëê raêo tuzÌe dza naê, pero apsanlaêadyiêjëê raêo naêa. Chi dulaêadyiêjëê gucalëjëê raêo tuzÌe dza naê, bipsanlaêadyiêjëê raêo. Pero guca canaê tacuenda uluêen dyëêëdi bëê bëziyaquëê, danê gucalëjëê raêo tuzÌe. 20 Pero leêe, babdzeê Diuzi Bichi Be quienëê luêu guicho laxtaêole cuenda gacale benê rioñeêe. 21 Biaê guichi ni useêelaên laole, porque quele binezile con cabëê rna xtiêidzaê Diuzi, dechanê nezicazile con cabëê rnan. Dyëêëdi nezile birnë xtiêidzaê Diuzi diêidzaê huiziê yëê. 22 Yëê rziê benëê bëê nayaquëê binaca Jesús benê useêelaê Diuzi ta ute uselanëê benëê. Nu yaca benê rnë canaê, rudyialaêadyiêyaquëê Cristo. Rusebiêyaquëê Xuziro Diuzi lënëê zÌiêinëê Jesucristo. 23 Chi rusebiê yaca benëê zÌiêi Diuzi, lente Diuzi rusebiêyaquëê. Chi rnëyaquëê cule quie zÌiêi Diuzi, lente Diuzi rnëyaquëê cule. 24 Quie lenaê bigalaêadyiêle cabëê diêidzaê uyuêu luêu guicho laxtaêole hora uzulaole rnaole xneza Jesús. Porque chi yegaên diêidzaê bele canaête luêu guicho laxtaêole, naê biyeyudyi nacalële Xuziro Diuzi lënëê zÌiêinëê tuzi. 25 Una Jesucristo gunnëê yelaê neban quiero tuzioli. Canaê begaênlënëê raêo diêidzaê. 26 Guichi biaê niga, nacan ta quixogueên leêe cabëê hue yaca benê reêen siê leêe yëê. 27 Naê abdzeê Jesucristo Bichi Be quienëê luêu guicho laxtaêole. Abegaênnëê yuêunëê luêu laxtaêole ruzioñeêenëê leêe diêidzaê li quie Diuzi. Canaê inezile chi inë yaca benëê tuzi ca rnën len xtiêidzaê Diuzi, o chi birnëyaquëê tuzi. Puro diêidzaê li rna Bichi Be quienëê, birnënëê diêidzaê hueziê yëê. Biyehuëdile nacalële Cristo tuzÌe conforme con ca bzioñeêe Bichi Be quienëê leêe. 28 Lenaê, zÌiêinaê, rniaê leêe tatula, biyehuëdiro nacalëro Cristo tuzÌe cuenda bigataê yelaê stuê quiero cati dza yeguidëê. 29 Nezile naca Diuzi benê rue ta yuêu niêa xnezi. Lëscanê reyaêalaê inezile yugulu yaca benê rue ta yuêu niêa xnezi, nacayaquëê zÌiêi Diuzi.