1 Corintios 6

1 Chi leêe reêenle gaole xquia laguedyile benê quie Jesús, ¿bixquienê reyazÌole ziole tzataole xquia lao juez, benê binaca benê quie Jesús? ¿Binezile reyaêalaê tziole lao yaca benê naca benê quie Jesús ta gaole xquia laguedyile benê quie Jesús? 2 ¿Binezile yugulu raêo, benê quie Jesús, huachuguliro yaca benê binaca benê quie Jesús dza gaca juicio? Chanê leêe huachugulile yaca benê binaca benê quie Jesús, ¿bixquienê raquele bigacale ichugulile laguedyile benê quie Jesús ta cuëchitzaêole tazëdidaoê raca quiele? 3 ¿Lëzi binezile raêo ichuguliro quie yaca ángel zu guibá? Naêra chi gacale cuëchitzaêole tazëdi ta raca guibá, lëzi gacarële cuëchitzaêole tazëdidaoê ta raca lao yedyi layu. 4 Chi de tazëdidaoê quiele dza rdale lao yedyi layu, ¿bixquienê ruele ladyinaêa benê binaca benê quie Jesús ta cuëchitzaêohuëê tazëdidaoê raca quiele? 5 Ta nacanê iniaê leêe canê ta yedueêle. ¿Bixquienê raquele bizu tu benê rioñeêe ladole ta cuëchitzaêonëê tazëdidaoê quiele rataê lado yaca laguedyiro, benê quie Jesús? 6 Ni lëêëtiê birexedaê ca ruele raole xquia laguedyiro, benê quie Jesús, lao yaca juez, benê binaca benê quie Jesús. 7 Tali rniaê leêe, nacan mala gula tilalële laguedyile, benê quie Jesús. Nacalan dyaêa usanle sule chizi chi nu bi rue quiele, chi baolanyaquëê quiele. 8 Pero leêe, rsacale laguedyiro, benê quie Jesús, bizinaquezi, naê rbanle quieyaquëê. 9 ¿Binezile yaca benê rue con ganzi tamedian binacayaquëê cuenda lao naêa Diuzi? Lenaê bitzioguele yëê. Nu benê ruêabe rasilë nigula, len nu benê rionlaêadyiê nu yo o nu yaga, len nu benê bazulë nigula quienëê, pero rasilënëê nigula tula, len nu benê reyasilë laguedyi byu, len nu benê uban, len nu benê rzaêlaêadyiê dumi, len nu benê hueêe, len nu benê rguitulë diêidzaê bizÌu, len nu benê rue trampa len laguedyi, leyaca benê naê, binacayaquëê cuenda lao naêa Diuzi. 11 Lëscanê rnëriaê quiele, canaê bërële leêe dza naê. Pero naêa banacale benê laxtaêo yëri lao Diuzi, banacale benê laêiya quienëê. Por nun quie Señor quiero Jesucristo len Bichi Be quie Diuzi uzÌiêzÌe Diuzi dulaê xquia quiele. 12 Cani rna bala benëê: “Ruêen lato ta huero con bitezi reêenro huero.” Tabalacazi, pero cala yugulu ta reêenro huero nacan huen quiero hueron. Tabala ruêen lato huero con bitezi reêenro huero, pero bihueêro lato gacan xaênro inabëên raêo. 13 Lëscanê tali ca rna benëê: “Udixu Diuzi yelaê huao ta gaoro. Lëscanê bzalo Diuzi budungo quiero ta tzuêun ta raoro.” Pero huadyin dza hue Diuzi bira inaban gaoro. Canaê hue Diuzi yeyudyi quie yelaê huao len quie budungo quiero. Cala bë Diuzi cuerpo quiero ta huero bizinaquezi talëro nigula. Nacacazi quie Cristo cuerpo quiero. Naca Cristo xaên cuerpo quiero. 14 Con cabëê bë Diuzi besebannëê Señor quiero, lëscanaê huerënëê yesebannëê raêo lao naêa yelaê rnabëê quiëê. 15 ¿BizÌi binezile nacacazi quie Cristo cuerpo quiele? ¿Binezile bireyaêalaê usedyinle cuerpo quiele lao naêa nigula rutiê gusto quie? Nitu nitu bireyaêalaê huele canê. 16 ¿Lëzi, binezile ca naca quie beêmbyu ptila nigula rutiê gusto quie? Cani rnën lëêë guichi laêiya quie Diuzi: “Quie lao rupateyaquëê naca quieyaquëê ca quie tuzi benëê.” Canaê rnën lëêë guichi laêiya quie Diuzi. 17 Naêra yaca benëê nao xneza Cristo, banaca bichi be quiejëê tuzi len Cristo. 18 Biutilale nigula binaca zÌgulale. Chi utilale nigula binaca zÌgulale, lenaê udyiaguiêle cuerpo quiele, cala ca tamedian tula huele. 19 ¿BizÌi binezile naca cuerpo quiele ca quie tu idaoê quie Diuzi? ¿Binezile bayuêule Bichi Be quie Diuzi? Binacaro xaên cuerpo quiero. Diuzi sí, naquëê xaên cuerpo quiero. 20 Diuzi baodizÌuguëê quie dulaê xquia quiero. Lenaê reyaêalaê tzionlaêadyiêronëê, bireyaêalaê huero tamedian conlë cuerpo quiero.