Salmos 13

1 ¿Ájate̱queze gal-la lazru’ neda’, Xran? ¿Gal-la lázrtequezu’ neda’? ¿Ájatequeze quebe le’enu’ da dxaca chia’? 2 ¿Ájatequeze gun na ba xen guchaga lawa’ da dxezaca’? ¿Ájatequeze gaca wi’ine lazra’ te zra, ne chizrela? ¿Ájatequeze nna be’e benne’ dxedábague̱’ Lue’ neda’? 3 Gunná’ da dxaca chia’, Xran, ne beche̱be chia’. Btipa lazra’ chee̱ quebe gatia’, 4 ne chee̱ quebe nna benne’ dxedábague̱’ neda’: “Ba be̱tia’ ni’a ne̱’e̱.” Benne’ ca’ dxeledábague̱’ neda’ xelebene̱’ che cheajcházia’ lu da cale̱la. 5 Neda’ dxuxrén lazra’ Lue’ xexache lazru’ neda’. Dute̱ lázrdawa’ dxebeda’ lawe’ da dxuseláu’ neda’. 6 Gúl-laqueza’ chee̱ Xrana’ Dios lawe’ da ba nune̱’ chia’ da xrlátaje.